زیرک کے پسندیدہ اشعار

[زیرک]

جس کے ہوتے غم گزرتا بھی نہ تھا نزدیک سے
دور جاتے ہی وہ میرے غم کا بانی بن گیا
افتخار نسیم افتی​

 

[زیرک]

بارشِ سنگ سے پہلے یہ ذرا سوچ تو لے
تیرا محسن، تِرا محبوب رہا ہے کچھ دن
محسن نقوی​

 

[زیرک]

چھوٹے لوگوں کو بڑا کہنا پڑا ہے اکثر
ایک تکلیف کئی بار سہی ہے میں نے

نصرت صدیقی​

 

[زیرک]

اوروں کے قصیدے فقط آورد تھے جاناں
جو تجھ پہ کہے شعر، وہ الہام سے اترے

احمد فراز​

 

[زیرک]

اس عمر میں ملتے ہیں کب یار نشے جیسے
دارو کی طرح تیکھے، کوکین طبیعت کے

فاضل جمیلی​

 

[زیرک]

ہماری آنکھوں میں جب سے اترا ہے چاند کوئی
ہماری آنکھوں کے گِرد ہالے پڑے ہوئے ہیں

فاضل جمیلی​

 

[زیرک]

آیتِ ہجر پڑھی اور رہائی پائی
ہم نے دانستہ محبت میں جدائی پائی
میثم علی آغا​

 

[زیرک]

بسترِ مرگ پہ تھی اک دنیا
اور تم مر گئے کمال کیا

لیاقت علی عاصم مرحوم​

 

[زیرک]

جو مجھ میں کھیلتا رہتا تھا مر گیا لڑکا
ستم تو یہ ہے مرا بھی جوان ہوتے ہوئے

ندیم بھابھہ​

 

[زیرک]

کس کو افلاس نے رکھا ہے شگفتہ خاطر
یہ تو بچوں کو بھی چنچل نہیں ہونے دیتا

مہتاب عالم​

 

[زیرک]

عجب قبیلہ ہے میرا جس کے گبرو جواں
خود اپنے بوڑھوں کی سازش سے مارے جاتے ہیں

عابی مکھنوی​

 

[زیرک]

عشق نہ ہو تو لمس لطافت کھو دیتا ہے
ہوس پرستو! چُھو چُھو کر اُکتا جاؤ گے
رحمان فارس​

 

[زیرک]

ہر چند تجھے اس نے فقط درد دئیے ہیں
فارس! تجھے یہ عشق بہرحال مبارک
رحمان فارس​

 

[زیرک]

آنکھ سے اشک گرا ہے سو میاں! ہاتھ اٹھا
تارہ ٹوٹے پہ جو کی جائے دعا، لگتی ہے
رحمان فارس​

 

[زیرک]

ہمارے چند اچھے دوستوں نے یہ وعدہ خود سے کیا ہوا ہے
کہ شکل اللہ نے اچھی دی ہے سو بات اچھی نہیں کریں گے
رحمان فارس​

 

[زیرک]

اداسیاں چلی آتی ہیں شام ڈھلتے ہی
ہمارا دل کوئی تفریح کا مقام ہے کیا؟
رحمان فارس​

 

[زیرک]

تمہارے سامنے رکھی ہیں میں نے راہیں دو
سو ایک چن لو، محبت کی، یا محبت کی
رحمان فارس​

 

[زیرک]

کچھ اور بھی ہیں راز خد و خال سے پرے
عورت کو اس کے جسم سے آگے بھی دیکھیے
رحمان فارس​

 

[زیرک]

جیسے دوزخ کی ہوا کھا کے ابھی آیا ہو
کس قدر واعظِ مکار ڈراتا ہے مجھے
یاس یگانہ​

 

[زیرک]

اے زاہدانِ خشک! یہ غیرت کا ہے مقام
آگاہ آج تک نہیں خالق کے گھر سے آپ​