یاز
محفلین
سفر کے پہلے مرحلے میں اسلام آباد سے دوہا ایئرپورٹ، قطر پہنچے۔
دوہا سے ہمیں بھلے شاہ یاد آئے، چنانچہ کوک سٹوڈیو والا "بھلا! کی جاناں میں کون" سن کر ان کی یاد کو تازہ کیا۔
قطر کا شیخ فلاں فلاں ایئرپورٹ بہت ہی شاندار ہے۔ ہم نے بہت زیادہ ایئرپورٹ تو نہیں دیکھے، لیکن جتنے دیکھے ہیں، قطر ایئرپورٹ جیسا نفاست اور رنگ و نور کا امتزاج کسی اور میں نہیں پایا۔
قطر ایئرپورٹ کی چند تصاویر لیں، کہ کبھی آف شور کمپنی نکل آئی تو قطری خط نہ سہی، قطری تصاویر ہی پیش کر کے خلاصی کی امید کر سکیں۔
دوہا سے ہمیں بھلے شاہ یاد آئے، چنانچہ کوک سٹوڈیو والا "بھلا! کی جاناں میں کون" سن کر ان کی یاد کو تازہ کیا۔
قطر کا شیخ فلاں فلاں ایئرپورٹ بہت ہی شاندار ہے۔ ہم نے بہت زیادہ ایئرپورٹ تو نہیں دیکھے، لیکن جتنے دیکھے ہیں، قطر ایئرپورٹ جیسا نفاست اور رنگ و نور کا امتزاج کسی اور میں نہیں پایا۔
قطر ایئرپورٹ کی چند تصاویر لیں، کہ کبھی آف شور کمپنی نکل آئی تو قطری خط نہ سہی، قطری تصاویر ہی پیش کر کے خلاصی کی امید کر سکیں۔
یاز
محفلین
اگلا مرحلہ دوہا سے شکاگو تک کے طویل (ساڑھے پندرہ گھنٹے) فضائی سفر کا تھا۔ قطر پہ حال ہی میں عرب ملکوں نے پابندیاں لگائی ہیں، جن میں قطر ایئرویز کے لئے اپنی فضائی حدود استعمال کرنے کی پابندی بھی ہے۔ اسی پابندی کے بعد ایران نے قطر کے لئے اپنی فضائی حدود استعمال کرنے کی اجازت دے دی۔ لہٰذا قطر سے اب جہاز پہلے سیدھا شمال کی جانب جا کر ایران کی فضائی حدود میں داخل ہو کر ایران سے ترکی اور پھر یورپ کی فضاؤں میں داخل ہوتے ہیں۔
پرانا روٹ کچھ اس طرح کا تھا، جس کا ابتدائی حصہ اگرایران تک سیدھا شمال کی جانب موڑ لیا جائے تو موجودہ روٹ بن جائے گا۔
یہیں ایک دلچسپ سوال یہ بھی پیدا ہوتا ہے کہ بھئی اگر قطر (یا خلیج کے کسی بھی ایئرپورٹ) سے امریکہ جانا ہے تو سیدھا مغرب کی جانب کیوں نہیں چلے جاتے۔ یہ اوپر کی جانب لمبا چکر کیوں لگاتے (جیسے ٹیکسی والے زیادہ میٹر چلانے کے لئے لگایا کرتے ہیں)۔
اس کا جواب یہ ہے کہ مختصر ترین روٹ یہی ہے جو اوپر سے گھوم کر آ رہا ہے۔ وجہ یہ ہے کہ زمین ایسی فلیٹ نہیں جیسا یہ نقشہ دکھا رہا ہے، بلکہ کروی ہونے کی وجہ سے زمین کا قطبین کی جانب والا راستہ نقشے پہ لمبا دکھائی دینے کے باوجود حقیقت میں کم لمبا ہوتا ہے۔
پرانا روٹ کچھ اس طرح کا تھا، جس کا ابتدائی حصہ اگرایران تک سیدھا شمال کی جانب موڑ لیا جائے تو موجودہ روٹ بن جائے گا۔
یہیں ایک دلچسپ سوال یہ بھی پیدا ہوتا ہے کہ بھئی اگر قطر (یا خلیج کے کسی بھی ایئرپورٹ) سے امریکہ جانا ہے تو سیدھا مغرب کی جانب کیوں نہیں چلے جاتے۔ یہ اوپر کی جانب لمبا چکر کیوں لگاتے (جیسے ٹیکسی والے زیادہ میٹر چلانے کے لئے لگایا کرتے ہیں)۔
اس کا جواب یہ ہے کہ مختصر ترین روٹ یہی ہے جو اوپر سے گھوم کر آ رہا ہے۔ وجہ یہ ہے کہ زمین ایسی فلیٹ نہیں جیسا یہ نقشہ دکھا رہا ہے، بلکہ کروی ہونے کی وجہ سے زمین کا قطبین کی جانب والا راستہ نقشے پہ لمبا دکھائی دینے کے باوجود حقیقت میں کم لمبا ہوتا ہے۔
یاز
محفلین
جیسے ہی ہمیں اندازہ ہوا کہ جہاز ایران کی فضائی حدود استعمال کرے گا تو ہماری خوشی کی انتہا نہ رہی۔ کیونکہ ہمیں ایران دیکھنے کا بہت ہی شوق رہا ہے۔ برادر حسان خان کی تصویری لڑیوں کو بھی ہم اسی شوق اور حسرت میں دیکھا کرتے ہیں کہ شاید ایک دن ہم بھی شیراز، اصفہان وغیرہ دیکھ لیں۔
خیر ایران کی سرزمین کا نزدیک سے نہ سہی، فضا سے ہی نظارہ کرنے سے کچھ تشفی ضرور ہوئی۔ ایران کا زیادہ علاقہ پہاڑی ہے اور اس میں بھی بہت سا بلوچستان کی مانند بنجر پہاڑوں پہ مشتمل ہے۔ جہاں پہاڑوں کی بلندی کچھ زیادہ ہے تو وہاں برف بھی دکھائی دی۔ جہاز میں موبائل فون کیمرہ ہی استعمال کر پائے تو تصاویر کی کوالٹی بہت عمدہ نہیں ہے۔
خیر ایران کی سرزمین کا نزدیک سے نہ سہی، فضا سے ہی نظارہ کرنے سے کچھ تشفی ضرور ہوئی۔ ایران کا زیادہ علاقہ پہاڑی ہے اور اس میں بھی بہت سا بلوچستان کی مانند بنجر پہاڑوں پہ مشتمل ہے۔ جہاں پہاڑوں کی بلندی کچھ زیادہ ہے تو وہاں برف بھی دکھائی دی۔ جہاز میں موبائل فون کیمرہ ہی استعمال کر پائے تو تصاویر کی کوالٹی بہت عمدہ نہیں ہے۔
یاز
محفلین
ایران سے نکل کر ترکی کی فضائی حدود میں داخل ہوئے۔ سیٹ کے سامنے نصب سکرین پہ نقشہ دیکھ اندازہ ہوا کہ آرمینیا کا دارالحکومت یرون ہمارے دائیں جانب سے گزرے گا۔ سو ہم نے بائیں جانب توجہ مرکوز رکھی کہ کوہِ ارارات کو پہچاننے کی کوشش کر سکیں۔
کوہ ارارات
اس پہاڑ کو بائبل میں ارارات اور اسلامی لٹریچر میں کوہِ جودی کے نام سے جانا جاتا ہے۔ روایات و تواریخ کے مطابق طوفانِ نوح میں حضرت نوح علیہ السلام کی کشتی اسی پہاڑ کے کنارے لگی تھی۔ وکی پیڈیا وغیرہ کے مطابق گزشتہ چند دہائیوں میں چند مہمات کے دوران پہاڑ کی سلوپس پر کشتی کی لکڑی کے کچھ آثار دیکھے جانے کے دعویٰ جات کئے جاتے رہے ہیں۔
اگر ہمارا جغرافیہ، قسمت اور جہاز میں نصب لائیو میپ وغیرہ ٹھیک کام کر رہے تھے تو ذیلی تصاویر میں جہاز کے پر کے عین نیچے دور جو بلند پہاڑ دکھائی دے رہا ہے تو وہی کوہِ ارارات ہونا چاہئے۔
کچھ زوم کر کے
ویسے برسبیلِ تذکرہ یرون سے ارارات کا نظارہ کچھ یوں ہے
کوہ ارارات
اس پہاڑ کو بائبل میں ارارات اور اسلامی لٹریچر میں کوہِ جودی کے نام سے جانا جاتا ہے۔ روایات و تواریخ کے مطابق طوفانِ نوح میں حضرت نوح علیہ السلام کی کشتی اسی پہاڑ کے کنارے لگی تھی۔ وکی پیڈیا وغیرہ کے مطابق گزشتہ چند دہائیوں میں چند مہمات کے دوران پہاڑ کی سلوپس پر کشتی کی لکڑی کے کچھ آثار دیکھے جانے کے دعویٰ جات کئے جاتے رہے ہیں۔
اگر ہمارا جغرافیہ، قسمت اور جہاز میں نصب لائیو میپ وغیرہ ٹھیک کام کر رہے تھے تو ذیلی تصاویر میں جہاز کے پر کے عین نیچے دور جو بلند پہاڑ دکھائی دے رہا ہے تو وہی کوہِ ارارات ہونا چاہئے۔
کچھ زوم کر کے
ویسے برسبیلِ تذکرہ یرون سے ارارات کا نظارہ کچھ یوں ہے
آخری تدوین:
زیک
مسافر
ایروان؟
کیا جہاز شمال مشرق کی طرف جا رہا تھا؟
آتش فشاں کا فائدہ! ان کی پرامیننس اتنی زیادہ ہوتی ہے کہ پہچان آسان ہے۔
یاز
محفلین
جی جی وہی۔ فرنگی زبان میں اس کو Yerevan اور Erevan دونوں انداز سے لکھا جاتا تھا۔ بولا نجانے کیسے جاتا ہو گا۔
شمال مشرق تو نہیں۔ شمال اور چند ڈگری مغرب کی جانب رخ تھا۔
جی جی بالکل۔
زیک
مسافر
پھر آپ کے دائیں طرف ایروان اور بائیں طرف ارارات ہوں گے۔
یاز
محفلین
نستعلیق فانٹ کی کمزوری ہے۔ برداشت کریں
یاز
محفلین
اس کے بعد شکاگو اوہیئر ایئرپورٹ کا طویل صبر آزما سفر طے کیا۔ شکاگو ایئرپورٹ سے ٹرمینل تبدیل کر کے ڈیٹرائٹ کی فلائٹ پکڑی۔ جہاز شکاگو سے نکل کر جیسے ہی مِشِگن (اب ٹھیک ہے زیک بھائی) جھیل کی فضاؤں میں پہنچا تو بادلوں کی دبیز تہہ ہمارے اور جھیل کے درمیان حائل ہو گئی۔ کچھ دیر بعد یہ حال ہو گیا کہ اوپر بھی بادل اور نیچے بھی بادل۔ ایسے میں کافی مواقع پہ ہم اور سورج بادلوں کی دو تہوں میں اکٹھے سینڈوچ بنے رہے۔
آخری تدوین:
زیک
مسافر
یہ یقیناً صرف اوہیئر کا ذکر ہے۔
یاز
محفلین
جی جی بالکل۔ اس دفعہ کا سفر فقط اوہیئر تک ہی محدود رہا۔ سابقہ ٹور میں شکاگو کا قدرے تفصیلی ٹرپ کیا تھا۔
ویسے سابقہ ٹور میں اوہیئر کو بھی تفصیل سے کھنگالا تھا کہ ٹرمینل تبدیل ہونے کی وجہ سے امیگریشن یہیں ہونی تھی، جس میں اتنا وقت لگ گیا کہ اگلی فلائٹ مس ہو گئی اور آٹھ نو گھنٹے بعد کی فلائٹ میں ایڈجسٹمنٹ ملی۔ سو ان بہت سے گھنٹوں کو ایئرپورٹ پہ "لُور لُور" پھرنے میں صرف کیا۔
ویسے چند ہی ایئرپورٹ ہیں جو ہارٹ فیلڈ جیکسن کو کچھ پیرامیٹرز میں پچھاڑتے ہیں۔ اوہیئر اور ہیتھرو ان میں شامل ہیں۔
یاز
محفلین
شکاگو ایئرپورٹ سے ڈیٹرائٹ پہنچے اور پھر اگلے چار ہفتے وہیں قیام رہا۔
پہلے ویک اینڈ پہ نیاگرا آبشار کے ٹرپ کا پلان بنایا۔ پلان یہی تھا کہ صبح ہونے سے پہلے ڈیٹرائٹ سے نکلا جائے اور دوپہر سے پہلے نیاگرا پہنچ کر آبشار اور گردونواح کی زیارت کریں اور شام کے قریب واپسی کی راہ پکڑیں۔
ڈیٹرائٹ سے نیاگرا جانے کا مختصر ترین راستہ کینیڈا سے ہو کر جاتا ہے۔ جو کہ تقریباً 400 کلومیٹر طویل ہے اور چار ساڑھے چار گھنٹے میں طے ہوتا ہے۔ لیکن چونکہ ہمارے پاس کینیڈا کا ویزا نہیں تھا تو ہمیں امریکی سائیڈ کے طویل راستے سے جانا پڑا جو کہ ٹولیڈو، کلیولینڈ سے ہوتا ہوا ایری جھیل کے گرد چکر کاٹ کر نیاگرا تک جاتا ہے۔ یہ راستہ تقریباً 630 کلومیٹر طویل تھا اور تقریباً سات گھنٹوں کی نان سٹاپ ڈرائیو کے بعد طے ہوا۔
ذیلی نقشے میں دونوں روٹس کا اندازہ لگایا جا سکتا ہے۔
پہلے ویک اینڈ پہ نیاگرا آبشار کے ٹرپ کا پلان بنایا۔ پلان یہی تھا کہ صبح ہونے سے پہلے ڈیٹرائٹ سے نکلا جائے اور دوپہر سے پہلے نیاگرا پہنچ کر آبشار اور گردونواح کی زیارت کریں اور شام کے قریب واپسی کی راہ پکڑیں۔
ڈیٹرائٹ سے نیاگرا جانے کا مختصر ترین راستہ کینیڈا سے ہو کر جاتا ہے۔ جو کہ تقریباً 400 کلومیٹر طویل ہے اور چار ساڑھے چار گھنٹے میں طے ہوتا ہے۔ لیکن چونکہ ہمارے پاس کینیڈا کا ویزا نہیں تھا تو ہمیں امریکی سائیڈ کے طویل راستے سے جانا پڑا جو کہ ٹولیڈو، کلیولینڈ سے ہوتا ہوا ایری جھیل کے گرد چکر کاٹ کر نیاگرا تک جاتا ہے۔ یہ راستہ تقریباً 630 کلومیٹر طویل تھا اور تقریباً سات گھنٹوں کی نان سٹاپ ڈرائیو کے بعد طے ہوا۔
ذیلی نقشے میں دونوں روٹس کا اندازہ لگایا جا سکتا ہے۔
یاز
محفلین
سفر کے لئے ایک عدد کار رینٹ پہ لی گئی، جو حیران کن طور پر فقط 25 ڈالر فی دن پہ دستیاب تھی۔ ہمیں خوشی کے ساتھ ساتھ بہت حیرانی بھی ہوئی کہ ہمارے ہاں تو اس سے زیادہ کرایے پہ چھکڑا ٹائپ گاڑی آدھے دن کے لئے ملتی ہے، جبکہ وہاں کار رینٹل والی خاتون پارکنگ میں بہت سی گاڑیوں کے سامنے لے جا کر کہنے لگیں کہ ان میں سے اپنی پسند کے حساب سے منتخب کر لیں۔ ہنری فورڈ سے عقیدت کے باعث ہم نے فورڈ کو ترجیح دی اور ذیلی کار منتخب کی جس کا ماڈل شاید فورڈ فوکس تھا۔
اس کے بعد ڈیٹرائٹ سے مکمل اندھیرے میں نکلے اور 75 نمبر کی انٹرسٹیٹ ساؤتھ پکڑ کر ٹولیڈو پہنچے اور وہاں سے 90 نمبر والی انٹرسٹیٹ ایسٹ پہ گامزن ہوئے۔ پہلی تصویر کلیولینڈ شہر سے گزر کر لی۔ اس وقت بھی نیم روشنی ہی تھی۔
اس کے بعد ڈیٹرائٹ سے مکمل اندھیرے میں نکلے اور 75 نمبر کی انٹرسٹیٹ ساؤتھ پکڑ کر ٹولیڈو پہنچے اور وہاں سے 90 نمبر والی انٹرسٹیٹ ایسٹ پہ گامزن ہوئے۔ پہلی تصویر کلیولینڈ شہر سے گزر کر لی۔ اس وقت بھی نیم روشنی ہی تھی۔
