طبع زاد اشعار کی بیت بازی

[اکمل زیدی]

یک بیک معدوم ہوتے جا رہے تھے ممکنات
مٹتے جانے والوں میں سے ایک امکاں میں بھی تھا

امکاں اگر کسی کو ہو کہ مٹ جائینگے ہم بھی
تو تھام لے کسی کو جو ہو جاوداں کی صورت

 

[مومن فرحین]

تم بھی مصروف انتظار میں ہو
ہم بھی اپنی تلاش میں گم ہیں

 

[اکمل زیدی]

ایک تو کام ایسا کر جاؤ
نام کرتے ہوئے امر، جاؤ

ویسے خیال آپ سے اپنا جدا نہیں
شعر اسی خیال رہنے دیا ہم نے

 

[محمد شکیل خورشید]

ویسے خیال آپ سے اپنا جدا نہیں
شعر اسی خیال رہنے دیا ہم نے

یاد اس کی سدا جوان رہے
ہے دعا اتنی ایزداں میری

 

[مومن فرحین]

یہاں مسئلہ ہے۔ یہ نہیں ہو سکتا۔ اس تغیر کی اجازت نہیں ہے غالباً۔

یوں ہو سکتا ہے
فعلن فعلن ۔۔۔ وہ مے رے خا
فعلن فعلن ۔۔۔ بو مے کل شب
فعْلْ فعْولن ۔۔۔سر خ سِ چوڑی
فعلن فع ۔۔۔ لے آ یا

اور یہ مصرع درست ہے
کیا مے فعلن
را یہ فعلن
خواب فعل
ہِ سچا فعولن
کیا اس فعلن
کی تع فعلن
بیر فعل
وصال فعول

بہت شکریہ تابش بھائی ۔۔۔

 

[اکمل زیدی]

--

 

[فہد اشرف]

یاد اس کی سدا جوان رہے
ہے دعا اتنی ایزداں میری

یہ ہیں میرے زخم سارے
جو کھلے ہیں صورتِ گل

 

[ام عبدالوھاب]

یہ ہیں میرے زخم سارے
جو کھلے ہیں صورتِ گل

لے کے آیا ہے غنچہ کلیوں کا
جو لہجے میں خار رکھتا ہے

 

[محمد شکیل خورشید]

یہ جو لہجے میں اک لگاوٹ ہے
باخدا اس مین بھی بناوٹ ہے

 

[حمیرا حیدر]

یوں تو وہ بہت سادہ سے معصوم سے ہیں
ہم سے پوچھیں کیا حال کرتے ہیں بچے

 

[اکمل زیدی]

یوں تو وہ بہت سادہ سے معصوم سے ہیں
ہم سے پوچھیں کیا حال کرتے ہیں بچے

یہ تقاضا ہے ان کی فطرت کا
قدرت کا حسین شاہکار ہیں بچے

 

[حمیرا حیدر]

یاس و غم کی ایک تصویر چھپی
جس میں تھے مزدور کے بھوکے بچے

 

[محمد احسن سمیع راحلؔ]

خواتین و حضرات، اس کھیل کی ایک شرط اشعار کا پابندِ بحر ہونا ہے ۔۔۔ برائے مہربانی اس کی پابندی کی کوشش تو کیجیے ۔۔۔ اور کوئی مشکل درپیش ہو تو عروض ڈاٹ کام کی استعانت حاصل کیجیے

 

[اکمل زیدی]

یاس و غم کی ایک تصویر چھپی
جس میں تھے مزدور کے بھوکے بچے

یاد آگئیے مجھے بھی کچھ بھولے بھالے
شیلف میں کھلونوں کو تھے تکتے بچے

 

[محمد احسن سمیع راحلؔ]

یاد آگئیے مجھے بھی کچھ بھولے بھالے
شیلف میں کھلونوں کو تھے تکتے بچے

یاں تو بچوں کی بنی جائے ہے کرکٹ کی ٹیم
وہ تو کہتے تھے کہ بچے ہیں فقط دو اچھے

 

[ام عبدالوھاب]

یہ جو بچے کا سلسلہ ہے چلا
لڑی اس پہ بھی اک بنا دیجے

 

[اکمل زیدی]

یہ جو بچے کا سلسلہ ہے چلا
لڑی اس پہ بھی اک بنا دیجے

ہم کون سےبڑے ہیں ہم بھی تو ہیں بچے
کل بھی پڑی تھی جوتی اماں کی مجھے یارو

 

[محمد خلیل الرحمٰن]

ہم کون سےبڑے ہیں ہم بھی تو ہیں بچے
کل بھی پڑی تھی جوتی اماں کی مجھے یارو

ہم کون سے بڑے ہیں، ہم بھی ابھی ہیں بچے
کل ہی پڑی تھی جوتی اماں کی سر پہ یارو

 

[اکمل زیدی]

خواتین و حضرات، اس کھیل کی ایک شرط اشعار کا پابندِ بحر ہونا ہے ۔۔۔ برائے مہربانی اس کی پابندی کی کوشش تو کیجیے ۔۔۔ اور کوئی مشکل درپیش ہو تو عروض ڈاٹ کام کی استعانت حاصل کیجیے

یہ اس پر ایک تحریک ہوئی تو شعر کہہ رہا ہوں ورنہ بیت بازی والے شعر میں آخری لفظ واو ہی شمار کیجیے گا۔۔

مشورہ ہے یہ تالاب کے عادی کو
پابند بحر ہو کر بحر سخن میں تیر

 

[محمد تابش صدیقی]

ہم کون سے بڑے ہیں، ہم بھی ابھی ہیں بچے
کل ہی پڑی تھی جوتی اماں کی سر پہ یارو

وہ کھائی تھی جو جُوتی، اب کام آ رہی ہے
ٹھوکر سے اس جہاں کی، مجھ کو بچا رہی ہے