فی البدیہہ شاعری (موضوعاتی / غیر موضوعاتی)

[محمد خلیل الرحمٰن]

رگ ظرافت کی خود ہی پھڑکی ہے
اس پر اپنا تو اختیار نہیں

 

[فیصل عظیم فیصل]

رگ ظرافت کی خود ہی پھڑکی ہے
اس پر اپنا تو اختیار نہیں

گر ظرافت کا زور ہے تو خلیل
کچھ لطیفہ ہی اب سنا دیجئے

 

[فیصل عظیم فیصل]

جاسمیں آکے لوٹ جانا تھا
بات کچھ تم بھی کردیاکرتی
سارے اشعار کو پسند کیا
شکریہ تم بھی لے لیا کرتی

 

[ابن سعید]

خوشبو کے مثل سانسوں کے مہمان بن گئے
گویا سکون قلب کا سامان بن گئے

 

[الف عین]

مطلع میاں سعود نے اچھا کہا مگر
ایطا کا سقم دیکھ کے حیران رہ گیا

 

[ابن سعید]

مطلع میاں سعود نے اچھا کہا مگر
ایطا کا سقم دیکھ کے حیران رہ گیا

تا آنکہ قوافی کا ہو اعلان نہ شامل
ایطا کا سقم حتمی کہا جائے گا کیونکر؟

نوٹ: چاچو کا اشارہ بر وقت ہے اور قوافی میں وسعت درکار ہو تو مطلع یقیناً تبدیل کرنا ہوگا۔

 

[ظہیراحمدظہیر]

تا آنکہ قوافی کا ہو اعلان نہ شامل
ایطا کا سقم حتمی کہا جائے گا کیونکر؟

مطلع میں حضور آپ کے ایطا ہے نمایاں
ہوسکتا نہیں ’’مہ‘‘ تو کبھی قافیہ ’’سا‘‘ کا

اور شعر وضاحت میں جوابی جو کہا ہے
اس میں بھی تلفظ کا ذرا سقم در آیا

 

[جاسمن]

جاسمیں آکے لوٹ جانا تھا
بات کچھ تم بھی کردیاکرتی
سارے اشعار کو پسند کیا
شکریہ تم بھی لے لیا کرتی

بات میں وزن ہونا چاہیے
شعر ایسے نہیں کہے جاتے

 

[فیصل عظیم فیصل]

وزن جذبات میں ضروری ہے
بات تو خود بخود ہی بنتی ہے

 

[ابن رضا]

چلو ہم بات کرتے ہیں
کہ شاید بات بن جائے
ابنِ رضا

 

[جاسمن]

محض باتیں ہی کرنے سے
ہمارا دل بہلتا ہے
سفر پُورا نہیں ہوتا
ذرا چلنا بھی پڑتا ہے

 

[الف عین]

جاسمن کو فی البدیہہ اشعار کہنا ہو مبارک
اچھے شعروں کی جھلک اس دھاگے میں موجود ہے

 

[جاسمن]

فی البدیہہ تو اِک طرف،یہاں آورد تک دُشوار تھی
یہ اردو محفل کی برکت ہے کہ شعر کہنا سکھا دیا

 

[فیصل عظیم فیصل]

چلو ہم بات کرتے ہیں
کہ شاید بات بن جائے
ابنِ رضا

بہت اچھے رضا زادے
یہاں باتیں بنانے کی

 

[فیصل عظیم فیصل]

محض باتیں ہی کرنے سے
ہمارا دل بہلتا ہے
سفر پُورا نہیں ہوتا
ذرا چلنا بھی پڑتا ہے

بنانا بات مشکل ہے
سفر کرنا نہیں آساں
مگر اچھا لگا چلنا
ارادے خوب اچھے ہیں

 

[فیصل عظیم فیصل]

جاسمن کو فی البدیہہ اشعار کہنا ہو مبارک
اچھے شعروں کی جھلک اس دھاگے میں موجود ہے

آپ کے آنے کی برکت
ہم بھی یاں تک آگئے

 

[فیصل عظیم فیصل]

فی البدیہہ تو اِک طرف،یہاں آورد تک دُشوار تھی
یہ اردو محفل کی برکت ہے کہ شعر کہنا سکھا دیا

یاں پہ ساری برکتیں بس چاہتوں کے ساتھ ہیں
شکریہ ہم نام گل بو ہم ملے استاذ سے ۔ ۔ ۔ ۔ ۔ ۔!

 

[الف عین]

اس بزم میں ہمیشہ یوں رونق لگی رہے
آتے ہو ادھر بھی مری جاں کبھی کبھی

 

[فیصل عظیم فیصل]

اس بزم میں ہمیشہ یوں رونق لگی رہے
آتے ہو ادھر بھی مری جاں کبھی کبھی

آپ کے صدقے ہے گفتن
محفلیں بھی آپ کی
آپ پر لکھیں قصیدے
رونقیں بھی آپ کی

 

[الف عین]

حسن ظن ہےتمہارا۔ اور اس میں
حسن زن بھی ہو تو، خدا حافظ