شراب، بادہ ، ساقی، میخانہ، مینا، پر اشعار

[معاویہ وقاص]

شاعر ہوں عدم! موت کی تقریب تو ہو کچھ​

مے پی کے کسی شوخ کے زانو پہ مروں گا​

عبدالحمید عدم​

​

 

[معاویہ وقاص]

ہم سے عدم چھپاؤ تو تم بھی نہ پی سکو
رکھا ہے تم نے کچھ تو صراحی میں ڈال کر

عبدالحمید عدم

 

[عرفان سرور]

ہم جو اب آدمی ہیں پہلے کبھی
جام ہوں گے،چھلک گئے ہوں گے

 

[عرفان سرور]

مے وہ کیوں بہت پیتے بز مِ غیر میں یا رب
آج ہی ہوا منظور اُن کو امتحاں اپنا

 

[عرفان سرور]

ایک چلّو میں بہت داغ بہک اٹھتے تھے
آج سنتے ہیں نکالے گئے مے خانے سے

 

[عرفان سرور]

روح کس مست کی پیاسی گئی مے خانے سے
مے اوڑی جاتی ہے ساقی ترے پیمانے سے

 

[عرفان سرور]

گر پڑا ہوں نگہِ مست سے چکر کھا کر
ساقیا پہلے اُٹھا تو مجھے پیمانے سے

 

[عرفان سرور]

تری مسجد میں واعظ، خاص ہیں اوقات رحمت کے
ہمارے میکدے میں رات دن رحمت برستی ہے

امیر مینائی

 

[عرفان سرور]

جوانی لے گئی ساتھ اپنے سارا عیش مستوں کا
صراحی ہے نہ شیشہ ہے نہ ساغر ہے نہ مستی ہے

امیر مینائی

 

[غ۔ن۔غ]

کشکول ہو یا ساغرِ جَم، نشّہ ہے یکساں
شاہانہ پیے جا کہ فقیرانہ پیے جا

 

[محمد بلال اعظم]

غمِ دنیا بھی غمِ یار میں شامل کر لو
نشہ بڑھتا ہے شرابیں جو شرابوں میں ملیں
(احمد فراز)

 

[غ۔ن۔غ]

اک مہرباں بزرگ نے یہ مشورہ دیا
دکھ کا کوئی علاج نہیں،جا شراب پی

احمد فراز

 

[محمد صہیب اعظم]

کون پی جاتا ہے آخر مرے حصے کی شراب​

میں نہیں ہوتا تو پھر خالی سبو کرتا ہے کون​

​

احمد فراز​

اے عشق جنوں پیشہ​

 

[مدیحہ گیلانی]

دیدار بادہ، حوصلہ ساقی، نگاہ مست
بزمِ خیال مے کدۂ بے خروش ہے

 

[مدیحہ گیلانی]

تو نے قسم مے کشی کی کھائی ہے غالب
تیری قسم کا کچھ اعتبار نہیں ہے

 

[غ۔ن۔غ]

مے سے غرض نشاط ہے کس رو سیاہ کو
اک گونہ بیخودی مجھے دن رات چاہیئے

 

[مدیحہ گیلانی]

رہا آباد عالم اہلِ ہمّت کے نہ ہونے سے
بھرے ہیں جس قدر جام و سبو، مے خانہ خالی ہے

 

[محمد بلال اعظم]

شام تک میری بے کلی ہے شراب
شام کو میری سر خوشی ہے شراب

جہل واعظ کا اُس کو راس آئے
صاحبو! میری آگہی ہے شراب

رَنگ رَس ہے میری رگوں میں رواں
بخدا میری زندگی ہے شراب

ناز ہے اپنی دلبری پہ مجھے
میرا دل ، میری دلبری ہے شراب

ہے غنیمت جو ہوش میں نہیں میں
شیخ! میری بے حسی ہے شراب

حِس جو ہوتی تو جانے کیا کرتا
مفتیو! میری بےحسی ہے شراب

جون ایلیا

 

[محمد بلال اعظم]

جن کو مُفتی سے کدورت ہو نہ ساقی سے گِلہ
وہی خوش وقت مری جان رہا کرتے ہیں

جون ایلیا

 

[غ۔ن۔غ]

اے داغ مئے عشق کو کیا زہر سے نسبت
ہے اِس میں‌ اثر اور ، وہ رکھتا ہے اثر اور