شراب، بادہ ، ساقی، میخانہ، مینا، پر اشعار

[اوشو]

شام ہو ، جام ہو ، سبو بھی ہو
تجھ کو پانے کی آرزو بھی ہو

 

[شمشاد]

بسکہ ہیں بدمستِ بشکن بشکنِ میخانہ ہم
موئے شیشہ کو سمجھتے ہیں خطِ پیمانہ ہم
(چچا)

 

[السید کامل عباس الجعفري]

مرے مزاج کو لہجے کی برف توڑتی ہے
لہُو کی آگ سے اُتری ہوئی شراب ہوں میں

 

[شمشاد]

جتنی بھی مے کدے میں ہے ساقی پلا دے آج
ہم تشنہ کام زُہد کے صحرا سے آئے ہیں(خمار بارہ بنکوی)

 

[السید کامل عباس الجعفري]

ہم توبہ کر کے مر گئے قبل اجل خمار
توہینِ مے کشی کا مزا ہم سے پوچھیے

خمار بارہ بنکوی

 

[شمشاد]

ذوق جو مدرسہ کے بگڑے ہوئے ہیں مُلا
ان کو مہ خانہ میں لے آؤ سنور جائیں گے
(ابراہیم ذوق)

 

[عبد الرحمٰن]

راحت نہ مل سکی مجھے مے خانہ چھوڑ کر
گردش میں ہوں میں گردش پیمانہ چھوڑ کر


دو گھونٹ نے بڑھا دیے رندوں کے حوصلے
مینا و خم پہ جھک پڑے پیمانہ چھوڑ کر

جلیل مانک پوری

 

[کاشفی]

آنکھیں ساقی کی جب سے دیکھی ہیں
ہم سے دو گھونٹ پی نہیں جاتی
(جلیل مانک پوری)

 

[کاشفی]

اذاں ہو رہی ہے پلا جلد ساقی
عبادت کریں آج مخمور ہو کر
(نامعلوم)

 

[فہد اشرف]

کبھی خوش بھی کیا ہے دل کسی رندِ شرابی کا
بھڑا دے منھ سے منھ ساقی ہمارا اور گلابی کا
میر درد

 

[عبد الرحمٰن]

چشمِ ساقی کا اشارہ تھا، اُدھر ہاتھ بڑھا
پینے والے نے کہاں زہر کا ساغر دیکھا

 

[چوہدری قیس]

شاید ابھی پہنچی نہ ہو بابِ قبول تک۔۔

ساقی ذرا سی اور کہ توبہ سفر میں ہے۔۔

 

[طاہر شیخ]

دیکھا کئے وہ مست نگاہوں سے بار بار
جب تک شراب آئے کئی دور ہو گئے
شاد عظیم آبادی

 

[فیصل عظیم فیصل]

دیکھا کئے وہ مست نگاہوں سے بار بار
جب تک شراب آئے کئی دور ہو گئے
شاد عظیم آبادی

پینا حرام ہے مگر اف چشم یار میں
اتنی شراب کس نے لنڈھائی ہے کچھ بتا

فیصل عظیم فیصل

 

[طاہر شیخ]

پینا حرام ہے مگر اف چشم یار میں
اتنی شراب کس نے لنڈھائی ہے کچھ بتا

فیصل عظیم فیصل

کس نے کہا شراب کا پینا حرام ہے
اس کے پئے بغیر تو جینا حرام ہے

نامعلوم

 

[فیصل عظیم فیصل]

کس نے کہا شراب کا پینا حرام ہے
اس کے پئے بغیر تو جینا حرام ہے

نامعلوم

شاعر خطیب اور قوالی کے باب میں
پابند شرع و حق ہی بچیں گے بروز حشر
کہنا ہے جو بھی ہم کو کہیں حد حساب میں
رب کی پناہ جو کو ئی کفر ہو کتاب میں

فیصل عظیم فیصل

 

[طاہر شیخ]

غمِ عاقبت ہے نہ فکرِ قیامت
پیے جا رہے ہیں، جیے جا رہے ہیں

اختر شیرانی

 

[فیصل عظیم فیصل]

غمِ عاقبت ہے نہ فکرِ قیامت
پیے جا رہے ہیں، جیے جا رہے ہیں

اختر شیرانی

پئیے جائیے جی جئیے جائیے جی
ذرا چشم گل ہو شرابی شرابی
وہ عقبی جسے آج جھٹلا رہے ہو
کہو گے وہاں ہائے ضاعت شبابی

 

[محمد تابش صدیقی]

پیشِ مہماں کس طرح سے آبِ سادہ کیجیے
شیخ محفل میں ہیں آئے پیش بادہ کیجیے
نظرؔ لکھنوی

 

[محمد تابش صدیقی]

کہوں میں کیسے کہ بدلا ہے نظمِ میخانہ
شرابِ کہنہ وہی ہے وہی ہیں پیمانے
نظرؔ لکھنوی