عشق

[شمشاد]

کبھی تقدیر کا ماتم، کبھی دنیا کا گلہ
منزلِ عشق پہ ہر گام پہ رونا آیا

 

[ظفری]

اے عشق ہمیں، برباد نہ کر
برباد نہ کر ، برباد نہ کر

اے عشق نہ چھیڑ آ آ کے ہمیں
ہم بُھولوں ہوؤں کو یاد نہ کر
پہلے ہی بہت ناشاد ہیں ہم
تُو اور ہمیں ناشاد نہ کر
قسمت کا ستم ہی کم نہیں کچھ
یہ تازہ ستم ایجاد نہ کر
یوں ظلم نہ کر یوں بیداد نہ کر

راتوں کو اُٹھ اُٹھ کر روتے ہیں
رو رو کر دعائیں کرتے ہیں
آنکھوں میں تصور، دل میں خلش
سر دُھنتے ہیں ، آہیں بھرتے ہیں
اے عشق یہ کیسا روگ لگا
جیتے ہیں ظالم نہ مرتے ہیں
ان خوابوں سے یوں آزاد نہ کر

جس سے دن سے بندھا ہے دھیان تیرا
گھبرائے ہوئے سے رہتے ہیں
ہر وقت تصور کر کر کے
شرمائے ہوئے سے رہتے ہیں
کُملائےکی پُھولوں کی طرح
کُملائے ہوئے سے رہتے ہیں
پامال نہ کر ، بیداد نہ کر
اے عشق ہمیں ، برباد نہ کر
برباد نہ کر ، برباد نہ کر​

 

[ماوراء]

~~
یہ بھی تمھاری ایک ادا ہے رشتے باندھو اور توڑو
کاش کوئی سمجھائے تم کو عشق میں کیا گہرائی ہے
~~​

 

[شمشاد]

وہ عشق بہت مشکل تھا مگر آسان نہ تھا یوں جینا بھی
اس عشق نے زندہ رہنے کا مجھے ظرف دیا، پندار دیا

 

[ظفری]

زیست مشکل ہے اسے اور بھی مشکل نہ بنا
عشق کو عشق سمجھ ، مشغلِ دل نہ بنا​

 

[ظفری]

ہم نے ہنس ہنس کے بھرم اہل ِ وفا کا رکھا
ہم بھی رو دیتے اگر عشق میں جھوٹے ہوتے​

 

[شمشاد]

عشق صدا بھی تھا بےخود بھی جنوں پیشہ بھی
حسن کو اپنی اداؤں پہ حجاب آتا تھا

پھول کھلتے تھے تو پھولوں میں نشہ ہوتا تھا
رات ڈھلتی تھی تو شیشوں پہ شباب آتا تھا
(آلِ احمد سرور)

 

[شمشاد]

اللہ رے کامیابیِ آوارگانِ عشق
خود گُم ہوئے تو کیا اُسے پائے ہوئے تو ہیں

یہ تجھ کو اختیار ہے تاثیر دے نہ دے
دستِ دعا ہم آج اٹھائے ہوئے تو ہیں
(مجاز)

 

[ظفری]

صاحبِ عشق اسے عشق کی دولت دے دے
اک فقیر اور بھی ہے کاسہءِ سر سے آگے
تابش اس در پہ سب اسرارِ ازل کھلتے ہیں
میری حیات کی رسائی ہے خبر سے آگے​

 

[ظفری]

کُج اُونجھ وی راواں اوکھیاں سن
کُج گَل وِچ عشق دَا طُوق وِی سی
کُج شہر دے لوک وِی ظالم سَن
کُج سانوں مَرن دا شوق وِی سی​

 

[شمشاد]

ہے تو یہ عنوان سے ہٹ کر ظفری بھائی لیکن لکھنےکو جی کر رہا ہے کہ یاد آ گیا آپ کے پنجابی اشعار پر :

مکھ یار نوں سمجھ قرآن لیا
در یار نوں کعبہ جان لیا
رب بخشے نہ بخشے اودی رضا
اسی یار نوں سجدہ کر بیٹھے

 

[ظفری]

بہت خوب شمشاد بھائی ۔۔۔

 

[ظفری]

چاہت میں کیا دنیاداری، عشق میں کیسی مجبوری
لوگوں کا کیا، سمجھانے دو اُن کی اپنی مجبوری

 

[شمشاد]

ہمارے عشق کی دس بیس نے بھی داد نہ دی
کسی کا حسن زمانے میں انتخاب ہوا

فنا کا دعوا ہزاروں کو تھا زمانے میں
حباب نے مجھے دیکھا تو آب آب ہوا
(بیخود دہلوی)

 

[تیشہ]

عمر بھر پڑھتی رہی پھر بھی ادھورا ہی رہا
عشق کے مکتب کا تھا اے ناز کچھ ایسا نصاب ، ۔

 

[ظفری]

میں تو اے عشق تری کوزہ گری جانتا ہوں
تو نے ہم دو کو ملایا تو بنا ایک ہی شخص​

 

[حجاب]

عشق نے سیکھ ہی لی وقت کی تقسیم کے اب
وہ مجھے یاد تو آتا ہے مگر کام کے بعد۔۔۔۔۔۔۔

 

[ظفری]

اطہر تم نے عشق کیا ، کچھ تم بھی کہو کیا حال ہوا
کوئی نیا احساس ملا ، یا سب جیسا احوال ہوا

اطہر نفیس​

 

[شمشاد]

عشق کا بھی کوئی انجام ہوا کرتا ہے
عشق میں یاد ہے آغاز ہی آغاز مجھے
(ضیاء جالندھری)

 

[ظفری]

اپنا یہ عالم ہے خود سے بھی اپنے زخم چھپاتے ہیں
لوگوں کو یہ فکر کہ کوئی موضوع تشہیر بنے
تم نے فراز اس عشق میں سب کچھ کھو کر بھی کیا پایا ہے
وہ بھی تو ناکام ِ وفا تھے جو غالب اور میر بنے​