شراب، بادہ ، ساقی، میخانہ، مینا، پر اشعار

[عرفان سرور]

میکدے سے تو ابھی آیا ہے مسجد میں میر
ہو نہ لغزش کہیں مجلس ہے یہ بیگانوں کی

 

[عرفان سرور]

بھر بھر کے جو دیتے ہیں‌وہ جام اور کسی کو
لے لے کے مزے پیتے ہیں‌ یا خون جگر اور

 

[عرفان سرور]

کوئی نشے سے کوئی تشنہ لبی سے ساقی
تری محفل میں سبھی لوگ بہکتے جاویں

 

[عرفان سرور]

ہر شخص کی زباں پہ محبت کا نام ہے
افسوس یہ شراب بھی رسوا عام ہے۔۔۔!

 

[عرفان سرور]

مجھ کو درکار وہ ساقی ہے جو دریا دل ہو
ایک دو جام سےبھرتی نہیں نیت اپنی۔۔۔!

 

[عرفان سرور]

دھوکے سے پلا دی تھی اُسے بھی کوئی دو گھونٹ
پہلے سے بہت نرم ہے واعظ کی زبان آج۔۔۔!
ریاض خیرآبادی

 

[محمد وارث]

نہ چھیڑ اے ہم نشیں کیفیّتِ صہبا کے افسانے
شرابِ بے خودی کے مجھ کو ساغر یاد آتے ہیں

حسرت موہانی

 

[عرفان سرور]

واعظ یہ کہہ رہا ہے، کہ میکدے کا زوال آیا ہے
واعظ کی بات سن کے، مجھے ساقی کا خیال آیا ہے

 

[عرفان سرور]

وہ اُٹھے ہیں لے کے خم و سبو، ارے اے شکیل کہاں ہے تُو
ترا جام لینے کو بزم میں ، کوئی اور ہاتھ بڑھا نہ دے
(شکیل)

 

[غ۔ن۔غ]

غم دنيا بھي غم يار ميں شامل کر لو​

نشہ بڑھتا ہے شرابيں جو شرابوں ميں مليں​

 

[عرفان سرور]

وہ نہ آئیں گے کبھی دیکھ کے کالے بادل
دو گھڑی کے لئے اللہ ہٹا لے بادل

آج یوں جُھوم کے کچھ آ گئے کالے بادل
سارے میخانوں کے کھلوا گئے تالے بادل
اُستاد قمر جلالوی

 

[عرفان سرور]

لاکھ ہم رِند سہی حضرتِ واعظ لیکن
آج تک ہم نے نہ پی قبلۂ عالم کی طرح
اُستاد قمر جلالوی

 

[عرفان سرور]

شراب خانے کی تعریف ہم سے پوچھ اے شیخ
بس ایک جام پیا اور چُھٹ گئے غم سے

اُستاد قمر جلالوی

 

[غ۔ن۔غ]

گیت اس عہدِ بے تکلف میں
بربط و چنگ و نے کو ترسے ہے
ساقیا تیرے بادہ خانے میں
نام ساغر ہے مے کو ترسے ہے

 

[مغزل]

ساقی شرابِ دید کا کچھ اہتمام کر
مدّت ہوئی ہے یار کو جلوہ کیے ہوئے
بدیہہ

 

[محمد وارث]

واعظ ثبوت لائے جو مے کے جواز میں
اقبال کو یہ ضد ہے کہ پینا بھی چھوڑ دے

 

[عرفان سرور]

فصل بہار آئ، پیو صوفیو شراب
بس ہو چکی نماز، مصلّا اٹھائیے
آتش

 

[عرفان سرور]

زاہد شراب پینے سے کافر ہوا میں کیوں
کیا ڈیڑھ چلو پانی میں ایمان بہہ گیا
ذوق

 

[عرفان سرور]

دوستو، اُس چشم ولب کی کچھ کہو جس کے بغیر
گلستاں کی بات رنگیں ہے، نہ میخانے کا نام

 

[عرفان سرور]

ہر چند سیر کی ہے بہت تم نے شیفتہ
پر مے کدے میں بھی کبھی تشریف لائیے
شیفتہ