محبت کے موضوع پر اشعار!

[توقیر]

بجا ترک تعلق بھی ایک انداز محبّت ہے
مگر کوئ بچھڑ جائے قیامت ہی قیامت ہے

 

[عمر سیف]

احوال محبت ميں کچھ فرق نہيں ايسا
سوز و تب و تاب اول، سوزو تب و تاب آخر

 

[تیشہ]

تعمیر کررہا ہے محبت کا وہ حصار
میرے لئیے خلوص کی زنجیر ہے بہت

بیٹھا رہا وہ پاس تو میں سوچتی رہی
خاموشیوں کی اپنی بھی تاثیر ہے بہت ۔،

 

[توقیر]

محبت ميں کرے کيا کچھ کسي سے ہو نہيں سکتا
میرا مرنا بھي تو ميري خوشي سے ہو نہيں سکتا
- داغ

 

[عمر سیف]

محبت میں تو بس دیوانگی ہی کام آتی ہے
یہاں جو عقل دوڑائے، وہ عاقل ہو نہیں سکتا

 

[عبدالجبار]

محبت کرنے والے کم نہ ہوں گے
تِری محفل میں لیکن ہم نہ ہوں گے
زمانے بھر کے غم یا اِک تیرا غم
یہ غم ہو گا تو کتنے غم نہ ہوں گے​

 

[توقیر]

خامشی اور ایسی خاموشی!
کب محبت میں ہے روا صاحب؟
۔۔ سرور عالم سرور

 

[سارہ خان]

تم عشق کی منزل میں قدم سوچ کر رکھنا
دریائے محبت کے کنارے نہیں ہوتے

 

[توقیر]

کیا یہ بھی محبت کے تقاضوں میں ہے شامل
دریا میں نظر آیا تو صحرا نظر آیا

۔۔ سرور

 

[عمر سیف]

ہم سے کیا ہو سکا محبت میں
تو نے تو خیر بے وفائی کی

 

[تیشہ]

ہم نے مانا ہے تمھیں ان سے محبت کوثر
جان ِمن! یہ تو کہو جرات اظہار بھی ہے ۔

 

[الف عین]

کیا ہوا گر غزل قصیدہ ہوئی
عاقبت قصۂ محبت ہے
میر

 

[عمر سیف]

اب نزع کا عالم ہے مجھ پر، تم اپنی محبت واپس لو
جب کشتی ڈوبنے لگتی ہے تو بوجھ اتارا کرتے ہیں

 

[تیشہ]

پھر اک تہمت اٹھا لیتے ہیں تاریخ محبت میں
پھر اک ہمدرد کا در کھٹکھٹا کر دیکھ لیتے ہیں ۔

 

[عمر سیف]

یہ دل کا روگ یہ چاہت خدا کسی کو نہ دے
بری بلا ہے محبت خدا کسی کو نہ دے

 

[الف عین]

یہ محبت مرے ایماں کا ہے پرتو لوگو
یونہی ہوتا ہے کوئی اس کا سزاوار کہیں

 

[عمر سیف]

محبت کی محبت تک ہی جو دُنیا سمجھتے ہیں
خدا جانے وہ کیا سمجھے ہوئے ہیں کیا سمجھتے ہیں
جمالِ رنگ و بو تک حسن کی دنیا سمجھتے ہیں
جو صرف اتنا سمجھتے ہیں وہ آخر کیا سمجھتے ہیں
جگر مرادآیادی

 

[سارہ خان]

وہ جو اک ربطِ محبت ہے مٹانا اُس کا
میری طاقت میں نہیں آپ کی قدرت میں نہیں

 

[عمر سیف]

ہم نے تو ہر دکھ کو محبت کی عنایت سمجھا
ہم کوئی تم تھے جو اوروں سے شکایت کرتے

 

[ظفری]

مجھے اشتہار سی لگتی ھیں یہ محبتوں کی کہانیاں
جو کہا نہیں وہ سنا کرو جو سنا نہیں وہ کہا کرو

ابھی راہ میں کئی موڑ ہیں کوئی آئے گا کوئی جائے گا
تمہیں جس کسی نے بُھلا دیا اسے بُھولنے کی دعا کرو

کوئی ہاتھ بھی نہ ملائے گا جو گلے ملو گے تپاک سے
یہ نیے مزاج کا شہر ھے ذرا فاصلے سے ملا کرو​