عظیم کی شاعری برائے اصلاح و تنقید و تبصرہ

[عظیم]

اپنے ہی غم میں مبتلا رکها
ایسا بندہ ہمیں بنا رکها

ڈال کر خوف دل میں محشر کا
حشر سا اس نے اک اٹها رکها

کیوں کریں فکر روزگاری کی
کس نے دنیا کو ہے کما رکها

ہم نے ان محفلوں میں اپنا ہی
اک تماشا سا تها لگا رکها

کام جو آج ہونے والا تها
ہم نے اسکو بهی کل اٹها رکها

تم سے بهی دیکه جا چکا عالم
اور ہم کو بهی کیوں دکها رکها

خواہشیں آرزوئیں مجبوری
ایسی باتوں ہے آج کیا رکها

صاحب اس شوق نے ہمیں ہر دم
آپ اپنے سے بهی جدا رکها

 

[عظیم]

کیا یہی خو ہے تم نرالوں کی
بات کرتے ہو گزرے سالوں کی

کیوں تغافل کا ان کے شکوہ ہو
یہ تو عادت ہے حسن والوں کی

کوئی قسمت کا دیکهے پهر جانا
اس پہ خوبی پهر ان کی چالوں کی

کیا ہماری جناب ہے صاحب
ہے یہ نعمت جناب والوں کی

ہم کہ ان کی مثال دے جائیں
شکل دیکهی ہے ان مثالوں کی

 

[عظیم]

کیا کروں مجه میں آ بسا ہے عشق
جانتا ہوں بری بلا ہے عشق

کیسے بتلاوں اے جہاں والو
آپ سب نے فقط سنا ہے عشق

مجه سے بیمار کا مسیحا ہے
میرے ہر درد کی دوا ہے عشق

اک خلل ہے دماغ کا شاید
روح انسان کی غذا ہے عشق

آپ اپنے میں مبتلا پایا
آپ اپنے کو ہو گیا ہے عشق

کیا کہوں اس کی عظمتیں صاحب
میرے قد سے کہیں بڑا ہے عشق

 

[نیرنگ خیال]

بہت خوب عظیم صاحب۔ شاندار ہے غزل۔ داد قبول کیجیئے۔

 

[عظیم]

بہت خوب عظیم صاحب۔ شاندار ہے غزل۔ داد قبول کیجیئے۔

اللہ بهلا کرے بهائی اسے ٹهیک سے ٹائپ تو کردو پلیز -

 

[نیرنگ خیال]

اللہ بهلا کرے بهائی اسے ٹهیک سے ٹائپ تو کردو پلیز -

میں آپ کے مراسلے کی تدوین تو نہیں کر سکتا۔ نئے مراسلے میں لکھ دیتا ہوں اگر کہیں تو؟

 

[عظیم]

میں آپ کے مراسلے کی تدوین تو نہیں کر سکتا۔ نئے مراسلے میں لکھ دیتا ہوں اگر کہیں تو؟

جی بهائی -

 

[نیرنگ خیال]

عظیم صاحب کے حکم پر


کیا کروں مجھ میں آ بسا ہے عشق
جانتا ہوں بری بلا ہے عشق

کیسے بتلاؤں اے جہاں والو
آپ سب نے فقط سنا ہے عشق

مجھ سے بیمار کا مسیحا ہے
میرے ہر درد کی دوا ہے عشق

اک خلل ہے دماغ کا شاید
روح انسان کی غذا ہے عشق

آپ اپنے میں مبتلا پایا
آپ اپنے کو ہو گیا ہے عشق

کیا کہوں اس کی عظمتیں صاحب
میرے قد سے کہیں بڑا ہے عشق

 

[عظیم]

حکم - جانے دو یار پہلے ہی بہت بهٹکا ہوا ہوں -

 

[عظیم]

بابا -

کیسے بتلاؤں اے جہاں والو
آپ سب نے فقط سنا ہے عشق

مجھ سے بیمار کا مسیحا ہے
میرے ہر درد کی دوا ہے عشق

×××

 

[عظیم]

آ پڑی ہے یہ شب جدائی کی
اب ہمیں نیند بهی نہ آئے گی

اے غم انتظار کی وحشت
اور کتنوں کے بن جلائے گی

دل سے اس دید یار کی حسرت
کیا مری جان لے کے جائے گی

بچ بهی نکلے جو آسمانوں سے
تو یہ دنیا ہمیں ستائے گی

یاد رکهنا یہ دل لگی صاحب
ایک دن خون دل رلائے گی

 

[عظیم]

بابا تهورے دن اور ماتها----

 

[الف عین]

واہ واہ عظیم، یہ تو اچھی نکالی ہے غزل۔۔ویسے ہر شعر میں معمولی سی تبدیلی سے بہتر ہو سکتی ہے


آ پڑی ہے یہ شب جدائی کی
اب ہمیں نیند بهی نہ آئے گی
÷÷’آ پڑی" اچھا نہیں لگ رہا۔ یہ مطلع بھی نہیں ہے جو ردیف قافئے کی مجبوری ہو
آ گئی رات پھر جدائی کی
میں کیا برائی تھی؟

اے غم انتظار کی وحشت
اور کتنوں کے بن جلائے گی
۔۔خوب، یوں ہی ٹھیک ہے

دل سے اس دید یار کی حسرت
کیا مری جان لے کے جائے گی
۔۔اس دید یار کی حسرت یا دید یار کی یہ حسرت؟
شاید یوں بہتر ہو
یار کی دید کی یہی حسرت
کیا مری جاں ہی لے کے۔۔۔۔

بچ بهی نکلے جو آسمانوں سے
تو یہ دنیا ہمیں ستائے گی
۔۔’تو‘ اچھا نہیں لگتا۔ تب ‘یا ’پھر‘ کہو۔

یاد رکهنا یہ دل لگی صاحب
ایک دن خون دل رلائے گی
÷ایک دن دل کو خوں۔۔
زیادہ بہتر ہو

 

[الف عین]

اچھی غزل ہے میاں، کیا پہلے لکھنے میں املا کی اغلاط ہو گئی تھیں؟مطلع میں پہلے کو دوسرا اور دورے مصرع کو پہلا کر دو تو بہتر تاثر بنتا ہے۔

آپ اپنے میں مبتلا پایا
آپ اپنے کو ہو گیا ہے عشق
سمجھ میں نہیں آ سکا
باقی اچھے اشعار ہیں

 

[الف عین]

مجھے لا جواب کر دیا تو میں اب کیا جواب دوں؟

 

[الف عین]

یہ تو تک بندی محض لگ رہی ہے۔کوئی خاص بات نہیں

 

[الف عین]

پہلی غزل خوب،
دوسری غزل۔۔ محاورہ کا خیال نہیں رکھا۔ کچھ شعار بہت خوب
تیسری غزل ، اوسط۔ جناب واکا شعر سمجھ میں نہیں آ سکا

 

[عظیم]

پہلی غزل خوب،
دوسری غزل۔۔ محاورہ کا خیال نہیں رکھا۔ کچھ شعار بہت خوب
تیسری غزل ، اوسط۔ جناب واکا شعر سمجھ میں نہیں آ سکا

جی بابا -

 

[عظیم]

یہ تو تک بندی محض لگ رہی ہے۔کوئی خاص بات نہیں

جی بابا تک بندی ہی تهی -

 

[عظیم]

مجھے لا جواب کر دیا تو میں اب کیا جواب دوں؟

نہیں بابا آپ نے لاجواب کیا -