متعلقہ زمرے کے مدیران کہیں بھی گفتگو کو موضوع سے ہٹتا ہوا پائیں تو ان پیغامات کو علیحدہ دھاگے میں منتقل کرنے یا حذف کرنے سے گریز نہ کریں۔ وہیں محفلین سے امید کی جاتی ہے کہ وہ غیر متعلقہ پیغامات کو رپورٹ کر کے بروقت انتظامہ کی توجہ اس جانب مبذول کرا کے اس کام میں اپنا تعاون ضرور پیش کریں گے۔
اس اصول کی شدت سے ضرورت تھی۔
متعلقہ زمرے کے مدیران کہیں بھی گفتگو کو موضوع سے ہٹتا ہوا پائیں تو ان پیغامات کو علیحدہ دھاگے میں منتقل کرنے یا حذف کرنے سے گریز نہ کریں۔ وہیں محفلین سے امید کی جاتی ہے کہ وہ غیر متعلقہ پیغامات کو رپورٹ کر کے بروقت انتظامہ کی توجہ اس جانب مبذول کرا کے اس کام میں اپنا تعاون ضرور پیش کریں گے۔
اس بات کو سنجیدگی سے لینے کی ضرورت ہے!
یہ اصول نیا نہیں ہے بٹیا۔ عموماً ایسا مانا جاتا ہے کہ احباب خود اتنی سمجھ رکھتے ہیں کہ ایسی باتوں کو بتانے کی ضرورت نہ محسوس ہو پھر بھی وقفے وقفے سے ایسی یاد دہانی کرائی جاتی رہی ہے۔ بطور محفلین ہم سبھی کی ذمہ داری ہے کہ کہیں کوئی دھاگہ موضوع سے ہٹتا محسوس ہو تو ایسے پیغامات کو رپورٹ کر کے مدیران کے علم میں بات لائیں!
ہمارا خیال ہے کہ اتنے شدید اقدامات انتہائی صورتوں میں ہی اٹھائے جانے چاہئیں۔
ہاہاہاہاہا
میں تو روئی بندھے پاؤں دیکھ کر محظوظ ہو رہا ہوں۔
Take it easy معزز اراکین ، تھوڑا بہت مارجن سب کو دینا پڑتا ہے لیکن حد سے بات بڑھے تو رپورٹ کا بٹن بھی آپ کے اختیار میں ہے۔
ہمت بھیا ، آپ نے تو بھری محفل میں ، سب کے سامنے ، پاؤں سے روئی باندھنے کا شاندار مظاہرہ کر کے سب کو حیران کر دیا۔
بیٹے میں صرف یہ کہہ رہا ہوں کہ وہ لوگ جو بات بے بات ہنسی مذاق کرتے ہیں ان کو کچھ عرصہ کے لیے بین کردیا جاوے۔ چاہے میں ہی کیوں نہ ہوں۔ہمت بھیا ، آپ نے تو بھری محفل میں ، سب کے سامنے ، پاؤں سے روئی باندھنے کا شاندار مظاہرہ کر کے سب کو حیران کر دیا۔
حضور والا ، بالاتفاق آپ کے 80 فیصد مراسلے ایسے ہوتے ہیں جو صرف اور صرف مارجن دئے جانے کی وجہ سے محفل پر موجود رہتے ہیں ورنہ کسی بھی بات کا رُخ ہمیشہ ایک خاص طرف کو کرنے میں آپ کو کوئی ثانی نہیں۔
ابھی تو ایک برس مکمل نہیں ہوا جب آپ کی گڑگڑاہٹ سنائی دیتی تھی کہ میرے فلاں فلاں مراسلہ جات دل آزاری پر مبنی ہیں انہیں حذف کر دیا جائے ۔ تبھی نو سو چوہے اور بلی کا ذکر ہوا اور آپ بھی اس بلی چوہے کے ذکری کھیل کا حصہ بنے تھے۔ تب بھی یہی محفل تھی اور یہی قوانین تھے ، اگر ایسی باتوں پر آپ کے تجویز کردہ Ban کی حاجت ہوتی تو آپ کو اب تک کیا جا چکا ہوتا۔ اگر نہیں کیا گیا تو دوسروں پر تلوار سونتنے کی بجائے اپنی چارپائی کے نیچے کی صفائی کرو باقی صحن کی صفائی خود ہی ہو جائے گی۔
ہمت بیٹے ، میرے لال آپ کے کھیلنے کھانے کے دن ہیں اتنی مشکل باتوں میں نہ پڑو کہیں نیلے پیلے ہی نہ پڑ جاؤ۔ اتنی سی بالی عمر میں اتنا ہی سمجھ لو کہ مذاق ہنسی کے ساتھ ہوتا ہے بَین کے ساتھ نہیں ۔ بَین انگریزی کا ہو یا اردو کا اس سے دور ہی رہو۔
میں اپ کی بات سے متفق ہوں
کہتے ہیں کہ اصول اک ڈھونڈو ہزار مل جاتے ہیں ۔
محترم مدیر اعلیمجھے شک ہے کہ محفل پہ پاؤں زیادہ ہیں اور روئی کم پڑ جائے گی۔
ارے بھئی کون لکھتا ہے یہ ”غیر متعلقہ“ مراسلات؟۔ اراکین ہی لکھتے ہیں نا!!!۔ اب وہ رکن سامنے آئے جس نے یہ کام کبھی بھی نہ کیا ہو ۔ فرشتے تو یہاں مراسلات ارسال نہیں کرتے نا!!!۔
خوامخواہ بات کو بڑھاوا دینے کا کیا فائدہ۔
مدیران اندھے نہیں ہیں انہوں نے بھی وہی کچھ یہاں پڑھا جو یہاں لکھا گیا اور ویسا ہی سمجھا جیسا معزز اراکین نے ۔ اور اسی کے مطابق چند روز سے عمل بھی کیا جا رہا ہے پھر خوامخواہ کے اعتراضات اٹھا کر کیا ثابت کرنے کی کوشش جاری ہے؟۔ جب بار بار درخواست کر دی گئی کہ ”غلط ہوتے دیکھیں تو رپورٹ کر دیا کریں“ اس کے بعد اصول اور لاٹھی کی بحث کی کیا تُک؟۔ رپورٹ کیا کریں اور لمبی تان کر سکون کریں۔ انتظامیہ جانے یا رپورٹ۔
اردو محفل کوئی ماہرین کا پینل نہیں کہ یہاں سپاٹ انداز میں معلومات ملیں ، کام کی باتیں بھی خوشگوار انداز میں کی جاتی ہیں اور تجربات سانجھے کئے جاتے ہیں۔ جہاں بات ڈگر سے ہٹتی ہے وہاں توجہ دی جاتی ہے۔ شمشاد اور وارث بھائی اس سلسلہ میں میرے کئے گئے کام اور سلسلوں سے آگاہ ہیں ۔ اب اگر اراکین کو پس منظر میں کی جانے والی کوششوں کا ہی علم نہیں تو میری سمجھ میں نہیں اتا کہ اس بحث کو یہاں کیوں شروع کروا دیا گیا کہ جس کا جی چاہے مدیران پر چڑھ دوڑے۔
