زیرک کے پسندیدہ اشعار

[زیرک]

عطا کرو مجھے کوئی ہجر سے بھرا ہوا غم
میں وہ فقیر ہوں جس کی طلب اداسی ہے​

 

[زیرک]

ہمارے چاہنے والوں کو ہم سے شکوہ ہے
سمجھ رہے تھے وہ پتھر، ہم آئینہ نکلے​

 

[زیرک]

بھنور نے گھیر لیا ہے سو بچ نہ پاؤں گا
یہ عشق کھیل نہیں ہے کہ راستہ نکلے​

 

[زیرک]

ملاقاتوں کا کہتے ہو، ملاقاتیں کہاں ہوویں؟
نہ ہم جاویں ہیں مسجد میں، نہ آپ آویں ہیں میخانے​

 

[زیرک]

میں نے تو اڑتے پرندوں سے یہی سیکھا ہے
کام آئے تو فقط اپنے ہی بازو آئے​

 

[زیرک]

اک تہجد گزار کی خاطر ہم محبت گزار چل پڑے تھے
اک شکاری کا ایسا شہرہ تھا اس کی جانب شکار چل پڑے تھے
احمد عطاء اللہ​

 

[زیرک]

شہر پہنچا تو یہی سوچ کے آنکھیں پونچھیں
میرا ہوتا تو مِرے ساتھ بھی آیا ہوتا

احمد عطاء اللہ​

 

[زیرک]

عطا بے صبر لوگوں کے کبھی برتن نہیں بھرتے
گزارہ کرنے والوں کا گزارہ ہونے لگتا ہے

احمد عطاء اللہ​

 

[زیرک]

اپنے ہی جیسا کرتا ہوں ہر شہر میں تلاش
بنتی نہیں ہے میری، کسی بہترین سے

احمد عطاء اللہ​

 

[زیرک]

یہ عمر بھر کی مسافت ہے، دل بڑا رکھنا
کہ لوگ ملتے بچھڑتے رہیں گے رستے میں

احمد فراز​

 

[زیرک]

کوفہ والوں کو بتاتے نہیں دل کی حالت
جیسے لاہور میں رستہ نہیں پوچھا جاتا

احمد عطاء اللہ​

 

[زیرک]

ہم اور تم ہیں مثلث میں زاویوں کی طرح
ہمارے بیچ محبت ہی تیسرا دکھ ہے​

 

[زیرک]

ہمارے دور کی صاحب کمال خوبی ہے
کہ شر کو خیر سے بڑھ کے نشر کیا جائے​

 

[زیرک]

ویسے انمول ہیں کئی پتھر
تیرے دل کا مگرجواب نہیں​

 

[زیرک]

فضائے شہر میں اب کے بڑی کدورت ہے
بہت سنبھال کے اپنی محبتیں رکھنا​

 

[زیرک]

ہمیں اکٹھے کبھی دیکھنا کہیں بیٹھے
نہیں ہے، پھر بھی لگے گا بڑا تعلق ہے

عمیر نجمی​

 

[زیرک]

یوں توہم زمانے میں کب کسی سے ڈرتے ہیں
آدمی کے مارے ہیں، آدمی سے ڈرتے ہیں
خمار بارہ بنکوی​

 

[زیرک]

پھول کر لے نباہ کانٹوں سے
آدمی ہی نہ آدمی سے ملے
خمار بارہ بنکوی​

 

[زیرک]

کہاں تک شیخ کو سمجھائیے گا
بُری عادت کبھی جاتی نہیں ہے
بسمل عظیم آبادی​

 

[زیرک]

آپ ظالم نہیں ظالم ہے مگر آپ کی یاد
وہی کمبخت ستاتی ہے برابر مجھ کو
بسمل عظیم آبادی​