قیمتی زندگی کے معمولات کے لیے عام سی باتیں

[محمد عدنان اکبری نقیبی]

باقی مخلوقات صرف آپ کے جسم کو گھائل کرسکتی ہیں مگر روح کو زخمی کرنے کا ہنر صرف انسان کے پاس ہے۔

 

[محمد عدنان اکبری نقیبی]

ضد کی جنگ میں اکثر دوریاں جیت جاتی ہیں لیکن "محبت " واحد ایسی جنگ ہے جو ہتھیار ڈال کر جیتی جاتی ہے۔

 

[سید عمران]

کپڑے جسم کو ڈھانپ لیتے ہیں ، مگر گفتگو ایک پل میں انسان کو عریاں کر دیتی ہے ۔

کب، کہاں؟؟؟

 

[محمد عدنان اکبری نقیبی]

جہاں چار لوگوں میں بیٹھ کر ہم مزے لے لے کر کسی غیر موجود شخص کی برایاں کرتے ہیں یقین جانیں وہاں سے اٹھتے ہی ہماری بھی برایاں شروع ہوجاتی ہیں۔

 

[محمد عدنان اکبری نقیبی]

لوگ اچھا پڑھنے اور لکھنے والے کو قابل سمجھتے ہیں لیکن حقیقت میں اچھا سوچنے والا اور بولنے والا قابل انسان کہلاتا ہے ۔

 

[محمد عدنان اکبری نقیبی]

بعض اوقات کسی کا رویہ ہمیں ایسی ضرب لگاتا ہے کہ ہم اپنی ذات میں ہی تقسیم ہو کے رہ جاتے ہیں ۔

 

[محمد عدنان اکبری نقیبی]

اعتماد کے نام پر کسی کو دھوکہ دے کر روح کی دھجیاں اڑانے والا شخص بیشک کسی جانور سے کم نہیں ۔

 

[محمد عدنان اکبری نقیبی]

جس دن ہم نے خود کو لوگوں کی جگہ اور لوگوں کو اپنی جگہ رکھ کر سوچنا شروع کر دیا تو اس دن یہ احساس ہو جائے گا کہ ہمارے رویے اور لہجے کتنے تکلیف دہ ہیں ۔

 

[محمد عدنان اکبری نقیبی]

مسئلہ دکھوں کا نہیں ہے بلکہ انفرادی سوچ کا ہے ، سوچ اچھی چیز کو بھی دکھ بنا کر پیش کرتی ہے یا بُری چیز کو بھی اچھا دکھلاتی ہے۔

 

[محمد عدنان اکبری نقیبی]

ایک کا احساس برتری دوسرے کے احساس کمتری سے غذا پاتا ہے ، اپنے احساس برتری کو توانا مت کیجیے یہ احساس کمتری کی سب سے کمتر شکل ہے۔

 

[محمد عدنان اکبری نقیبی]

‏آپ خود اپنے بارے میں کہنے کے لئے الفاظ کا انتخاب خوب سمجھ بوجھ کے ساتھ کیجیے کہ یہی الفاظ آپ کی شخصیت کی تعمیر کرتے ہیں ۔

 

[محمد عدنان اکبری نقیبی]

چھوٹی چھوٹی چیزیں سکون بھی بہت دیتی ہیں اور تکلیف بھی ، آدمی چٹان پر بیٹھ سکتا ہے خواہ کتنی ناہموار ہو لیکن سوئی پر نہیں خواہ کتنی چھوٹی باریک کیوں نا ہو ، چنانچہ چھوٹی چھوٹی سہولیات اور خوشیاں سمیٹ لینا چاہیئے اور چھوٹی چھوٹی چبھن کسی کو نہیں دینا چاہیے ۔

 

[محمد خلیل الرحمٰن]

سوئی پر نہیں خواہ کتنی ملائم ہو ،

سوئی جو فولاد کی بنی ہوتی ہے کیونکر ملائم ہوسکتی ہے؟

 

[محمد عدنان اکبری نقیبی]

سوئی جو فولاد کی بنی ہوتی ہے کیونکر ملائم ہوسکتی ہے؟

بات تو آپ کی درست ہے ۔

 

[محمد خلیل الرحمٰن]

بات تو آپ کی درست ہے ۔

کیا مثال میں سوئی کے بجائے پانی کا تذکرہ کیا جاسکتا ہے؟

 

[محمد عدنان اکبری نقیبی]

کیا مثال میں سوئی کے بجائے پانی کا تذکرہ کیا جاسکتا ہے؟

سر اب ملاحظہ فرمائیں ۔

چھوٹی چھوٹی چیزیں سکون بھی بہت دیتی ہیں اور تکلیف بھی ، آدمی چٹان پر بیٹھ سکتا ہے خواہ کتنی ناہموار ہو لیکن سوئی پر نہیں خواہ کتنی چھوٹی باریک کیوں نا ہو ، چنانچہ چھوٹی چھوٹی سہولیات اور خوشیاں سمیٹ لینا چاہیئے اور چھوٹی چھوٹی چبھن کسی کو نہیں دینا چاہیے ۔

 

[محمد خلیل الرحمٰن]

سر اب ملاحظہ فرمائیں ۔

بات لگتا ہے اور بگڑ گئی۔

یہاں آپ نے کہا کہ چھوٹی باریک چیز پر بیٹھنا آسان ہے لیکن سوئی چھوٹی اور باریک ہونے کے باوجود اس پر بیٹھنا ممکن نہیں؟

 

[محمد عدنان اکبری نقیبی]

بات لگتا ہے اور بگڑ گئی۔

یہاں آپ نے کہا کہ چھوٹی باریک چیز پر بیٹھنا آسان ہے لیکن سوئی چھوٹی اور باریک ہونے کے باوجود اس پر بیٹھنا ممکن نہیں؟

 

[محمد عدنان اکبری نقیبی]

نفرتوں کے ہجوم میں ہم یہ بات بھی بھول گئے کہ کسی سے مسکرا کر بات کرنا بھی صدقہ ہے ۔

 

[محمد خلیل الرحمٰن]

نفرتوں کے ہجوم میں ہم یہ بات بھی بھول گئے کہ کسی سے مسکرا کر بات کرنا بھی صدقہ ہے ۔

محفلین کو اردو محفل کی بارہویں سالگرہ مبارک ہو