شعر کا جواب شعر میں

[زھرا]

جلانے والے جلاتے ہی ہیں چراغ آخر
یہ کیا کہا کہ ہوا تیز ہے زمانے کی
جمیلؔ مظہری

 

[A Basit]

یہاں ایک نیا کھیل شروع کیا جارہا ہے - جس میں ایک رکن شعر لکھے گا اور اسکا جواب بھی کوئی دوسرا رکن شعر میں ہی دے گا -

مثلا"
دل نااُمّید تو نہیں، ناکام ہی تو ہے
لمبی ہے غم کی شام! مگر شام ہی تو ہے

اور جواباً یہ شعر

دل گرفتہ ہی سہی، بزم سجا لی جائے
یاد جاناں سے کوئی شام نہ خالی جائے

دل ناداں تجھے ہوا کیا ہے
آخر اس درد کی دوا کیا ہے

 

[رباب واسطی]

دل ناداں تجھے ہوا کیا ہے
آخر اس درد کی دوا کیا ہے

دل ہی تو ہے نہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں ستائے کیوں

 

[A Basit]

دل کا کیا احوال سناؤں چپ ہی رہنے دے ہمدم
چپ رہنے میں جو لذت ہے کہنے میں وہ بات نہیں

 

[رباب واسطی]

دل میں کچھ یوں سنبھالتا ہوں غم
جیسے زیور سنبھالتا ہے کوئی
پیڑ پر پک گیا ہے پھل شاید
پھر سے پتھر اچھالتا ہے کوئی

 

[A Basit]

دل میں کچھ یوں سنبھالتا ہوں غم
جیسے زیور سنبھالتا ہے کوئی
پیڑ پر پک گیا ہے پھل شاید
پھر سے پتھر اچھالتا ہے کوئی

آپ پہلو میں جو بیٹھیں تو سنبھل کر بیٹھیں

دل بیتاب کو عادت ہے مچل جانے کی

 

[سلیم ستار]

عادت سی بنا لی ہے، تم نے تو منیر اپنی
جس شہر میں بھی رہنا، اکتائے ہوئے رہنا

 

[فرخ منظور]

عادت ہی بنا لی ہے، تم نے تو منیر اپنی
جس شہر میں بھی رہنا، اکتائے ہوئے رہنا

سانس لینا بھی کیسی عادت ہے
جیے جانا بھی کیا روایت ہے
کوئی آہٹ نہیں بدن میں کہیں
کوئی سایہ نہیں‌ ہے آنکھوں میں
پاؤں بے حِس ہیں چلتے جاتے ہیں
اِک سفر ہے جو بہتا رہتا ہے
کتنے برسوں سے کتنی صدیوں سے
سانس لیتے ہیں، جیتے رہتے ہیں

عادتیں بھی عجیب ہوتی ہیں !

 

[سلیم ستار]

لے سانس بھی آہستہ کہ نازک ہے بہت کام
آفاق کی اس کارگہِ شیشہ گری کا

 

[فرخ منظور]

لے سانس بھی آہستہ کہ نازک ہے بہت کام
آفاق کی اس کارگہِ شیشہ گری کا

حقیقت ایک ہے ہر شے کی خاکی ہو کہ نوری ہو
لہو خورشید کا ٹپکے اگر ذرے کا دل چیریں

 

[سلیم ستار]

رگوں میں دوڑتے پھرنے کے ہم نہیں قائل
جب آنکھ ہی سے نہ ٹپکا تو پھر لہو کیا ہے

 

[سیما علی]

رگوں میں دوڑتے پھرنے کے ہم نہیں قائل
جب آنکھ ہی سے نہ ٹپکا تو پھر لہو کیا ہے

لہو سے میں نے لکھا تھا جو کچھ دیوار زنداں پر
وہ بجلی بن کے چمکا دامن صبح گلستاں پر

سیماب اکبر آبادی

بھیا تھوڑی توجہ چاہئے آپکی دیکھیے کیا ہم نے کچھ درست سمجھے یا کچھ اور!!!!!