محبت کے موضوع پر اشعار!

[عبدالجبار]

مجھے ہے تم سے محبت، مجھے ہے تم پہ یقیں
مِری قسم کا تمہیں اعتبار ہو کہ نہ ہو
ہمارے دل کے ہو مالک تمہی دوعالم میں
تمہارے دل پہ ہمیں اختیار ہو کہ نہ ہو​

 

[عمر سیف]

ضبطِ سیلابِ محبت کو کہاں تک روکے
دل میں جو بات ہو آنکھوں سے عیاں ہوتی ہے

 

[الف عین]

قدم دشتِ محبت میں نہ رکھ میر
کہ سر جاتا ہے گامِ اولیں پر
میر

 

[عبدالجبار]

محبت میں‌تو بس دیوانگی ہی کام آتی ہے
یہاں جو عقل دوڑائے، وہ عاقل ہو نہیں سکتا
پہنچتے ہیں پہنچنے والے اس کوچے میں مَر مَر کر
کوئی جنّت میں قبل از مَرگ داخل ہو نہیں سکتا​

 

[عمر سیف]

ایسا نہیں کہ ہم کو محبت نہیں ملی
ہاں جیسا چاہتے تھے وہ قربت نہیں ملی
ملنے کو زندگی میں کئی ہمسفر ملے
لیکن طبیعتوں سے طبیعت نہیں ملی

 

[عبدالجبار]

یہ محبت ہے سُن! زمانے سُن!
اتنی آسانیوں سے مَرتی نہیں
جس طرح تم گزارتے ہو فراز
زندگی اِس طرح گزرتی نہیں​

 

[عمر سیف]

محبت میں نہیں‌ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے

 

[عبدالجبار]

ہم محبت میں ‌بھی توحید کے قائل ہیں فراز
ایک ہی شخص کو محبوب بنائے رکھا​

 

[عمر سیف]

افلاک سے آتا ہے نالوں کا جواب آخر
کرتے ہیں خطاب آخر، اٹھتے ہیں حجاب آخر
احوال محبت میں‌کچھ فرق نہیں ایسا
سوز و تب و تاب اول ، سوز و تب و تاب آخر

 

[عبدالجبار]

محبت معنٰی و الفاظ میں لائی نہیں‌جاتی
یہ وہ نازک حقیقت ہے جو سمجھائی نہیں‌جاتی​

 

[توقیر]

محبّت کےشرارے وہ تجلی ہوش اورمستی
بقدرِظرِف دل ہرشےفراہم ہوتی جاتی ہے

 

[عمر سیف]

وحشی اسے کہو جسے وحشت غزل ہیں
انسان کی لازوال محبت غزل سے ہے

 

[پاکستانی]

ہمیشہ بے وفائیں دی جفا کوں یاد کر بہنداں
محبت دی عطا کیتی سزا کو یاد کر بہنداں
میں کیڈا حوصلہ رکھداں میکوں ڈیکھو اجن تونڑیں
اُوں گزری ہوئی قیامت دی ادا کوں یاد کر بہنداں​

 

[توقیر]

بارہا لفظ محبّت مرے لَب تک آیا
ایک اندیشہ مگر کچھ نہیں کہنے دیتا

 

[عمر سیف]

یہی ہے محبت، یہی دین و ایماں
کہ کام آئے دنیا میں انساں کے انساں

 

[عبدالجبار]

کی محبت تو سیاست کا چلن چھوڑ دیا
ہم اگر عشق نہ کرتے تو حکومت کرتے​

 

[توقیر]

محبت کا چلن جب عام ہوگا
قیامت کا وہ کیا ہنگام ہوگا

 

[عبدالجبار]

محبت کا یہی معیار ہو گا
جو سَر دے گا، وہی سردار ہوگا
کسے معلوم تھا یہ غم کا عالم
ہمارے ہی گلے کا ہار ہو گا​

 

[توقیر]

پاسِ ناموس محبت ہے کچھ اتنا کہ یہ دل
خود لہو ہوتا ہے آنسو نہیں بہنے دیتا

 

[عبدالجبار]

جفا جو عشق میں ہوتی ہے وہ جفا ہی نہیں
سِتم نہ ہو تو محبت کا کچھ مزا ہی نہیں​