قیمتی زندگی کے معمولات کے لیے عام سی باتیں

[محمد عدنان اکبری نقیبی]

کسی مضطرب کی داد فریاد سننا اور مصیبت زدہ کو مصیبت سے چھٹکارا دلا نا بڑے بڑے گناہوں کا کفارہ ہے ۔

 

[سید عمران]

کسی مضطرب کی داد فریاد سننا اور مصیبت زدہ کو مصیبت سے چھٹکارا دلا نا بڑے بڑے گناہوں کا کفارہ ہے ۔

کیا ہماری فریادِ چائے پر بھی اس کا اطلاق ہوتا ہے؟؟؟

 

[محمد عدنان اکبری نقیبی]

جب انسان میں عاجزی پیدا ہوتی ہے نہ وہ ایک چیونٹی کو بھی بےجا نقصان پہچانے سے ڈرتا ہے انسان تو بہت دور کی بات ہے اس کو بھلائی کرنے کی اتنی عادت ہو جاتی ہے کہ وہ اپنے ساتھ برا کرنے والوں کے ساتھ بھی برا نہیں کرتا اور ایسے انسان کا اللہ بھی برا نہیں ہونے دیتا۔

 

[محمد عدنان اکبری نقیبی]

برے لوگوں کو بھول کر اچھے لوگوں کی تلاش سے کہیں بہتر ہے کہ ہم لوگوں کی بری باتیں بھول جائیں اور ان کی شخصیت کے اچھے پہلو تلاش کریں ۔

 

[محمد عدنان اکبری نقیبی]

وہ بلندی بھی کس کام کی کہ انسان چڑھے اور انسانیت سے گر جائے ۔

 

[محمد عدنان اکبری نقیبی]

عادتیں شروع میں کچے دھاگے کی طرح ہوتی ہیں مگر بعد میں یہ لوہے کی تاروں کی مانند ہو جاتی ہیں جن میں انسان جکڑ کر رہ جاتا ہے ۔

 

[محمد عدنان اکبری نقیبی]

ہمارے چاہنے نا چاہنے سے کیا ہوتا ہے وہی ہوتا ہے جو منظور خدا ہوتا ہے لیکن دعائیں سنی جاتی ہیں امیدیں بر آتی ہیں اور معجزے بھی ہوتے ہیں ۔

 

[محمد عدنان اکبری نقیبی]

صحبت کی مثال اُگتے پودے کی سی ہے، جو مُوافق و سازگار ماحول میں ایک تناور درخت کا رُوپ اختیار کرتا ہے جبکہ نامُوافق و ناسازگار ماحول میں مُرجھا جاتا ہے۔

 

[محمد عدنان اکبری نقیبی]

انسان مرتا مر جائے لیکن کبھی ان سہاروں پر بھروسہ مت کرے جو کئی بار اس کی بنیادں کو ہلا چکے ہوں ۔

 

[محمد عدنان اکبری نقیبی]

نیکی کا بیج بونا آپ کا کام ہے ، اس کی آبیاری رب کے ہاتھ ہے ۔

 

[میم الف]

جس طرح لیموں کی ایک بوند، ہزاروں لیٹر دودھ کو برباد کر دیتی ہے

اس میں کچھ مبالغہ نہیں؟

 

[محمد عدنان اکبری نقیبی]

انسان کو کسی گمان میں نہیں رہنا چاہیے کیونکہ اکثر لوگ وہاں سے راستہ بدلتے ہیں جہاں آپ نے ان کے بغیر چلنے کا تصور بھی نہیں کیا ہوتا...!!!

 

[محمد عدنان اکبری نقیبی]

یاد رکھیں !!!!
آپ کا کردار آپ کی پہچان ہے ورنہ ایک نام کے لاکھوں انسان ہیں ۔

 

[محمد عدنان اکبری نقیبی]

برے موڈ یا غصے کی حالت میں کبھی بھی برے الفاظ استعمال نہیں کرنے چاہئیں کیونکہ تھوڑی دیر میں آپ کا موڈ تو ٹھیک ہو جائے گا لیکن کسی کو آپ کے لفظوں سے لگے زخم شاید تمام عمر نہ بھر سکیں خوش رہیں خوشیاں بانٹے ۔

 

[محمد عدنان اکبری نقیبی]

انسان جب گناہ کا ارادہ کرتا ہے، تو دائیں بائیں آگے پیچھے ہر طرف دیکھ لیتا ہے بس اوپر نہیں دیکھتا۔۔۔!!!

 

[محمد عدنان اکبری نقیبی]

اپنے دل اور دماغ کو اس طرح تربیت دیں کہ وہ ہر چیز میں اچھا تلاش کرنے کی کوشش کرے۔

 

[محمد عدنان اکبری نقیبی]

جس نے طمع کو اپنا شعار بنایا ,اس نے اپنے کو سبک کیا اور جس نے اپنی پریشان حالی کا اظہار کیا وہ ذلت پر آمادہ ہوگیا اور جس نے اپنی زبان کو قابو میں نہ رکھا , اس نے خود اپنی بے وقعتی کا سامان کر لیا ۔

 

[محمد عدنان اکبری نقیبی]

اتنی جلدی دنیا کی کوئی چیز نہیں بدلتی جتنی جلدی انسان کی نیت اور نظریں بدل جاتی ہیں ۔

 

[محمد عدنان اکبری نقیبی]

ماننے اور جاننے میں بہت فرق ہے کسی سچائی کو مان لینے کا ہرگز یہ مطلب نہیں کہ ہم نے اس سچائی کو جان بھی لیا ہے ۔

 

[محمد عدنان اکبری نقیبی]

کپڑے جسم کو ڈھانپ لیتے ہیں ، مگر گفتگو ایک پل میں انسان کو عریاں کر دیتی ہے ۔