سفرِ مشی گن و نیاگرا آبشار وغیرہ

[یاز]

تعطل کے لئے معذرت وغیرہ۔ سفرنامے کو مزید آگے بڑھاتے ہیں۔

ہمارا خیال تھا کہ پارکنگ میں گاڑی سے نکلتے ہی پہلا منظر نیاگرا آبشار کا ہو گا۔ تاہم چلنا شروع کیا تو اندازہ ہوا کہ آبشار تو ہنوز کافی دور ہے۔

اس بورڈ سے بھی ہماری معلومات میں کافی اضافہ ہوا۔

 

[یاز]

پارک سے گزرتے ہوئے مختلف اطراف کے مناظر

 

[یاز]

اس تصویر نے ہمیں (پھر سے) یاد دلایا کہ ہر بہار کے ساتھ خزاں بھی ہوتی ہے اور ہر خزاں کے ساتھ بہار بھی ہوتی ہے۔

 

[یاز]

مزید آگے بڑھے تو دریا کی پہلی جھلک دکھائی دی، تاہم آبشار ہنوز ندارد

 

[یاز]

بائیں جانب کچھ چلنے کے بعد لگا کہ یہاں کوئی آبشار وغیرہ ہو سکتی ہے۔

اور مزید نزدیک گئے تو مِسٹ یعنی پھوار نے مہرِ تصدیق ثبت کر دی کہ آبشار بس آیا ہی چاہتی ہے بلکہ سمجھیں آ ہی گئی۔

 

[یاز]

اور پھر نیاگرا آبشار کا پہلا دیدار ہو ہی گیا۔ ہم کچھ مبہوت وغیرہ ہوئے۔

خیال رہے کہ نیاگرا ایک سے زیادہ آبشاروں پر مشتمل ہے۔ اس منظر میں تقریباَ تمام آبشاریں دکھائی دے رہی ہیں۔

 

[یاز]

یہ تصاویر ہم سے کچھ اوور ایکسپوز ہو گئیں

 

[یاز]

"میڈ آف دی مِسٹ" نامی کشتی (یا شاید جہاز) آبشار کے کافی نزدیک سے گزارتی ہے۔ ہمارے پلان میں اس کا "جھُوٹا" بھی شامل تھا۔ تاہم یہاں پہنچ کے علم ہوا کہ اکتوبر کے وسط کے قریب اس کو موسم سرما کے اختتام تک بند کر دیا جاتا ہے۔
سو ہم نے ان کی پارکنگ پلیس کی تصاویر پہ ہی اکتفا کیا۔

 

[یاز]

اس سردی میں بہت کم سیاح آبشار کی زیارت کے لئے آئے تھے۔ ایک لحاظ سے یہ نعمتِ غیرمترقبہ بھی تھی کہ ہمیں زیادہ رَش والی جگہیں پسند نہیں۔

 

[یاز]

یہ تصویر آبشار کے دوسری جانب کینیڈا سائیڈ کی ہے۔

 

[یاز]

مزید آگے گئے تو آبزرویشن ڈیک دکھائی دیا۔ گرمیوں میں شاید اس پہ ٹکٹ بھی ہوتا ہے، تاہم سردیوں میں ٹکٹ ختم کر دیا جاتا ہے۔ ویسے اتنی سردی تھی کہ ہمارے خیال میں اس موسم میں اس پہ چڑھنے پہ کچھ پیسے ملنے چاہییں۔

 

[یاز]

آبزرویشن ڈیک سے کچھ آگے یہ پل امریکہ اور کینیڈا کو آپس میں ملاتا ہے۔

 

[یاز]

آبزرویشن ڈیک سے آبشار کی چند تصاویر

زوم کر کے سب سے دور والی آبشار کا منظر

 

[یاز]

آبزرویشن ڈیک پہ بھی چند ہی لوگ موجود تھے۔

 

[یاز]

آبزروین ڈیک کے بعد اگلی منزل لیونا آئی لینڈ تھا۔ یہ ایک چھوٹی سی جزیرہ نما جگہ ہے جو دو آبشاروں کے درمیان میں واقع ہے۔ اس جگہ سے آبشار کے انتہائی نزدیک آ جاتے ہیں۔ اتنا نزدیک کہ ہاتھ بڑھا کر پانی کو چھوا جا سکتا ہے۔
لیونا آئی لینڈ جانے کے لئے واپس پیدل چلے اور دریا کو ایک پل سے کراس کیا۔

 

[یاز]

پل سے دریا کے مناظر

 

[یاز]

پل سے پار چلے تو اچانک یہ منظر دکھائی دیا۔ خزاں رسیدہ پتوں کے ساتھ سبزے نے رنگوں کا ایسا امتزاج بنا رکھا تھا کہ چند منٹ تو ہم اس کو بس دیکھتے ہی رہے۔

 

[یاز]

ایک ہی منظر کی کچھ مختلف سیٹنگ کے ساتھ تصاویر

 

[یاز]

لیونا آئی لینڈ کی جانب جاتے ہوئے

 

[یاز]

لیونا آئی لینڈ تک جانے کے لئے دریا کے ایک چھوٹے حصے کو پل سے کراس کرنا پڑتا ہے۔