شعر و شاعر (اشعار اور خالق)

[عبد الرحمٰن]

مجھے اب تم سے ڈر لگنے لگا ہے
تمہیں مجھ سے محبت ہو گئی کیا
جون ایلیاء

 

[طارق شاہ]

کسی سے کر نہ سکا دردِنارَسا کا گِلہ
وہ روز و شب تھے کہ تنہائیوں سے چُور رہا

احمد فراؔز

 

[طارق شاہ]

نہیں ہر چند کسی گمشدہ جنّت کی تلاش
اِک نہ اِک خُلدِ طربناک کا ارماں ہے ضرُور
بزمِ دوشینہ کی حسرت تو نہیں ہے مجھ کو
میری نظروں میں کوئی اور شبستاں ہے ضرُور

مجاؔز لکھنوی

 

[طارق شاہ]

تھا ایک شخص، ہر اِک شخص اُس پہ عاشق تھا
یہ بات ، کل کی ہے ! دو، چار، دس برس کی نہیں

بشیر بدؔر

 

[طارق شاہ]

کلام ِیاسؔ سے دُنیا میں ایک آگ لگی
یہ کون حضرتِ آتش کا ہم زباں نِکلا

یاسؔ، یگانؔہ، چنگیزیؔ

 

[طارق شاہ]

بُرا ہو پائے سرکش کا، کہ تھک جانا نہیں آتا
کبھی گمراہ ہوکر راہ پر آنا نہیں آتا

یاسؔ، یگانؔہ، چنگیزیؔ

 

[طارق شاہ]

پائے جنُوں پہ کیسی افتاد آ پڑی ہے
اگلی مسافتوں سے اِنکار کر دِیا ہے

شہریار

 

[طارق شاہ]

ترکِ مطلب سے ہے مطلب، تو دُعائیں کیسی؟
صُبح تک، کیوں دِلِ بیمارجگاتا ہے مجھے

یاسؔ، یگانؔہ، چنگیزیؔ

 

[طارق شاہ]

دیکھ لو حُسنِ یگانہ دُور سے بیگانہ وار
پاس جاؤگے تو پردہ درمیاں ہوجائے گا

یاسؔ، یگانہؔ، چنگیزیؔ

 

[چودھری مصطفی]

سودا جو ترا حال ہے اتنا تو نہیں وہ
کیا جانیے تو نے اسے کس آن میں دیکھا

 

[وقاص ریاض باگڑی]

بہت خوب زبردست

 

[طارق شاہ]

ہم اپنے آپ میں گُم تھے، ہَمَیں خبر کیا تھی
کہ ماروائے غمِ جاں بھی، ایک دُنیا ہے

احمد فراؔز

 

[طارق شاہ]

ازل سے ابد تک سفر ہی سفر ہے
کہیں صُبح ہوگی کہیں رات ہوگی

بشیر بدؔر

 

[طارق شاہ]

چراغوں کو آنکھوں میں محفوُظ رکھنا
بڑی دُور تک رات ہی رات ہوگی

بشیر بدؔر

 

[طارق شاہ]

گو دُکھی دِل کوبہت ہم نے بچایا ، پِھر بھی !
جِس جگہ زخم ہوں، واں چوٹ سدا لگتی ہے

احمد فراؔز

 

[طارق شاہ]

کِھلے تو اب کے بھی گُلشن میں پُھول ہیں، لیکن!
نہ میرے زخم کی صُورت ، نہ تیرے لب کی طرح

احمد فراؔز

 

[طارق شاہ]

جاتی کہاں ہیں جی سے وہ فِتنہ نمُائیاں
اب بھی فسُوں نِگاہوں میں اُن کی ادا کے ہیں

شفیق خلشؔ

 

[طارق شاہ]

کب رحم روز و شب کو مِرے حال پر یہاں
آلام ہجرتوں کے تو دُگنی سزا کے ہیں

شفیق خلؔش

 

[طارق شاہ]

اِلزام زندگی پہ خلؔش کیا دھریں کہ جب
آزار ہم پہ سارے ہی دِل کی خطا کے ہیں

شفیق خلؔش

 

[طارق شاہ]

چاہے کہوُں کُچھ روز نہ مِلنے پہ اُسے خود
کہدے تو کوئی اور ستمگر مِرے آگے

شفیق خلؔش