زیرک کے پسندیدہ اشعار

[زیرک]

دہر کے غم سے ہوا ربط تو ہم بھول گئے
سرو قامت کو جوانی کو قیامت لکھنا​

 

[زیرک]

مجھ بے عمل سے ربط بڑھانے کو آئے ہو؟
یہ بات ہے اگر، تو گئے تم بھی کام سے​

 

[زیرک]

دلوں کا حال تو یہ ہے کہ ربط ہے نہ گریز
محبتیں تو گئی تھیں، عداوتیں بھی گئیں​

 

[زیرک]

دیکھ آئیں چلو کوئے نگاراں کا خرابہ
شاید کوئی محرم ملے ویرانئ دل کا​

 

[زیرک]

سونے کے بھاؤ ملنے لگا ہے کفن یہاں
مرنا بھی میرے شہر میں آسان نہ رہا​

 

[زیرک]

اختلافِ جہاں کا رنج نہیں تھا
دے گئے مات “ہم خیال” ہمیں​

 

[زیرک]

میرے جلتے مکاں کو کیا معلوم؟
میرے اپنے چراغ مجرم ہیں​

 

[زیرک]

سبهی ہیں دامن گریز مجھ سے
ہے کتنی مجھ میں خراب مٹی​

 

[زیرک]

ہم ایسے لوگ سہولت سے جی نہیں پاتے
ہمارے دل کے مسائل دماغی ہوتے ہیں​

 

[زیرک]

اگر یونہی مجھے رکھا گیا اکیلے میں
بر آمد اور کوئی اس مکان سے ہو گا​

 

[زیرک]

ایک وہ وقت کہ تشنہ لبی کا شکوہ تھا
آج قبضے میں سمندر ہے مگر پیاس نہیں​

 

[زیرک]

دل کو پانی میں رکھ دیا میں نے
آگ جیسی تھیں خواہشیں اس کی​

 

[زیرک]

والدہ مرحومہ کے بعد کی میری عیدیں کیسے گزرتی ہیں، انور شعور کایہ شعرگویا میری ترجمانی کرتا ہے​

عیدیں تمہارے بعد بھی آتی رہیں، مگر
کپڑے نہیں سِلے کئی موسم گزر گئے​

 

[زیرک]

کسی سے کوئی تعلق نہیں ہے تیرے سوا
میں آج کل تِری الفت کے اعتکاف میں ہوں​

 

[زیرک]

کبھی نہ چاہنے والوں کا خوں بہا مانگا
نگارِ شہرِ سخن بے ضمیر ایسی تھی​

 

[زیرک]

یوں ہی تو شہر بھر میں نہیں ہوتی روشنی
ہر اک دِیے کی لَو میں ہیں جلتی اداسیاں​

 

[زیرک]

تم شہرت کے پیچھے بھاگے، نقالوں کے میر ہوئے
ہم نے بُلھے سے مُجرا سیکھا، ہم نے یار کمایا ہے​

 

[زیرک]

تھوڑی ہم پر عطا "محبت" کی
تھوڑے ہم بھی امیر ہو جائیں
کومل جوئیہ​

 

[زیرک]

اسمِ یار کا وِرد وظیفہ کر کے وقت گزارا ہے
اک تسبیح بنا دی تیری یاد پرونے والوں نے
کومل جوئیہ​

 

[زیرک]

تیمار دار مرہمی لہجے کی خیر ہو
گھاؤ کی بات چھوڑ دے گھائل پہ بات کر
کومل جوئیہ​