طبع زاد اشعار کی بیت بازی

[اکمل زیدی]

ژولیدہ بیانی تھی وہ یا ژرفِ تخیل
میں بھول گیا تھا یہاں مژگاں کا جھپکنا

واہ بھیا آپ تو خوب منجھ گئے ۔۔کمال است۔۔۔خوب ژ سے ژالہ باری بھی کردی آپ نے تو اک شعر میں۔۔

 

[مقبول]

ژولیدہ بیانی تھی وہ یا ژرفِ تخیل
میں بھول گیا تھا یہاں مژگاں کا جھپکنا

اب ایک شعر اس کے ترجمے کا ہو جائے مجھ جیسے کم پڑھوں کے لیے😁😁

 

[مقبول]

لگتا ہے بیت بازی بھی ویک اینڈ منا رہی ہے😄

 

[فہد اشرف]

ادب ملحوظ رکھتا ہوں ترا دیوانگی میں بھی
میں تیرا ذکر کرتا ہوں تو سَر اوپر نہیں کرتا

ایسے دیوانے نہیں ہوتے ہیں
اس قدر ہوش کی باتیں نہ کرو

 

[محمد عبدالرؤوف]

ایسے دیوانے نہیں ہوتے ہیں
اس قدر ہوش کی باتیں نہ کرو

وحشت سے میرے دل کو یوں انجانا کر دیا
اس عالمِ خرد نے تو دیوانہ کر دیا

 

[مقبول]

اس سلطنت کے تخت پہ بیٹھے ہیں ایسے لوگ
جن کا اسے بنانے میں کچھ بھی لگا نہیں

 

[محمد عبدالرؤوف]

اس سلطنت کے تخت پہ بیٹھے ہیں ایسے لوگ
جن کا اسے بنانے میں کچھ بھی لگا نہیں

نئے شعر بُن کے جو گرمائیں محفل
مزا گفتگو کا بھی آتا رہے کچھ

 

[مقبول]

ہر ایک بات پر اب صُوْر پھونکنا ہو گا
کہ میری قوم کو اونچا سنائی دیتا ہے

 

[فہد اشرف]

یوں روز روز حشر اٹھانا نہیں بجا
کچھ اور ہونی چاہیے اس درد کی دوا

 

[مقبول]

اب اتنا بھی نہ میرے یار پُر اسرار ہو جاؤ
کہ آخر قلتِ عشّاق سے دو چار ہو جاؤ

 

[فہد اشرف]

اب اتنا بھی نہ میرے یار پُر اسرار ہو جاؤ
کہ آخر قلتِ عشّاق سے دو چار ہو جاؤ

وبا یہ عشق تک پہنچی یہاں بھی انفلیشن ہے
بڑھی تعداد عاشق کی پہ قدروں میں گراوٹ ہے

 

[مقبول]

وبا یہ عشق تک پہنچی یہاں بھی انفلیشن ہے
بڑھی تعداد عاشق کی پہ قدروں میں گراوٹ ہے

یہاں قانون نابینا، یہاں منصف ہیں ظالم لوگ
یہاں پر کون سُنتا ہے کسی نادار کی باتیں

 

[محمد عبدالرؤوف]

یہاں قانون نابینا، یہاں منصف ہیں ظالم لوگ
یہاں پر کون سُنتا ہے کسی نادار کی باتیں

نادار ہی جب بٹے ہوئے ہوں
تو ظالموں سے خدا بچائے

 

[مقبول]

لگتا ہے بیت بازی بھی ویک اینڈ منا رہی ہے😄

لگتا ہے محفلین اردو محفل کی ساری کاروائی فرائضِ منصبی سمجھتے ہوئے دفتری اوقات میں کرتے ہیں اور ویک اینڈ پر آرام فرماتے ہیں یا گھریلو معاملات سے نمٹتے ہیں😄

 

[محمد عبدالرؤوف]

لگتا ہے محفلین اردو محفل کی ساری کاروائی فرائضِ منصبی سمجھتے ہوئے دفتری اوقات میں کرتے ہیں اور ویک اینڈ پر آرام فرماتے ہیں یا گھریلو معاملات سے نمٹتے ہیں😄

بندہ اپنے باس کا خطرہ مول لے سکتا ہے لیکن بیوی کا نہیں 😂😂😂

 

[سیما علی]

بندہ اپنے باس کا خطرہ مول لے سکتا ہے لیکن بیوی کا نہیں 😂😂😂

یہ بات تو صحیح ہے وہ تو آٹھ دس گھنٹے کا ساتھ ہے پر نیک بخت سے تو عمر بھر کا ساتھ ہے 😊

 

[فہد اشرف]

بندہ اپنے باس کا خطرہ مول لے سکتا ہے لیکن بیوی کا نہیں 😂😂😂

یہ کبھی رقص کناں نغمہ سرا ہوتے تھے
یہ جو لب بستہ ہیں زوجہ کے ستائے ہوئے لوگ

 

[محمد عبدالرؤوف]

یہ کبھی رقص کناں نغمہ سرا ہوتے تھے
یہ جو لب بستہ ہیں زوجہ کے ستائے ہوئے لوگ

گراں خواب شوہر سنبھلنے لگے
نکاحوں پہ دل پھر مچلنے لگے

 

[مقبول]

یہ کہ ٭محفل ٭ میں نہ آئیں تو کہاں جائیں پھر
اس ہی محفل کے سبب گھر سے بھگائے ہوئے لوگ

 

[الف عین]

گانا نہ گائے تو بھلا فرہاد کیا کرے
جو اس سے بات کر سکے، جنگل میں کون ہے؟