اللہ آپ سے اساتذہ کا سایہ ہمیشہ قائم رکھے، اور ہمیں یونہی سیکھنے کو موقع ملتا رہے، یہ عام سی غلطیاں کس طرح زباں میں در آتی ہیں پتہ یا پتا ہی نہیں چلتا۔شاعری تو مانتے ہیں مگر بے بحری، اسی لیے اس محفل میں باقاعدہ اس کے لیے زمرہ مخصوص کردیا ہے بنام: آپ کی نثری شاعری بحور سے آزاد
”پتہ“ غلط ہے ”پتا“ درست ہے۔
خوش الحان صحیح لفظ ہے۔ الحان لحن سے مشتق ہے۔ جبکہ الہان کا ترجمہ ہے: مسافر کو سفر سے واپسی پر تحفہ دینا۔
ایک تو آپ مجھے اپنے بیٹے کی وجہ سے پہلے ہی اچھے لگتے ہیں اوپر سے اتنی بہترین طریقے سے کچھ سمجھانے کی کوشش بھی کی، پہلی بار کچھ افاقہ ہوا ہے اور کچھ پلے پڑا ہے لیکن ابھی کافی نا کافی ہے۔بہت ہی سادہ انداز میں اگر کوشش کروں سمجھانے کی: ہر ایک لفظ کو اگر اعراب (جو کہ اس لفظ کے تلفظ کے بارے میں معلومات فراہم کرتے ہیں) لگا کر دیکھیں تو اس لفظ کو مزید توڑا جا سکتا ہے۔ مثلاً اگر "نشیمن" لفظ کو دیکھیں اور اس پر اعراب لگائے جائیں تو "نَشیمَن" بنے گا۔ جس حرف پر سکون یا جزر ہو گا وہاں ہم وقفہ لائیں گے اور اگر دو حرف پر آگے پیچھے زیر، زبر پیش ہو تب بھی ایسا ہی کریں گے: نَ شے مَن۔ جہاں پر دو حروف ہوں ان کو ہجائے بلند (long syllable) کہا جاتا ہے اور جہاں ایک حرف ہو اس کو ہجائے کوتاہ (short syllable) کہا جاتا ہے۔ اس سافٹوئر میں دو حرفی کو = سے ایک حرفی کو - سے ظاہر کیا ہے۔ اب لفظ نشیمن کو اسطرح سے تقطیع (توڑا) جائے گا: (ن شے من) [-==] یا [221]۔
اگر ہم علامہ اقبال کے اس مصرع کو اسی طریقے سے توڑیں:
تو شاہیں ہے بسیرا کر پہاڑوں کی چٹانوں پر
تُ شا ہی ہے/ بَ سے را کر/ پَ ہا ڑو کی/ چَ ٹا نو پر
- = = = / - = = =/ - = = =/ - = = =
تو آپ دیکھ سکتے ہیں کہ اس میں ایک خاص پیٹرن نظر آ رہا ہے (- = = =) جو چار مرتبہ دہرایا گیا ہے۔ اسی پیٹرن کے لئے کچھ مجہول الفاظ استعمال کئے جاتے ہیں جن سے بحر کی نشاندہی ہوتی ہے۔ مثلاً - = = = کے لئے مَفَاعِیلُن استعمال ہوتا ہے جس کو اسی طرح توڑا جا سکتا ہے: مَ فَا عی لنُ (- = = =)- پوری بحر ہو گی مفاعیلن مفاعیلن مفاعیلن مفاعیلن
ایک بات آپ نے نوٹ کی ہو گی کہ "تو" کو ایک حرفی یعنی تُ لیا گیا ہے۔ اس کی وجہ یہ ہے کہ "و" کی آواز بہت موہوم ہوتی ہے تو اگر اس کو لمبا کر کے پڑھیں تو "تُو" بن جائے گا اور اگر چھوٹا کر کے پڑھیں تو تُ رہ جائے گا۔ یہ ایسا لفظ ہے جو دونوں طرح استعمال کیا جاتا ہے۔ اس کے علاوہ پہاڑوں، چٹانوں، شاہیں میں نون غنہ (ں) کو نکال دیا گیا ہے۔ اس کی وجہ یہ ہے کہ اس کی آواز ناک سے نکلتی ہے اور تلفظ پر کوئی فرق نہیں پڑتا۔
اسی طرح کے کچھ پیٹرن بنتے ہیں جن کو محتلف نام دئیے جاتے ہیں۔
اسی طرح مرزا غالب کا مصراع:
کاغذی ہے پیرہن ہر پیکرِ تصویر کا
کا غ زی ہے/ پے ر ہن ہر/ پے ک رے تص/ وی ر کا
= - = = /= - = =/ = - = =/ = - =
اس کی بحر ہے اس میں یہ پٹرن = - = = (فا عِ لا تُن) تین دفعہ آ رہا ہے اور آخر میں = - = ہے۔ یعنی فاعلاتن فاعلاتن فاعلاتن فاعلن
اب ان دونوں مصرعوں کو جہاں پر - ہے اس کو جلدی سے اور جہاں پر = اس کو لمبا کر کے پڑھیں تو آپ کو معلوم ہو جائے گا کہ اس میں ایک طرح کا ترنم پایا جاتا ہے۔ یہی ترنم شعریت کی خاصیت ہے جس کے لئے سارا عروض کا نظام وضع کیا گیا ہے۔
اب اس سافٹویر کی مدد سے اچھے شعرا کا کلام اسی طریقے پر پڑھیں تو آپ کو خود بخود بحر کا اندازہ ہوتا جائے گا۔
میرا خیال ہے کہ لسٹ مل جائے تو کئی احباب اس کام میں حصہ لے سکتے ہیں۔ جہاں تک ہو سکا، میں بھی حاضر ہوں۔آپ کو یاد ہوگا کچھ عرصہ پہلے میں نے "ن والے الفاظ کی تقطیع" پر اصلاح سخن فورم میں ایک دھاگہ شروع کیا تھا۔ اس کی بنیادی وجہ یہ تھی کہ ایسے الفاظ کی تقطیع کے لئے کوئی قاعدہ بنایا جا سکے۔ اگر الفاظ معرب بھی ہوں اور ان کے درمیان میں کہیں پر "ں" ہو تب بھی وہ لکھے ن سے ہی جاتے ہیں- اس مسئلے کا ابھی تک مجھے کوئی پائیدار حل نہیں سوجھا۔ ایک حل تو یہ ہے کہ ایسے تمام الفاظ (جو شائد ایک ہزار سے بھی زیادہ ہوں) جمع کئے جائیں اور ان کی از خود تقطیع کی جائے جو کہ کافی وقت طلب کام ہے۔ اگر کوئی اس کا بیڑہ اٹھانے کو تیار ہے تو لسٹ میں بنا دوں گا۔
) لیکن اس میں ایک کالم تقطیع کا بنا دیا ہے۔ اندھیرا یا بھینس جیسے الفاظ کی درست تقطیع ساتھ والے کالم میں اسی طرز پر لکھ دیں۔ تقریباً تمام الفاظ کی تقطیع میں تبدیلی کی ضرورت نہیں، ما سوائے "ں" والے الفاظ کے۔
یہ رہی لسٹ: http://www.megafileupload.com/en/file/436156/Noon-Words-Taqti-xlsx.html
اس میں لگ بھگ ساڑھے تین ہزار الفاظ ہیں (
میں نے فائل ڈاؤنلوڈ کر لی ہے۔ چیک کرتا ہوں۔یہ رہی لسٹ: http://www.megafileupload.com/en/file/436156/Noon-Words-Taqti-xlsx.html
اس میں لگ بھگ ساڑھے تین ہزار الفاظ ہیں (
جیسے آپ سب مناسب سمجھیں۔
جناب محمد اشرف ساقی، یہاں کچھ تبصرہ کرنا چاہ رہے ہیں، مگر ان کو یہ پیغام مل رہا ہے: ’’آپ کو یہاں تبصرہ کرنے کا اختیار نہیں‘‘
محمد خلیل الرحمٰن صاحب، یا کوئی اور دوست ان کی کچھ مدد کر سکیں گے؟
۔۔۔ ۔۔۔ ۔۔ ساقی صاحب! کہیں ایسا تو نہیں کہ آپ ’’اندراج یا دخول‘‘ میں سائن اِن نہ ہوئے ہوں؟ ایسے میں بھی پیغامات اور مراسلات تک آپ کی محدود رسائی ہو جاتی ہے۔ سائن اِن ہو کر دیکھ لیجئے۔
ساقی صاحب کا تبصرہ جو انہوں نے مجھے کہا کہ سید ذیشان صاحب کو پہنچا دوں:
۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔
Muhammad Ashraf Saqiبہر حال آپ میری ذمہ داری پہ سید زیشان کو مبارک دے دیجئے۔ان کا یہ کام اللہ کرے مکمل ہو کر ایک سنگ میل کی حیثیت اختار کرے گا۔انشأ اللہ
11 minutes ago · Like۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔بہت آداب!