شراب، بادہ ، ساقی، میخانہ، مینا، پر اشعار

[عرفان سرور]

وہی کرے گا مداوا سبھی کی تشنہ لبی کا،
ایاغ_ لالہ میں جس نے شراب_ سرخ بھری ہے.

علاؤ الدین کلیم

 

[عرفان سرور]

کل رات میکشوں نے توازن جو کھو دیا،
خط_ سبو پہ کون و مکاں ڈولتے رہے.

عرفان صادق

 

[فرخ منظور]

کل رات میکشوں نے توازن جو کھو دیا،
خط_ سبو پہ کون و مکاں ڈولتے رہے.

عرفان صادق

یہ عرفان صادق کا نہیں سراج الدین ظفر کا شعر ہے۔
مکمل غزل پڑھیے۔

 

[کاشف اکرم وارثی]

مقدار ہے دوا کی زروری بقدرِ زخم
صدمہ شدید تر تھا، ستم اِنتہا کا تھا

اک پورا مئے کا حوض مجھے پینا پڑھ گیا
کیوں کے ڈسا ہوا میں کسی پارسا کا تھا

عبدالحمید عدم​

ربردست جناب۔۔ بہت ھی تباہ کن

 

[معاویہ وقاص]

حوادث کی شب اتنی تاریک تھی
جوانی کو ساغر اٹھانا پڑا

محسن نقوی

 

[سلیمان اشرف]

مناؤ جشنِ مے نوشی، بکھیرو زلف میخانہ !
عبادت سے تو ساغر دہر کے شیطان جلتے ہیں !
ساغر صدیقی

 

[سلیمان اشرف]

ہم وہاں تھے کہ جہاں ساغر و ساقی تھے مدام
دوستو لوٹ کے آئے ہیں تمہاری خاطر
ساغر صدیقی

 

[معاویہ وقاص]

پینا نہ چاہتا تھا مگر اس کے باوجود
تھم تھم کے ، سوچ سوچ کے ، لہرا کے پی گیا

مے سی حسین چیز ہو اور واقعی حرام
میں کثرت شکوک سے گھبرا کے پی گیا

عبدالحمید عدم​

 

[معاویہ وقاص]

میں آج اعتدال کی حد سے گزر گیا​

ساقی خطا معاف طبعیت خراب تھی​

عبدلحمید عدم​

 

[عرفان سرور]

دیکھنا ہے لب_ توبہ کا تبسم ساقی،
تلخ اتنی ہو کہ مشکل مجھے پینا ہو جائے.

ریاض خیر آبادی

 

[معاویہ وقاص]

اے شیخ ! مے حرام ہو ہر شخص کے لئے​

میں اس معاملے میں تیرا ہم نوا نہیں​

عبدالحمید عدم​

 

[معاویہ وقاص]

ساقی ذرا نگاہ ملا کر تو دیکھنا
کمبخت ہوش میں تو نہیں آ گیا ہوں میں

عبدالحمید عدم​

 

[عرفان سرور]

ساقیا جام ہے ٹوٹے گا صدا آئے گی
یہ مرا دل تو نہیں ہے کہ جو آواز نہ ہو


قمر جلالوی

 

[عرفان سرور]

نہ جانے ساغر و مینا پہ پیمانے پہ کیا گزری
جو ہم پی کر چلے آئے تو میخانے پہ کیا گزری

بڑی رنگینیاں تھیں اولِ شب ان کی محفل میں
بتاؤ بزم والو رات ڈھل جانے پر کیا گزری

قمر جلالوی

 

[عرفان سرور]

اس کرم کو مری مایوس نظر سے پوچھو
ساقی بیٹھا رہا اور اٹھ کے پلا دی تم نے

قمر جلالوی

 

[السید کامل عباس الجعفري]

رند حاضر ہیں شیشہ و ساغر
مے نہ سمجھو اگر حرام، تو لو

(رند لکھنوی)

 

[السید کامل عباس الجعفري]

اک وہی مستِ با خبر نکلا
جس کو کہتے تھے سب خراب خراب

رند بخشے گئے قیامت میں
شیخ کہتا رہا حساب حساب

 

[السید کامل عباس الجعفري]

مے نہ اتری گلے سے جو اس بن
مجھ کو یاروں نے پارسا جانا

مومن

 

[اوشو]

کہتے ہیں عمر رفتہ کبھی لوٹتی نہیں
جا میکدے سے میری جوانی اٹھا کے لا

 

[سید عاطف علی]

میرا ایک تازہ شعر۔
ساقیا باقی ہیں کیوں ہوش حواس
ایک جام آخریں ،تو خود پلا