متفرق ترکی ابیات و اشعار

[حسان خان]

صفویوں اور قِزِلباشوں نے اقتدار میں آ کر تبرّا، یعنی شیعوں میں حضرتِ علی کے دشمن سمجھے جانے والے اشخاص، جو سُنّیوں کے نزدیک انتہائی مُحترم ہیں، پر بر سرِ عام لعن کا سلسلہ شروع کر دیا تھا، جس نے اُن کو عُثمانیوں کا بدترین دشمن بنا دیا تھا، اور عثمانیوں و صفویوں کے مابین خُصومت کا ایک بنیادی مُحرِّک یہ سبِّ اصحاب کی رسم ہی تھی۔
شاہ عبّاسِ اوّل صفوی کی مدح میں کہے گہے قصیدے کی ایک بیت میں 'محمد بیگ امانی' کہتے ہیں:
هر مجمع آرا بانگِ تولّا و تبرّا
بر رغِم عدو بی‌حد و بی‌مر اۏلاجاق‌دور
(محمد بیگ امانی)
دشمن کی خواہش کے برخلاف (یعنی خواہ دشمن چاہے یا نہ چاہے)، ہر مجمع کے اندر تولّا و تبرّا کا نعرہ بے حد و بے حساب ہو گا۔
× 'دشمن' سے مراد عُثمانیان ہیں۔

Her mecma‘ ara bāng-i tevellā vü teberrā
Ber-raġm-ı ‘adū bī-ḥad ü bī-mer olacaḳdur

 

[حسان خان]

شاہ عبّاسِ اوّل صفوی کی مدح میں کہے گہے قصیدے کا مقطع:
دین دشمنی‌غه تاج‌لې غازی‌لر امانی
هر معرکه‌ده بۏلسا مُظفّر اۏلاجاق‌دور
(محمد بیگ امانی)
اے امانی! غازیانِ تاج دار جس بھی معرکے میں ہوں، دُشمنِ دین پر مُظفّر و فتح یاب ہوں گے۔
× غازیانِ تاج دار سے قِزِلباشان مُراد ہیں کیونکہ وہ سر پر تاج نما سُرخ کُلاہ پہنتے تھے، جو اُن کا امتیازی نشان تھا، اور اِسی باعث اُن کو 'قِزِلباش' یعنی 'سُرخ سر' کہا جاتا تھا۔

Dīn düşmeniġa tāclı ġāzīler Emānī
Her ma‘rekede bolsa muẓaffer olacaḳdur

 

[حسان خان]

سورۂ فاتحہ کی آیت 'اهدنا الصراط المستقیم' کا منظوم تُرکی ترجمہ:
(مصرع)
بیزه دۏغرو یۏل ایندی گؤسترگیلن
(محمد صادق نائبی)
[اے خدا!] حالا ہمیں درست و راست راہ دِکھاؤ۔
× حالا = اب، اِس وقت

Bizə doğru yol indi göstərgilən

× شاعر کا تعلق ایرانی آذربائجان سے ہے۔

 

[حسان خان]

اُستاد حبیب اژدری شاهد کو مُخاطَب کر کے کہی گئی ایک نظمِ مُلمّع میں سے ایک بیت:
چه پُرسوز و شرر باشد، یانېق سؤزلر کی یازمېش‌سان
عجب نآید ز سوزِ تو، دۆشه مجنون بیابانه
(محمد صادق نائبی)
تم نے جو سُخن ہائے سوختہ لکھے ہیں وہ کس قدر پُرسوز و شرر ہیں۔۔۔ تمہارے سوز کے باعث [اگر] مجنوں بیابان میں گِر جائے (یعنی بیابان کا رُخ کر لے) تو تعجّب خیز نہیں ہے۔

 

[حسان خان]

اُستاد حبیب اژدری شاهد کو مُخاطَب کر کے کہی گئی ایک نظمِ مُلمّع میں سے ایک بیت:
سنین‌له من اۏلان چاغ‌دا، نیازی من نمی‌بینم
نه بر کاخِ سلاطین و نه ده مُلکِ سُلیمانه
(محمد صادق نائبی)
جس وقت مَیں تمہارے ہمراہ ہوؤں، میں قصرِ سلاطین اور مملکتِ سُلیمان کی کوئی حاجت نہیں دیکھتا۔

 

[حسان خان]

مؤمنِ کامل قضایِ حقّا ایتمز اعتراض
اهلِ تسلیم و رضا اۏل کیم مسلمان‌لېق بودور
(بورسالې محمد شُهُودی)
مؤمنِ کامل، حق تعالیٰ کی تقدیر پر اعتراض نہیں کرتا۔۔۔ اہلِ تسلیم و رِضا بنو کہ مُسلمانی یہ ہے۔

Mü'min-i kâmil kazâ-yı Hakk'a itmez i'tirâz
Ehl-i teslîm ü rızâ ol kim Müsülmânlık budur

 

[حسان خان]

آی چېخاندا چۆن مسافر منزلیندن کؤچ ائدر
عارضین گؤسترگیلن، چېخسېن بیزیم ده جانېمېز
(راجی تبریزی)
چونکہ جس وقت ماہ طلوع ہوتا ہے، مسافر اپنی منزل سے کُوچ کرتا ہے۔۔۔ [لہٰذا] اپنا رُخسار دِکھاؤ، [تاکہ] ہماری بھی جان نِکل جائے۔

Ay çıxanda çün müsafir mənzilindən köç edər,
Arizin göstərgilən, çıxsın bizim də canımız.

 

[حسان خان]

(مصرع)
حۆسئینه آغلاماغېن اجری بی‌نهایت‌دیر
(حاجی داوود صادقی تبریزی)
حُسین پر گریہ کرنے کا اجر بے نہایت ہے۔

Hüseynə ağlamağın əcri binəhayətdir

 

[حسان خان]

کویې‌نې گؤرمک‌له دل‌ده ساکن اۏلماز نارِ شوق
قانع اۏلماز جنّتِ فردوسه دیدار ایسته‌ین
(احمد پاشا)
اُس کے کُوچے کے دیدار سے دل میں آتشِ شوق نہیں بُجھتی۔۔۔ جو شخص دیدار کا طالب ہو وہ جنّتِ فردوس پر قانع نہیں ہوتا۔

Kûyını görmekle dilde sâkin olmaz nâr-ı şevk
Kâni’ olmaz cennet-i firdevse dîdâr isteyen

 

[حسان خان]

شاہ عبّاسِ اوّل صفوی کی مدح میں کہے گہے قصیدے کی ایک بیت:
بو فتح که حق لُطفې بیله بۏلدې مُیسّر
اِنس ایله مَلَک شاها ثناگر اۏلاجاق‌دور
(محمد بیگ امانی)
حق تعالیٰ کے لُطف سے جو یہ فتح مُیسّر ہوئی ہے، [اِس پر] اِنس و مَلَک شاہ کے ثناگر ہوں گے۔

Bu fetḥ ki Ḥaḳ lutfı bile boldı müyesser
İns ile melek şāha s̱enā-ger olacaḳdur

 

[حسان خان]

لطافت گُلشنی‌ده گُل کیبی سېن سبز و خُرّم قال
مېن ارچه دهر باغی‌دین خزان یپراغی‌دېک باردیم
(ظهیرالدین محمد بابر)
[اے محبوب!] اگرچہ میں باغِ دہر سے برگِ خزاں کی طرح چلا گیا ہوں [لیکن] تم گُلشنِ لطافت میں گُل کی مانند سبز و خُرّم رہو!

Latofat gulshanida gul kibi sen sabzu xurram qol,
Men archi dahr bog'idin xazon yaprog'idek bordim.

× مندرجۂ بالا بیت چغتائی تُرکی میں ہے۔

 

[حسان خان]

(رباعی)
جانا، بیتیگینگ که، بۉلدی مرقوم منگه
محنت بیله غم‌نی قیلدی معدوم منگه
کۉرگچ انی گرچه شاد بې‌حد بۉلدوم
مضمونی، ولې، بۉلمه‌دی معلوم منگه
(ظهیرالدین محمد بابر)
اے جان! تمہارے مکتوب نے، کہ جو میری جانب مرقوم ہوا، میرے رنج و غم کو معدوم کر دیا۔۔۔ اُس کو دیکھ کر اگرچہ میں بے حد شاد ہوا۔۔۔ لیکن اُس کا مضمون مجھے معلوم نہ ہوا۔

Jono, bitigingki, bo'ldi marqum manga,
Mehnat bila g'amni qildi ma'dum manga.
Ko'rgach ani garchi shod behad bo'ldum,
Mazmuni, vale, bo'lmadi ma'lum manga.

× مندرجۂ بالا رباعی چغتائی تُرکی میں ہے۔

 

[حسان خان]

بی‌نقاب و بانقاب عرضِ جمال ائیلردی یار
گه هِلالی بدر و گه بدری هِلال ائیلردی یار
(مُوقِّت‌زاده محمد پرتَو افندی)
یار نقاب کے بغیر اور نقاب کے ساتھ جمال پیش کرتا تھا۔۔۔ یار گاہ ہِلال کو ماہِ تمام اور گاہ ماہِ تمام کو ہِلال کرتا تھا۔

Bî-nikâb ü bâ-nikâb arz-ı cemâl eylerdi yâr
Geh hilâli bedr ü geh bedri hilâl eylerdi yâr

 

[حسان خان]

تاشرا گۆزلینده آراما ناز و لطافت
خوبانِ سِتانبول گیبی دُنیادا بولونماز
(سُنبُل‌زاده وهبی)
بیرونی خُوبوں میں ناز و لطافت مت تلاش کرو۔۔۔ خُوبانِ اِستانبول جیسے دُنیا میں نہیں مِلتے/نہیں مِلیں گے۔

Ṭaşra güzelinde arama nāz u leṭāfet
Ḫūbān-ı Sitānbul gibi dünyāda bulunmaz

 

[حسان خان]

دارِ دُنیادا مُسافر گیبی تور ای وهبی
سانما کیم جایِ اقامت اۏلا بو کُهنه رِباط
(سُنبُل‌زاده وهبی)
اے 'وہْبی'! دارِ دنیا میں مُسافر کی طرح رہو۔۔۔ یہ مت گُمان کرو کہ یہ کُہنہ سرائے [تمہاری ابدی] جائے اِقامت ہو گی۔

Dâr-ı dünyâda müsâfir gibi ṭur ey Vehbî
Ṣanma kim cây-ı iḳâmet ola bu köhne ribâṭ

 

[حسان خان]

گوشهٔ مَی‌خانه‌ده گرچه اسیرِ باده‌ییم
زاهدا آنجاق غمِ ایّام‌دان آزاده‌ییم
(سُنبُل‌زاده وهبی)
اگرچہ مَیں شراب خانے کے گوشے میں اسیرِ بادہ ہوں،
لیکن، اے زاہد، میں غمِ ایّام سے آزاد ہوں۔

Gûşe-i meyḫânede gerçi esîr-i badeyim
Zâhidâ ancaḳ ġam-ı eyyâmdan âzâdeyim

 

[حسان خان]

(مصرع)
یوز اوزه زُلفونگ اېرور گنج اوستیده یاتقان ییلان
(سکّاکی)
چہرے پر تمہاری زُلف، خزانے پر لیٹا سانپ ہے۔

Yuz uza zulfung erur ganj ustida yotqon yilon

× مندرجۂ بالا مصرع چغتائی تُرکی میں ہے۔

 

[حسان خان]

ای حُسن گنجی بو ضعیف کۉنگلوم‌نی ویران ایله‌مه
یوز اوزه زُلفونگ تاغیتیب، عُمروم پریشان ایله‌مه
(سکّاکی)
اے گنجِ حُسن! میرے اِس ضعیف دل کو ویران مت کرو۔۔۔ چہرے پر اپنی زُلف بِکھرا کر میری عُمر کو پریشان مت کرو۔

Ey husn ganji, bu zaif ko'nglumni vayron aylama,
Yuz uza zulfung tog'itib, umrum parishon aylama.

× مندرجۂ بالا بیت چغتائی تُرکی میں ہے۔

 

[حسان خان]

ظاهر ائیلر مُعجزِ عیسیِ مریم بی‌گُمان
ائیله‌سه وقتِ تکلُّم گر تیلین تکرار لفظ
(محمد بیگ امانی)
اگر بہ وقتِ تکلُّم تمہاری زبان لفظ کو تکرار کرے، تو بِلاشُبہہ وہ عیسیٰ بن مریم کا مُعجزہ ظاہر کرے گی۔

Zahir eylər mö'cizi-İsiyyi-Məryəm bigüman,
Eyləsə vəqti-təkəllüm gər tilin təkrar ləfz.

× شاعر کا تعلق صفوی سلطنت سے تھا۔

 

[حسان خان]

گل ای رُوحِ روانېم جِسمیمه گلسین یینه جانېم
تنِ بی‌جانا دؤندۆم بسترِ حسرت‌ده بن سن‌سیز
(سُنبُل‌زاده وهبی)
ای میری روحِ رواں! آ جاؤ، [تاکہ] میرے جسم میں میری جان دوبارہ آ جائے۔۔۔۔ میں بِسترِ حسرت پر تمہارے بغیر تنِ بے جاں میں تبدیل ہو گیا [ہوں]۔

Gel ey rûḥ-ı revânım cismime gelsin yine cânım
Ten-i bî-câna döndüm bister-i ḥasretde ben sensiz

× شاعر کا تعلق عُثمانی سلطنت سے تھا۔