محبت کے موضوع پر اشعار!

[شاہد احمد خان]

اسرار محبت را ہر دل نہ بود قابل
در نیست بہر دریا زر نیست بہرکانے


محبت کے لئے کچھ خاص دل مخصوص ہوتے ہیں‌
یہ وہ نغمہ ہے جو ہر ساز پر گایا نہیں‌ جاتا

 

[الف عین]

اب ہو کوئ چبھن تو محبّت سمجھ اسے
وہ ربط خود ہی مٹ گئے جو غم سے پاک تھے
بانی

 

[سارہ خان]

محبت میں ڈوبا ہو اسے ساحل سے کیا لینا
کسے اس بحر میں جا کر کنارہ یاد رہتا ہے
بہت لہروں کو پکڑا ڈوبنے والے کے ہاتھوں نے
یہی بس ایک دریا کا نظارہ یاد رہتا ہے ۔۔

 

[سارہ خان]

عجب چیز ہے یہ محبت کی بازی

جو ہارے وہ جیتے،جو جیتے وہ ہارے

 

[ظفری]

امید کا سایہ ہے نہ رستہ ہے نہ منزل
ہم کتنے اکیلے ہی محبت کے سفر میں

 

[ظفری]

محبت ہی علاجِ دردِ دل ہے
کہا کس نے محبت ترک کر دو​

 

[ڈاکٹر عباس]

محبت کی اسیری سے رہائی مانگتے رہنا
بہت آساں نہیں ہوتا جدائی مانگتے رہنا
نوشی گیلانی​

 

[ڈاکٹر عباس]

وفاؤں کے تسلسل سے محبت روٹھ جاتی ہے
کہانی میں ذرا سی بے وفائی مانگتے رہنا
نوشی گیلانی​

 

[ڈاکٹر عباس]

خواب کی مسافت سے
وصل کی تمازت سے
روز و شب ریاضت سے
کیا ملا محبت سے
ایک ہجر کا صحرا
ایک شام یادوں کی
اِک تھکا ہوا آنسو

 

[الف عین]

محبّتیں نہ رہیں اس کے دل میں میرے لئے
مگر وہ ملتا تھا ہنس کر، کہ وضع دار جو تھا
بانی

 

[ڈاکٹر عباس]

محبت سی کوئی عبادت نہیں ہے
نمازِ محبت قضا کرنے والے
بخش لائل پوری​

 

[عاصم ملک]

محبت بندگی ہے اس میں تن کا قرب مت مانگو
کہ جس کو چھو لیا جائے اُسے پوجا نہیں کرتے

 

[ڈاکٹر عباس]

ذہن میں ابھریں گے گم گشتہ محبت کے نقوش
جب وہ ہاتوں میں مرے دستِ حنائی دے گا

 

[عاصم ملک]

احساس اگر ہو تو محبت کرو محسوس
ہر بات کا اظہار ضروری نہیں لب سے

 

[ڈاکٹر عباس]

کس محبت سے ہوا تعمیر مدت میں منیر
چند لمحے جن کا، نگر کی خاک اڑانے میں لگے

 

[حجاب]

محبت کیا ہے بتاؤ
ہمیں یہ سمجھاؤ
کوئی کہتا ہے
خوشبو ہے ستارہ ہے
اشارہ ہے
کوئی جذبہ ہے یا خواہش
کسی کے نام مٹنے کا
ہر ایک پل
سانس دل دھڑکن
کسی کے نام لکھنے کا
مسلسل بے قراری ہے
مسلسل درد کا موسم
کسی کے دل کی راحت ہے
کسی کی یاد کا ماتم
یہ کیسی آہ و زاری ہے
ہمیں خواہش تمھاری ہے
محبت میں جدا ہوکر
کبھی ایک شب گزاری ہے
یہ ایک بے نام سا جذبہ
ہزاروں نام رکھتا ہے
ہر ایک دل کے لئے
ایک نیا پیغام رکھتا ہے
کبھی خوشبو کے موسم میں
کبھی ساون کی گھاتوں میں
کہیں یہ چاندِ تنہائی
کبھی تاروں کی راتوں میں
ہمیں ایک بات کہتا ہے
ہمارے ساتھ رہتا ہے
تمہاری آنکھ سے اکثر
یونہی دن رات بہتا ہے
کسی کے مسکرانے کو
کسی کے گنگنانے کو
کسی کے یاد رکھنے کو
کسی کے بھول جانے کو
کسی کے روٹھ جانے کو
کسی کے مان جانے کو
سنو جب تم سمجھ جاؤ
ہمیں یہ بات بتاؤ
محبت کیا ہے سمجھاؤ۔(ڈاکٹر سکندر علی شیخ )
(ان کی کوئی کتاب میرے پاس نہیں ہے چند نظمیں ہیں بس لہذٰا کتاب کا نام نہیں پتہ۔)
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[شاہد احمد خان]

حجاب ، اچھی نظم ہے لیکن کس کی ہے یہ بھی تو بتاو

 

[دوست]

اچھی لگی۔

 

[الف عین]

مِرا ذوقِ محبت دیکھیے کیا گل کھلاتا ہے
خوشی پر ڈوبتا ہے دل، غموں پر مسکراتا ہے!
سرور عالم راز

 

[ظفری]

اس طرح رنج میں آنکھوں میں نمی کا ہونا
ایسا ہوتا ہے محبت میں کسی کا ہونا
تیرا سورج کے قبیلے سے تعلق تو نہیں
کہاں سے تجھے آیا ہے سبھی کا ہونا​