غزل

[محمد وارث]

یہاں پر برائے مہربانی وہ اشعار تحریر فرمائیں جن میں لفظ 'غزل' آتا ہے۔

ابتدا غالب کے ایک شعر سے:

بہ قدرِ شوق نہیں، ظرفِ تنگناے غزل
کچھ اور چاہیے وسعت، مرے بیاں کے لیے​

 

[فاتح]

مرے سامنے اک مجسّم غزل ہے
غزل دیکھ کر مَیں غزل کہہ رہا ہوں​

(نا معلوم)

 

[محمد وارث]

مری میناے غزل میں تھی ذرا سی باقی
شیخ کہتا ہے کہ ہے یہ بھی حرام اے ساقی

(اقبال)

 

[الف عین]

غزل اس نے چھیڑی مجھے ساز دینا
ذرا عمرِ رفتہ کو آواز دینا

غالباً جگر؟؟؟

 

[محمد وارث]

روشن کہیں بہار کے امکاں ہوئے تو ہیں
گلشن میں چاک چند گریباں ہوئے تو ہیں
اب بھی خزاں کا راج ہے لیکن کہیں کہیں
گوشے رہِ چمن میں غزل خواں ہوئے تو ہیں

(فیض)

 

[محمد وارث]

بے درد سننی ہو تو چل، کہتا ہے کیا اچھی غزل
عاشق ترا، رسوا ترا، شاعر ترا، انشا ترا

(ابنِ انشا)

 

[محمد وارث]

اب ترا ذکر بھی شايد ہی غزل ميں آئے
اور سے اور ہوئے درد کے عنواں جاناں

(فراز)

 

[محمد وارث]

کارِ مغاں، یہ قند کا شربت بیچنے والے کیا جانیں
تلخی و مستی بھی ہے غزل میں، خالی رس کی بات نہیں

(حفیظ جالندھری)

 

[محمد وارث]

یوں مدعی حسد سے نہ دے داد، تو نہ دے
آتش غزل یہ تو نے کہی عاشقانہ کیا

 

[محمد وارث]

ہم نغمہ سرا کچھ غزلوں کے، ہم صورت گر کچھ خوابوں کے
بے جذبۂ شوق سنائیں کیا، کوئی خواب نہ ہو تو بتائیں کیا

(اطہر نفیس)

 

[محمد وارث]

نہ رو سکوں، نہ غزل کہہ سکوں، نہ مر ہی سکوں
یہ کیسا زہر دیا میرے چارہ گر نے مجھے

(اسلم کولسری)

 

[شمشاد]

لہو دل کا جلاؤ تم محبت سانس لیتی ہے
غزل تازہ سناؤ تم ۔ ۔ محبت سانس لیتی ہے

 

[نوید صادق]

غزل کہی نہیں جاتی، غزل بناتے ہیں
سخن وری نہ ہوئی گویا کارخانہ ہوا

شاعر: نوید صادق

 

[محمد وارث]

اب کیا جو فغاں میری پہنچی ہے ستاروں تک
تو نے ہی سکھائی تھی مجھ کو یہ غزل خوانی

(اقبال)

 

[شمشاد]

اے مہِ نیم شب دیکھ میری غزل
دل پہ تیری سیادت سی ہونے لگی
(ناہید ورک)

 

[محمد وارث]

کروں نہ یاد مگر کس طرح بُھلاؤں اُسے
غزل بہانہ کروں اور گُنگُناؤں اُسے

(احمد فراز)

 

[شمشاد]

ممکن ہو تو اک تازہ غزل اور میں کہِ لوں
پھر اُوڑھ نہ لیں خواب کی چادر تیری آنکھیں
(محسن نقوی)

 

[محمد وارث]

غم چھیڑتا ہے سازِ رگِ جاں کبھی کبھی
ہوتی ہے کائنات غزل خواں کبھی کبھی

ہم بیکسوں کی بزم میں آئے گا اور کون
آ بیٹھتی ہے گردشِ دوراں کبھی کبھی

(قابل اجمیری)

 

[شمشاد]

اب شہر میں اس کا بدل ہی نہیں، کوئی ویسا جانِ غزل ہی نہیں
ایوانِ غزل میں لفظوں کے گُلدان سجاؤں کس کے لیے
(ناصر کاظمی)

 

[محمد وارث]

سر خوشی میں یونہی دل شاد و غزل خواں گزرے
کوئے قاتل سے، کبھی کوچۂ دلدار سے ہم

(فیض)