محبت کے موضوع پر اشعار!

[شمشاد]

جہانِ آرزوئے شوق جس منزل پہ مٹ جائے
محبت بس وہیں شائستۂ آغاز ہوتی ہے
(سرور)

 

[عمر سیف]

پلٹ کر آئیں زمانے وہی محبت کے
کہ رنگ جلنے لگیں اور صبا ٹھہر جائے
کسی کا ساتھ ملے اس طرح امجد
کہ وقت چلتا رہے اور راستہ ٹھہر جائے

 

[شمشاد]

رنگ دنیائے محبت کا بدل جائے گا
تیرے دیوانے اگر ہو گئے ہشیار کہیں
(سرور)

 

[عمر سیف]

محبتوں میں یہ سوال کیسا
دل میں بدگمانی کا وبال کیسا
ابھی ہم ملے بھی نہیں اور
پھر جدائیوں کا خیال کیسا

 

[شمشاد]

یہ محبت مرے ایماں کا ہے پرتو لوگو
یونہی ہوتا ہے کوئی اس کا سزاوار کہیں
(سرور)

 

[محمد وارث]

کیا مرگِ مَحبّت کا ہوا رنج تجھے بھی
اے زود فراموش تری آنکھ بھی نم ہے

(فراز)

 

[شمشاد]

محبت ہی تھی انعامِ محبت
میں جب نکلا غمِ سود و زیاں سے
(سرور)

 

[عمر سیف]

کسي کي جدائي سے
کسي کي جدائي ميں
کوئي مر نہيں جاتا
آج
اتنے عرصے بعد تمہيں ديکھا
تو سمجھ ميں آيا
کہ
جتني بھي دوري ہو
دور جانے سے محبت کم نہيں ہوتي
اگر يہ نصيب نہ بنے تو کسک ضرور بن جاتي ہے
محبت مرتي نہيں امر کر جاتي ہے

 

[شمشاد]

محبت تھی چمن سے لیکن اب یہ بد دماغی ہے
کہ موجِ بوئے گل سے ناک میں آتا ہے دم میرا
(چچا)

 

[عمر سیف]

آگ ہی آگ ہے دیکھو تو محبت میں
مار ڈالے نا یہ جذبوں کی فراوانی بھی

 

[شمشاد]

نشے میں محبت کے ڈوبی رہوں
ان آنکھوں کو ایسا نظارہ تو دے
چمکتی رہوں میں زمیں پر سدا
مجھے یاد کا وہ ستارہ تو دے
(ناہید ورک)

 

[عمر سیف]

گھیر لیا ہے وحشت نے
اِک نے نام مُسافت نے
دل کا رستہ دیکھ لیا ہے
ایک اُداس محبت نے

 

[شمشاد]

گزرنا ہے اگر جاں سے گزر جا اے دل مضطر
محبت میں فقط نام و نشاں سے کچھ نہیں ہوتا
(سرور)

 

[عیشل]

خموش اے دل!بھری محفل میں چلانا نہیں اچھا
ادب پہلا قرینہ ہے محبت کے قرینوں میں

 

[عمر سیف]

تم نے مرجھائے ہوئے پھول کبھی دیکھے ہیں؟
دل کی قبروں پہ پڑے ۔۔۔۔۔۔۔
ہجر کی لاش کی آنکھوں پہ دھرے
تم نے اکتائے ہوئے خواب کبھی دیکھے ہیں ؟
درد کی پلکوں سے لپٹے ہوئے
گھبرائے ہوئے
تم نے بے چین دعائیں کبھی دیکھی ہیں ؟
محبت کے کناروں پر بھٹکتی پھرتی
تم نے دیکھا ہے مجھے؟
کیا کبھی دیکھا ہے مجھے؟

 

[شمشاد]

منزل عشق میں پہلا ہی قدم ہے شاید
ورنہ آداب محبت سے گریزاں کیوں ہو؟
(سرور)

 

[نوید صادق]

بھلا دیا ہمیں تو نے تو رنج کیا لیکن
ہمیں بھی تیری محبت کو بھول جانا تھا

شاعر: جگر مراد آبادی

 

[شمشاد]

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
(چچا)

 

[نوید صادق]

نہ کہہ کسی سے کہ غالب نہیں زمانے میں
حریف رازِ محبت مگر در و دیوار

شاعر: غالب

 

[شمشاد]

خزینہ دارِ محبت ہوئ ہوائے چمن
بنائے خندۂ عشرت ہے بر بِنائے چمن
(چچا)