محبت کے موضوع پر اشعار!

[عیشل]

تمہیں ہی بس ہمیشہ دیکھنے کی
میری آنکھوں کو عادت ہو گئی ہے
خود اپنے آپ سے ڈرتا ہوں ہوں ارشد
محبت ایک وحشت ہو گئی ہے

 

[شمشاد]

یہ دیکھئے کہ اِس میں ہے گم ایک کائنات
کیا چیز ہے یہ حرفِ محبت نہ پوچھئے!
(سرور)

 

[عیشل]

وہ مجھے مشورہ ء ترکِ وفا دیتے ہیں
یہ محبت کی ادا ہے مجھے معلوم نہ تھا

 

[شمشاد]

اے دل! یہی آنسو تو ہیں سوغاتِ محبت
نادان! علاجِ غمِ پنہاں نہیں کرتے!
(سرور)

 

[سارا]

عشق محبت باتیں ہیں سب' ان باتوں میں کیا رکھا ہے
چند لکیریں الجھی سی اور ہاتھوں میں کیا رکھا ہے۔۔

 

[شمشاد]

کوئی بتلائے کہ یہ مشکل محبت تو نہیں؟
ہم پریشاں ہو گئے اُنکو پریشاں دیکھ کر!
(سرور)

 

[عمر سیف]

محبت کا گماں ہوتا بہت ہے
کہ اب یہ لفظ بھی رسوا ہوا بہت ہے
اُداسی کا سبب میں کیا بتاؤں
گلی، کوچوں میں سناٹا بہت ہے

 

[شمشاد]

ہیں انتظار میں اگلی محبتوں کے مزار
محبتیں جو فنا ہو گئیں ہیں میرے ندیم!
(فیض احمد فیض)

 

[عمر سیف]

کس محبت سے ہوا تعمیر مدت میں منیر
چند لمحے جس نگر کی خاک اُڑانے میں لگے

 

[شمشاد]

محبت میں جو گزرے ہیں وہی دو پل ہمارے تھے
وہی دو پل ہمیشہ کو ٹھہر جاتے تو اچھا تھا
(سید ارشاد قمر)

 

[عیشل]

لکھ رہے ہیں ہم محبت ،نفرتوں کے درمیاں
آنے والوں کو ہمارے یہ ہنر یاد آئیں گے
رفتہ رفتہ بھول جائیں گے سفر کی داستاں
مدّتوں لیکن ہمیں کچھ راہ گذر یاد آئیں گے

 

[شمشاد]

روُدادِ محبت کیا کہیے، کچھ یاد رہی کچھ بھول گئے
دو دن کی مُسرّت کیا کہیے، کچھ یاد رہی کچھ بھول گئے
(ساغر نظامی)

 

[عمر سیف]

اک حرف تسلی کا
اک لفظ محبت کا
خود اپنے لیے اس نے
لکھا تو بہت رویا !!

 

[شمشاد]

قصور ہو تو ہمارے حساب میں لکھ جائے
محبتوں میں جو احسان تمہارا ہو
(پروین شاکر)

 

[عمر سیف]

مٹائے کون تیری یاد کی خلش دل سے
یہی تو عہدِ محبت کی اک نشانی ہے
ہزار ترکِ تعلق کے باوجود اب بھی
وہ یاد آتے ہیں یہ انکی مہربانی ہے

 

[شمشاد]

وہ پل کہ جس میں محبت جواں ہوتی ہے
اُس ایک پل کا تجھے انتظار ہے کہ نہیں

 

[عمر سیف]

شمشاد میں ابھی یہی شعر لکھنے والا تھا۔ دیکھا تو آپ لکھ چکے۔

دردِ محبت کے ماروں کے سارے سہارے ڈوب گئے
کل ڈوبی تھی اپنی کشتی ، آج کنارے ڈوب گئے

 

[شمشاد]

کبھی کبھی ایسا اتفاق بھی ہو جاتا ہے۔

 

[شمشاد]

محبت میں کہیں کیا حال دل کا
خوشی ہی کام آتی ہے نہ غم ہی
(فراق گورکھپوری)

 

[نوید صادق]

محبتوں کا سفر بھی عجیب تھا عامر
کہ لوگ چلتے رہے، راستے نڈھال ہوئے

شاعر: مقبول عامر