فقط

[عیشل]

اک تعلق کی استواری ہے
زیست تم بن فقط گزاری ہے
یہ تماشہ بھی دیکھتے جاؤ
اپنی باری کا کھیل جاری ہے

 

[عمر سیف]

بہت خوب۔

 

[شمشاد]

دعائے بد نہیں دیتا فقط اتنا ہی کہتا ہوں
کہ جس پے دل آئے تیرا وہ تجھ سا بے وفا نکلے

 

[عمر سیف]

فرصت کار فقط چار گھڑی ہے یارو
یہ نہ سوچو کہ ابھی عمر پڑی ہے یارو

 

[شمشاد]

ہر تماشائی فقط ساحل سے منظر دیکھتا
کون دریا کو اُلٹاتا کون گوہر دیکھتا
(احمد فراز)

 

[عمر سیف]

چاچو سے معذرت کے ساتھ ایک دوسرے دھاگے سے آپ کا لکھا شعر چُرا رہا ہوں۔

فقط اس لفافے پر ہے کہ خط آشنا کو پہنچے
تو لکھا ہے اس نے انشا یہ ترا ہی نام اُلٹا

 

[پاکستانی]

پابندی تقدیر کہ پابندی احکام!

یہ مسئلہ مشکل نہیں اے مرد خرد مند

اک آن میں سو بار بدل جاتی ہے تقدیر

ہے اس کا مقلد ابھی ناخوش ، ابھی خورسند

تقدیر کے پابند نباتات و جمادات

مومن فقط احکام الہی کا ہے پابند

 

[عمر سیف]

اُس کے پردوں پر منقش تیری آواز بھی ہے
خانہِ دل میں فقط تیرا اسرار پا ہی نہیں

 

[عمر سیف]

اُس کے پردوں پر منقش تیری آواز بھی ہے
خانہِ دل میں فقط تیرا اسرار پا ہی نہیں

 

[شمشاد]

محبت میں فقط صحرا ہیں جاناں
محبت میں شجر کوئی نہیں‌ ہے
(فرحت عباس شاہ)

 

[تیشہ]

سوچتا ہوں کہ اُسے نیند بھی آتی ہوگی
یا مری طرح فقط اَشک بہاتی ہوگی ،

 

[عمر سیف]

زندگی اک آئینہ ہے جس کا پسِ منظر ہے رنگ
تو فقط منظر کو دیکھ، پسِ منظر نہ دیکھ

 

[شمشاد]

کہاں ہے ہم زباں اللہ جانے
فقط میری زباں ہے اور میں ہوں
(جوش)

 

[عمر سیف]

دیر سے ڈھونڈ رہا ہوں فقط اک شب کی پناہ
صاف انکارہر اک در پہ لکھا لگتا ہے

 

[شمشاد]

فقط اک بار وہ صورت دکھا دے
پھر اُس کے بعد یہ دنیا جلا دے
(احمد فواد)

 

[عمر سیف]

گرمئیِ محفل فقط اک نعرہِ مستانہ ہے
اور وہ خوش ہیں کہ اس محفل سے دیوانے گئے

 

[شمشاد]

یہ آرزو بھی بڑی چیز ہے مگر ہمدم
وصالِ یار فقط آرزو کی بات نہیں
(فیض احمد فیض)

 

[عیشل]

فرصت کار فقط چار گھڑی ہے یارو
یہ نہ سوچو کہ ابھی عمر پڑی ہے یارو

 

[شمشاد]

کیوں ہو سرور مجھے اندیشہ و خوفِ ترمیم
میرا دعویٰ ہے فقط فیصلۂ عقلِ سلیم
(سرور عالم راز سرور)

 

[عمر سیف]

تجھ کو نہیں معلوم کہ میں جان چکا ہوں
تُو ساتھ فقط ساتھ نبھانے کے لیے ہے