غزل ۔۔۔آ گیا تھا وہ خوش خصال پسند ۔۔۔ محمد احمدؔ

[ظہیراحمدظہیر]

مرہم لئے پھرتا ہوں میں دنیا کے لئے فاخرؔ
پردے میں مسیحائی کے ہر زخم چھپایاہے

واہ واہ. کیا کہنے اور وہ بھی میرے نام کے ساتھ. یہ ضرور لگاؤں گا.

ابھی ابھی لگا دیا ہے. دستخط ملاحظہ ہوں

ڈاکٹر صاحب ، آپ کے دستخط اچھے لگ رہے ہیں ۔ اور پڑھے بھی جارہے ہیں ۔

 

[نیرنگ خیال]

"تاج محل بنانا چاہتا ہوں مگر ممتاز نہیں ملتی" ۔

تاج محل بنانا چاہتا ہوں مگر ممتاز نہیں "مرتی"

 

[نیرنگ خیال]

اب کوئی کنوارا شعر کہتا ہوں آپ کے لئے ۔

گھر سے باہر نکل کر کہیے گا۔

 

[نیرنگ خیال]

یہ کیسا ہے عبداللہ؟ تازہ تازہ کسٹم میڈ !

میں منتظر ہوں سرِ رہ گزارِ دل کب سے
دیارِ جاں کا کوئی ہمسفر ملے تو چلوں

شاعر کی سستی و کاہلی قابد دید ہے۔ بجائے کوچہ یاراں میں پاپڑ بیلنے کے محو استراحت ہے اور کاروبار دنیا کو بھی محبوب کی آمد تک ترک کر رکھا ہے۔ اللہ اللہ۔

 

[جان]

غزل

آ گیا تھا وہ خوش خصال پسند
تھی ہماری بھی کیا کمال پسند

حیف ! بد صورتی رویّوں کی
ہائے دل تھا مرا جمال پسند

کیوں بنایا تھا ٹِھیکرا دل کو
کیوں کیا ساغرِ سفال پسند

ٹھیک ہے میں نہیں پسند اُنہیں
لیکن اس درجہ پائمال پسند

سچ نہ کہیے کہ سچ ہے صبر طلب
لوگ ہوتے ہیں اشتعال پسند

ہاں مجھے آج بھی پسند ہے وہ
اس کو کہتے ہیں لازوال پسند

حلم ہے اہلِ علم کا شیوہ
جاہ والوں کو ہے جلال پسند

وصل کو ہجر ، ناگہانی موت
ہجر کو موسمِ وصال پسند

فکرِ دنیا نہیں! مجھے احمد ؔ
اپنی مستی اور اپنی کھال پسند

محمد احمدؔ​

واہ، بہت خوبصورت غزل۔

 

[ظہیراحمدظہیر]

آہا! بہت خوب۔
ایک میرے لیے بھی

فہد ، یہ کیسا رہے گا ۔

اسیر ِحرف و معانی ہوں صیدِ زلفِ سخن
گزر رہی ہے جوانی کتاب خانے میں

 

[محمداحمد]

واہ، بہت خوبصورت غزل۔

بہت شکریہ محترم !

حوصلہ افزائی کے لئے ممنون ہوں۔

 

[نیرنگ خیال]

فہد ، یہ کیسا رہے گا ۔

اسیر ِحرف و معانی ہوں صیدِ زلفِ سخن
گزر رہی ہے جوانی کتاب خانے میں

میں نے بہت درگزر کرنا چاہا۔۔۔۔ لیکن ۔۔۔۔۔ اب مجبوری ہوگئی ہے۔۔۔ سفارش کس سے کروائیں۔ ایک ہمیں بھی چاہیے۔۔ تازہ تازہ۔۔۔۔ کوئلوں پر بھنا ہو تو اور بھی اچھا۔۔۔

 

[محمداحمد]

میں نے بہت درگزر کرنا چاہا۔۔۔۔ لیکن ۔۔۔۔۔ اب مجبوری ہوگئی ہے۔۔۔ سفارش کس سے کروائیں۔ ایک ہمیں بھی چاہیے۔۔ تازہ تازہ۔۔۔۔ کوئلوں پر بھنا ہو تو اور بھی اچھا۔۔۔

حالانکہ سب سے پہلا حق تو ہمارا بنتا ہے کہ ہماری تُک بندی سے ہی لوگوں کو شاعری کا خیال آیا ہے۔

 

[نیرنگ خیال]

حالانکہ سب سے پہلا حق تو ہمارا بنتا ہے کہ ہماری تُک بندی سے ہی لوگوں کو شاعری کا خیال آیا ہے۔

چلیں پھر ایک آپ بھی لکھ دیں ہمارے لیے۔ گاندھی جی والے موضوع پر ہی لکھ دیں بھلے۔

 

[عبید انصاری]

میں نے بہت درگزر کرنا چاہا۔۔۔۔ لیکن ۔۔۔۔۔ اب مجبوری ہوگئی ہے۔۔۔ سفارش کس سے کروائیں۔ ایک ہمیں بھی چاہیے۔۔ تازہ تازہ۔۔۔۔ کوئلوں پر بھنا ہو تو اور بھی اچھا۔۔۔

حالانکہ سب سے پہلا حق تو ہمارا بنتا ہے کہ ہماری تُک بندی سے ہی لوگوں کو شاعری کا خیال آیا ہے۔

یار سب کو شعر ملے گا۔ قطار بناؤ اور پلیز شور مت کرو۔

 

[نیرنگ خیال]

یار سب کو شعر ملے گا۔ قطار بناؤ اور پلیز شور مت کرو۔

قسم لے لیں جو آواز بھی نکلی ہو۔ بہت آہستہ سے ٹائپ کیا تھا۔

 

[فہد اشرف]

فہد ، یہ کیسا رہے گا ۔

اسیر ِحرف و معانی ہوں صیدِ زلفِ سخن
گزر رہی ہے جوانی کتاب خانے میں

بہت شکریہ ظہیر بھائی۔ کیا ہی پیارا شعر ہے، بہت پسند آیا

ضرور ضرور فہد ، کیوں نہیں ۔
بس سائز اور رنگ بتادیں ۔

سرگوشی

لمبی بحر میں ہو ، درمیانہ یا پھر چھوٹی بحر میں چاہئے ؟ اور کس رنگ کا ہو ۔ صوفیانہ، سوقیانہ ، عاشقانہ، فاجرانہ ، فلسفیانہ وغیرہ وغیرہ

سرگوشی

سوقیانہ و فاجرانہ شعر پڑھے بہت دن ہو گئے اگر آپ عنایت کریں تو میں ہمہ تن چشم ہوں

 

[ظہیراحمدظہیر]

میں نے بہت درگزر کرنا چاہا۔۔۔۔ لیکن ۔۔۔۔۔ اب مجبوری ہوگئی ہے۔۔۔ سفارش کس سے کروائیں۔ ایک ہمیں بھی چاہیے۔۔ تازہ تازہ۔۔۔۔ کوئلوں پر بھنا ہو تو اور بھی اچھا۔۔۔

اجی یہ لیجئے! تازہ تازہ گرماگرم! ایک طرف سے ذرا سا جل گیا لیکن ذائقے میں اچھا ہے ۔

اسیر ِ تکّہء و بوٹی ہوں صیدِ بیف و مٹن
گزر رہی ہے جوانی کباب کھانے میں

 

[ظہیراحمدظہیر]

بہت شکریہ ظہیر بھائی۔ کیا ہی پیارا شعر ہے، بہت پسند آیا

سرگوشی

سوقیانہ و فاجرانہ شعر پڑھے بہت دن ہو گئے اگر آپ عنایت کریں تو میں ہمہ تن چشم ہوں

فہد ، ایسی فرمائشیں نہ کرو۔ آپ خود بھی پٹو گے اور مجھے بھی پٹواؤ گے ۔

سرگوشی

معطل کردیتے ہیں یہ لوگ جھٹ دینی سے !

 

[محمد عدنان اکبری نقیبی]

ظہیراحمدظہیر بھائی کیا ہمیں بھی آپ کے سخن کے کھیت سے خوشہ گندم میسر آئے گیا یا پھر ہم بھی !!!!!!!!!!

 

[اے خان]

ظہیراحمدظہیر بھائی کیا ہمیں بھی آپ کے سخن کے کھیت سے خوشہ گندم میسر آئے گیا یا پھر ہم بھی !!!!!!!!!!

؟

 

[محمداحمد]

ظہیراحمدظہیر بھائی کیا ہمیں بھی آپ کے سخن کے کھیت سے خوشہ گندم میسر آئے گیا یا پھر ہم بھی !!!!!!!!!!

فی الحال اطہر شاہ جیدی کا ایک مصرع یاد آ رہا ہے، اسے ہی دستخط پر لگا لیں۔

ع۔ ہائے وہ گندم کہ جس کی ابتداء ہے گند سے

 

[نیرنگ خیال]

اجی یہ لیجئے! تازہ تازہ گرماگرم! ایک طرف سے ذرا سا جل گیا لیکن ذائقے میں اچھا ہے ۔

اسیر ِ تکّہء و بوٹی ہوں صیدِ بیف و مٹن
گزر رہی ہے جوانی کباب کھانے میں

سبحان اللہ۔۔۔ گرچہ شعر بڑی عید کا ہے جو کہ ہمیں تازہ کہہ کر کھلایا جا رہا ہے۔ مگر بہت اچھا لگا۔ دیکھیں ہمارے بوٹی کھاتے دستخط میں۔۔۔

 

[فاخر رضا]

سبحان اللہ۔۔۔ گرچہ شعر بڑی عید کا ہے جو کہ ہمیں تازہ کہہ کر کھلایا جا رہا ہے۔ مگر بہت اچھا لگا۔ دیکھیں ہمارے بوٹی کھاتے دستخط میں۔۔۔

بہت اچھا ہے آپ کا دستخط