زیرک کے پسندیدہ اشعار

[زیرک]

آج کل میرے تصرف میں نہیں ہے، لیکن
زندگی شہر میں ہو گی کہیں دو چار کے پاس
لیاقت علی عاصم​

 

[زیرک]

جس كو دیكھو وہ جدائی سے ڈراتا ہے مجھے
اِس محبت میں كوئی دوسرا ڈر ہے كہ نہیں
لیاقت علی عاصم​

 

[زیرک]

عدو تھے حلقۂ یاراں میں مثلِ مُوئے سپید
جو ہم نے ایک نکالا تو دس نکل آئے
لیاقت علی عاصم​

 

[زیرک]

مجھے مناؤ نہیں،۔۔ میرا مسئلہ سمجھو
خفا نہیں، میں پریشان ہوں زمانے سے
لیاقت علی عاصم​

 

[زیرک]

دُور تک ساتھ چلا ایک سگِ آوارہ
آج تنہائی کی اوقات پہ رونا آیا
لیاقت علی عاصم​

 

[زیرک]

غافل نہ جانیے مجھے، مصروفِ جنگ ہوں
اس چُپ سے جو کلام سے آگے نکل گئی
لیاقت علی عاصم​

 

[زیرک]

ذرا سا ساتھ دو غم کے سفر میں
ذرا سا مسکرا دو، تھک گیا ہوں
لیاقت علی عاصم​

 

[زیرک]

کوئی اعراب نہیں دکھ کا تِرے چاروں طرف
نہ کوئی پیش، زبر زیر نہ مَد ہے،۔ حد ہے
علی قیصر​

 

[زیرک]

اس کی تقسیم کا معیار "وہ" خود ہی جانے
بھوک ہوتی ہے کہیں، رزق کہیں دیتا ہے
علی قیصر​

 

[زیرک]

اتنی اونچی ہے کہ اب بیل کا دَم گھٹتا ہے
جانے دیوار سے کیا گھر کے مکیں چاہتے ہیں
ممتاز گورمانی​

 

[زیرک]

ہاتھ پکڑنے والے اکثر ہاتھ دِکھا بھی جاتے ہیں
اس نے میرا ہاتھ پکڑ کر پہلے دن سمجھایا تھا
ممتاز گورمانی​

 

[زیرک]

صلح اس بات پہ کر لیں تو خرابی کیا ہے؟
دونوں ہمسائے ہیں اور اردو زباں بولتے ہیں
ممتاز گورمانی​

 

[زیرک]

عشق تو خیر، نہ پہلا تھا نہ دُوجا تجھ سے
پھر بھی اے دوست! تری یاد بڑی آتی ہے
ممتاز گورمانی​

 

[زیرک]

فرشتے چھوڑ کے جنت زمیں پہ آ جائیں
اگر یہ لوگ محبت کے دِیں پہ آ جائیں
ممتاز گورمانی​

 

[زیرک]

کی ترکِ محبت تو لِیا دردِ جگر مول
پرہیز سے دل اور بھی بیمار پڑا ہے
مادھو رام جوہر​

 

[زیرک]

چھوڑنا ہے تو نہ الزام لگا کر چھوڑو
کہیں مل جاؤ تو پھر لطفِ ملاقات رہے
مادھو رام جوہر​

 

[زیرک]

اہلِ جنت مجھے لیتے ہیں نہ دوزخ والے
کس جگہ جا کے تمہارا یہ گنہگار رہے؟
مادھو رام جوہر​

 

[زیرک]

جوؔہر کہیں بِکتی ہی نہیں جنسِ محبت
کیا قحط وفا کا سرِ بازار پڑا ہے
مادھو رام جوہر​

 

[زیرک]

دشمنی غیر تو نہیں کرتے
یہ شرافت تو یار کرتے ہیں
عبدالحمید عدم​

 

[زیرک]

دوستی ان سے ہو گئی ہے عدم
جن کی ہر بات کاروباری ہے
عبدالحمید عدم​