زیرک کے پسندیدہ اشعار

[زیرک]

ایک پتھر ادھر آیا ہے تو اس سوچ میں ہوں
میری اس شہر میں کس کس سے شناسائی ہے
رضی اختر شوق​

 

[زیرک]

میرے قاتل کو خبر دو کہ زمینِ دل میں
اس نے بوئے تھے جو خنجر وہ ثمر لے آئے
رضی اختر شوق​

 

[زیرک]

صدیوں پہلےکوئی سقراط تھا اور اب تم ہو
جامِ شیریں ہی پیو، زہر تو پینے سے رہے
اعتبار ساجد​

 

[زیرک]

سو بار اگر توبہ ٹوٹی بھی تو حیرت کیا
بخشش کی روایت میں توبہ تو بہانا ہے
سید نصیرالدین نصیر​

 

[زیرک]

کچھ دیر تو اس قلب شکستہ میں بھی ٹھہرو
یوں تو نہ گزر جاؤ اس اجڑے ہوئے گھر سے
سید نصیرالدین نصیر​

 

[زیرک]

شب غم نہ پوچھ کیسے ترے مبتلا پہ گزری
کبھی آہ بھر کے گرنا، کبھی گر کے آہ بھرنا
سید نصیرالدین نصیر​

 

[زیرک]

شیخ جی چوری چھپے کل رات میخانے گئے
اس قدر چہرہ تھا نورانی کہ پہچانے گئے
سید نصیرالدین نصیر​

 

[زیرک]

سالہا سال کی مشقت سے
ہم نے بس سانحے کمائے ہیں
راحیل احمد​

 

[زیرک]

نامرادان محبت کو حقارت سے نہ دیکھ
یہ بڑے لوگ ہیں، جینے کا ہنر جانتے ہیں
سلیم احمد​

 

[زیرک]

دیوتا بننے کی حسرت میں معلق ہو گئے
اب ذرا نیچے اتریے، آدمی بن جائیے
سلیم احمد​

 

[زیرک]

کسی کا چہرہ، کسی کے نقاب جھیلتا ہوں
میں ایک آئینہ کتنے عذاب جھیلتا ہوں
عمار اقبال​

 

[زیرک]

کیا قیامت کسی پہ گزرے گی
آخری آدمی بناتے ہوئے
عمار اقبال​

 

[زیرک]

میں نے جتنا تمہیں بتایا تھا
لوگ اتنے ذلیل ہیں کہ نہیں؟
عمار اقبال​

 

[زیرک]

ندی کا ذائقہ یہ کہہ رہا ہے
درندے نے یہیں پانی پیا تھا
عمار اقبال​

 

[شعیب گناترا]

اے عہدِ رفتہ میری شرافت کی داد دے
دھوکہ دیا ہے یار نے، شرما رہا ہوں میں​

شاعر کا نام پتہ چل سکتا ہے؟