عشق

[پاکستانی]

یہ نکہتوں کی نرم روی، یہ ہوا، یہ رات
یاد آ رھے ہیں عشق کے ٹوٹے تعلّقات

فریق گورکھپوری

 

[پاکستانی]

یہ عجیب کھیل ہے عشق کا میں نے آ پ د یکھا یہ معجز ہ
و ہ جو لفظ تیر ے گما ں میں تھے وہ میر ی ز با ن پہ آ گئے

 

[پاکستانی]

يہ نشانِ عشق ہيں جاتے نہيں
داغ چھاتی کے عبث دھوتا ہے کيا
مير

 

[پاکستانی]

نگاہِ عشق و مستی میں وہی اوّل وہی آخر
وہی قرآں وہی فرقاں وہی یٰسیں وہی طٰہٰٰ

 

[سارہ خان]

کچھ اِس قدر بھی تو آساں نہیں ہے عشق تِرا
یہ زہر دل میں اُتر کر ہی راس آتا ہے

 

[شمشاد]

اے عشق یہ سب دنیا والے کیوں پیار کی باتیں کرتے ہیں
نظروں پے لگی ہے پابندی، دیدار کی باتیں کرتے ہیں

 

[شمشاد]

تیری محفل سے اٹھ کر عشق کے ماروں پے کیا گزری
مخالف اک جہاں تھا جانے بیچاروں پہ کیا گزری
(شکیل بدایونی)

 

[حجاب]

عشق آوارہ مزاج
وہ مسافر تو گیا
نہ کوئی اُس کی مہک ہے
کہ جو دے اُس کا پتہ
نہ کوئی نقشِ کفِ پا
کوئی تلخی بھی تہہِ جام نہ چھوڑی اُس نے
اِک دُکھتا ہوا دل
چوٹ تھی جس پہ لگی
چوٹ ویسی تو نہیں
درد باقی تو نہیں
لاکھ مانے نہ مگر
کچھ پشیمان سا دل
یوں بدل جانے پر
آپ حیران سا دل
اُس کو کیا پتہ
یہ ہے انسان کا دل
کوئی پتھر تو نہیں
جس پہ مٹتی نہیں پڑ جائے جو ایک بار لکیر۔۔۔۔۔۔​

 

[ظفری]

ہم اپنے عشق کی اب اور کیا شہادت دیں
ہمیں ہمارے رقیبوں نے معتبر جانا​

 

[پاکستانی]

کرم اے شہِ عرب و عجم کہ کھڑے ہیں منتظر کرم




گدائے عشق ہوں نظرانہ دل لے کے آیا ہوں
یہی ہے اک چیز لانے کے قابل لے کے آیا ہوں
رہے جذب و کشش یہ ہوش تک باقی نہیں
کہ مجھے دل لے کے آیا ہے یا میں دل لے کے آیا ہوں

احمد رضا خان بریلوی

 

[ظفری]

عشق کی انتہا نہیں ہوتی
عشق کی انتہا نہ ہو جانا​

 

[جاویداقبال]

السلام علیکم ورحمۃ اللہ وبرکاتہ،

عشق میں جیت ہوئی یامات
آج کی رات نہ چھیڑ یہ بات
یوں آیاوہ جان بہار
جیسے جگ میں پھیلے بات
رنگ کھلے صحراکی دھوپ
زلف گھنے جنگل کی رات
کچھ نہ سنااورکچھ نہ کہا
دل میں رہ گئی دل کی بات
یارکی نگری کوسوں دور
کیسے کٹے کی بھاری رات
بستی والوں سے چھپ کر
رولیتے ہیں پچھلی رات
سناٹوں میں سنتے ہیں
سنی سنائی کوئی بات
پھرجاڑے کی رت آئی
چھوٹے دن اورلمبی رات
ناصرکاظمی



والسلام
جاویداقبال

 

[سارہ خان]

غرور ِ عشق کو ایسے نہیں گنوانا ہے
وفا کے نام پہ آنسو نہیں بہانا ہے
وہ جب تلک نہ ملا تھا جہاں تھا بیگانہ
وہ ساتھ ہےتو مرے ساتھ اِک زمانہ ہے

 

[تیشہ]

وہ تیرا عشق ہے رسوائے شہر کیوں ٹہرے ۔
سپردِ محفل شعرو ادب نہ کر اسکو ۔،

 

[الف نظامی]

واصف جہانِ عشق میں سوداگری ہے جرم
کب جیت کو خبر ہے جو ہے لطف ہار میں

 

[ظفری]

اگرچہ یہ وقت مرہم ہے
مگر کچھ وقت تو لگتا ہے
کسی کو بُھول جانے میں
دوبارہ دل بسانے میں
کچھ وقت تو لگتا ہے
ابھی وہ درد باقی ہے
میں کیسے نئی اُلفت میں
اپنی ذات کو گُم کرلوں
کہ میرے جسم و وجود میں
ابھی وہ فرد باقی ہے
ابھی اُس شخص کی مجھ پر
نگاہِ سرد باقی ہے
ابھی تو عشق کے راستوں کی
مجھ پر گرد باقی ہے
ابھی وہ درد باقی ہے ۔۔۔۔​

 

[تیشہ]

عشق ہمارے خیال پڑا ہے ‘خواب گیا ‘آرام گیا
دل کا جانا ٹہر رہا ہے، صبح گیا یا شام گیا ۔ ۔۔

 

[ظفری]

کسی سے عشق کا اظہار جس میں کرنا تھا
خبر نہیں کہ وہ لمحہ کہاں گذر گیا​

 

[تیشہ]

میں دل زدہ ہوں اگر ‘ دل فگار وہ بھی ہیں
کہ جرم ِ عشق کے اب دعویدار وہ بھی ہیں ،۔

 

[حجاب]

کبھی عشق کرو اور پھر دیکھو اس آگ میں جلتے رہنے سے
کبھی دل پر آنچ نہیں آتی کبھی رنگ خراب نہیں ہوتا۔۔۔۔۔