شعراء و اُدَبا کی تصاویر

[مزمل اختر]

نقوش افسانہ نمبر 1952ء ایک خاصے کی چیز ہے، اس میں کچھ نادر تصاویر ہیں جو آپ کی خدمت میں جیسی ہیں جہاں ہیں کی صورت میں پیش کر رہا ہوں کہ کتاب بہت خستہ حالت میں ہے

اففف
مجھے سمجھ ہی نہیں آرہا آپ لوگوں کی محنت کی کس طرح تعریف کروں
نو سال پہلے جب کے اتنے وسائل نہیں تھے تبھی آپ لوگوں نے فیس بک کی طرح محفل کو آباد رکھا تھا 2009 اففف
اردو کے تئیں آپ لوگوں کی محبت دیکھ کر بہت خوشی ہوتی ہے اللہ پاک آپ لوگوں کو مزید نیک توفیق عطا فرمائے آمین
وارث بھائی آپ نے کافی شاندار تصویریں بھیجی ہے خوش رہے کچھ لوگوں کو تو میں نے بھی ابھی دیکھا

 

[مزمل اختر]

چلو دیکھ آئے تماشا جگر کا
سنا ہے وہ کافر مسلماں ہوا ہے

 

[منہاج علی]

السلام علیکم وارث بھائی،
میرے پاس بھی کچھ اُدَبا کی نادر تصویریں ہیں۔ کیا میں یہاں شیئر کرسکتا ہوں؟

 

[لاريب اخلاص]

مجھے یاد ہے کالج کی ابتدائی زندگی کا وہ زمانہ جب میں 'ایسی ایسی حرکتیں' کرتا تھا کہ اب سوچتا ہوں تو خود ہی شرما جاتا ہوں، اجی صاحب گھبرائیے نہیں یہ حرکتیں 'گفتنی' ہیں تبھی تو لکھ رہا ہوں

میں کالج کی لائبریری سے ڈھونڈ ڈھونڈ کر ایسی کتابیں لاتا تھا جن میں مشاہیر کی تصاویر ہوتی تھیں اور پھر وہ تصاویر پھاڑ کر اپنی کتابوں کی الماری پر چسپاں کر دیتا تھا اور پھر دن رات ان کو دیکھتا رہتا تھا، نہ جانے کتنی کتابیں خراب کی ہونگی، اس وقت شعراء سے تو اتنا تعارف نہ تھا لیکن یہ خوب یاد ہے کہ میری الماری پر سقراط، ارسطو، نیوٹن، آئن سٹائن اور دیگر مشاہیر اور سائنسدانوں کی تصاویر کافی عرصے تک چپکی رہیں۔

تصاویر سے میرا شغف بچپن ہی سے ہے، کرکٹ کے مختلف رسالوں سے اپنے پسندیدہ کرکٹرز کی تصاویر پھاڑ کر اپنی ایک البم بھی بنا رکھی تھی جسے دیکھ کر ہمیشہ خوشی ہی ہوتی تھی، اور اب کسی بزرگ کی تصویر دیکھ لوں تو یہی لگتا ہے کہ 'حج' ہو گیا ہے۔

اپنے اسی شوق کو آگے بڑھاتے ہوئے یہاں پر کچھ شعراء اور اُدَبا کی تصاویر پیش کر رہا ہوں امید ہے آپ کو پسند آئیں گی، اور آپ سب سے استدعا ہے کہ اگر آپ بھی تصاویر شیئر کر سکیں تو ضرور کریں، نوازش!

والسلام

سر بہت ہی خوبصورت اور عمدہ ترین سلسلہ ہے ذوق علم میں اور بھی فہم اور وسعت عطا ہو

 

[محمد وارث]

السلام علیکم وارث بھائی،
میرے پاس بھی کچھ اُدَبا کی نادر تصویریں ہیں۔ کیا میں یہاں شیئر کرسکتا ہوں؟

جی ضرور محترم۔

 

[فرقان احمد]

میں کالج کی لائبریری سے ڈھونڈ ڈھونڈ کر ایسی کتابیں لاتا تھا جن میں مشاہیر کی تصاویر ہوتی تھیں اور پھر وہ تصاویر پھاڑ کر اپنی کتابوں کی الماری پر چسپاں کر دیتا تھا اور پھر دن رات ان کو دیکھتا رہتا تھا، نہ جانے کتنی کتابیں خراب کی ہونگی، اس وقت شعراء سے تو اتنا تعارف نہ تھا لیکن یہ خوب یاد ہے کہ میری الماری پر سقراط، ارسطو، نیوٹن، آئن سٹائن اور دیگر مشاہیر اور سائنسدانوں کی تصاویر کافی عرصے تک چپکی رہیں۔

صاحب! ہم سے ایک کتاب کے حوالے سے قریب قریب اسی نوعیت کی خطا سرزد ہوئی تھی اور آج تک دل پر بوجھ ہے۔ آپ کا اعمال نامہ اس حوالے سے ہم سے زیادہ روشن ہے۔ یہ جان کر دکھ ہوا اور دل کو قدرے سکون بھی ملا۔ سلامت رہیے!

 

[محمد وارث]

صاحب! ہم سے ایک کتاب کے حوالے سے قریب قریب اسی نوعیت کی خطا سرزد ہوئی تھی اور آج تک دل پر بوجھ ہے۔ آپ کا اعمال نامہ اس حوالے سے ہم سے زیادہ روشن ہے۔ یہ جان کر دکھ ہوا اور دل کو قدرے سکون بھی ملا۔ سلامت رہیے!

پس ثابت ہوا کہ نوجوانی میں سبھی غلطیاں کرتے ہیں۔

ویسے مجھے مدت ہوئی کہ توبہ کر لی تھی، ازالے کے طور پر ایک لائبریری کو چند کتابیں اپنی لائبریری میں سے ہدیہ کر دیں تھیں اور کچھ کتابیں ایک امام مسجد صاحب کو۔ (یہ بھی ایک لمبی اور دلچسپ داستان ہے کہ میں کتابیں کسی دوسرے کو دینے کا روادار نہیں)۔

 

[آورکزئی]

امیر کروڑ سوری

 

[آورکزئی]

وہ بے دردی سے سر کاٹیں امیرؔ اور میں کہوں ان سے
حضور آہستہ آہستہ جناب آہستہ آہستہ۔۔۔۔۔۔۔۔۔۔

 

[فرقان احمد]

پس ثابت ہوا کہ نوجوانی میں سبھی غلطیاں کرتے ہیں۔

ویسے مجھے مدت ہوئی کہ توبہ کر لی تھی، ازالے کے طور پر ایک لائبریری کو چند کتابیں اپنی لائبریری میں سے ہدیہ کر دیں تھیں اور کچھ کتابیں ایک امام مسجد صاحب کو۔ (یہ بھی ایک لمبی اور دلچسپ داستان ہے کہ میں کتابیں کسی دوسرے کو دینے کا روادار نہیں)۔

سیم اسٹوری!

 

[منہاج علی]

جی ضرور محترم۔

مجھے سمجھ نہیں آرہا کہ یہاں تصویر کیسے اپلوڈ کی جائے۔ کیا آپ مدد کرسکتے ہیں؟

 

[محمد عدنان اکبری نقیبی]

مجھے سمجھ نہیں آرہا کہ یہاں تصویر کیسے اپلوڈ کی جائے۔ کیا آپ مدد کرسکتے ہیں؟

imgur ایپ کے ذریعے اردو محفل فورم میں تصویر اپلوڈ کرنے کا طریقہ
منہاج بھائی آپ اس لڑی میں تصویر اپلوڈ کرنے کا طریقہ دیکھ کر با آسانی محفل پر تصویر اپلوڈ کر سکتے ہیں ۔

 

[منہاج علی]

میں یہاں imgur کے ذریعے تصویر شیئر کرنا چاہ رہا ہوں جب لنک یہاں کاپی کرتا ہوں تو مراسلہ شایع ہوجانے کے بعد تصویر پر کاٹی نظر آتی ہے اور تصویر نہیں کُھلتی۔

 

[منہاج علی]

شاعرِ اہلبیتؑ نجم آفندی
از مجلّہ بیادِ نجم آفندی ’’النجم‘‘
سنِ اشاعت ۱۹۷۷ عیسوی
ناشر مرحوم شاعرِ اہلبیتؑ باقر زیدی

 

[منہاج علی]

یَومِ میر انیس پر شاعرِ اہلبیتؑ نجم آفندی اور دیگر اُدَبا کی گروہی تصویر
از مجلّہ بیادِ نجم آفندی ’’النجم‘‘
سنِ اشاعت ۱۹۷۷ عیسوی
ناشر مرحوم شاعرِ اہلبیتؑ باقر زیدی

 

[منہاج علی]

میر انیسؔ کے چھوٹے بھائی میر اُنس کے پوتے فرید لکھنوی۔

 

[منہاج علی]

سید مسعود حسن رضوی ادیب (۱۸۹۳ - ۱۹۷۵)
از کتاب ’’ہماری شاعری‘‘
مصنف: سید مسعود حسن رضوی ادیب

 

[جاسمن]

 

[جاسمن]

 

[شمشاد]

بہت اچھی اور یادگار تصاویر ہیں لیکن فوٹوبکٹ کے ٹریڈ مارک نے تصویر کا حسن بگاڑ دیا ہے۔ اس کی جگہ اگر آپ imgbb.com سے تصویر شیئر کریں تو بہتر رہے گا۔