محبت کے موضوع پر اشعار!

[مظلوم گل]

پہلے خوشبو کے مزاجوں کو سمجھ لو محسن
پھر گلستاں میں کسی گل سے محبت کرنا
محسن نقوی

بہت پیارا شعر ھے۔

 

[مظلوم گل]

اک محبت بھلانے کو ابرک
اک محبت نئی ہوں کر آیا
اتباف ابرک

ایسے نہیں ایسے کہیں
پرانی محبت چھپانے کو
نئی کا شکار کر لایا

 

[زیرک]

ایسے نہیں ایسے کہیں
پرانی محبت چھپانے کو
نئی کا شکار کر لایا

کسی کی شاعری میں قطع و برید غیر اخلاقی کام ہے جناب شاعر صاحب!
اناؤں نفرتوں خود غرضیوں کے پانی میں
محبت گھولنے والے بڑے درویش ہوتے ہیں

 

[زیرک]

اپنے اشعار شئر کریں۔

میں خود شاعر نہیں ہوں

بہت پیارا شعر ھے۔

صرف تبصرہ مت کریں ساتھ میں موضوع کی مناسبت سے کوئی شعر شامل کر دیا کریں
سن لیں گے چلو ہم بھی کچھ افکارِ محبت
یاں جاری و ساری ہے جو گفتارِ محبت

 

[زیرک]

غم دیا، رنج دیا، داغ دیا، زہر دیا
خوب بیمارِ محبت کی دوا تم نے کی
داغ دہلوی​

 

[زیرک]

محبت زندگی کے فیصلوں سے لڑ نہیں سکتی
کسی کو کھونا پڑتا ہے، کسی کا ہونا پڑتا ہے​

 

[زیرک]

اب مجھے زخم سے محبت ہے
اب مجھے درد راس ہے لوگو​

 

[زیرک]

ہمیں تو حکمِ محبت تھا، ہم نے کرنی تھی
ہمارے ساتھ مروت میں تم بھی مارے گئے​

 

[جان]

آنکھیں جو اٹھائے تو محبت کا گماں ہو
نظروں کو جھکائے تو شکایت سی لگے ہے
جاں نثار اختر

 

[زیرک]

عجب شرطیں لگاتی ہے محبت کی تجارت بھی
مرے حصے میں لاگت بھی خسارہ بھی مشقت بھی

 

[زیرک]

عشق میں دنیا گنوائی ہے نہ جاں دی ہے فراز
پھر بھی ہم اہلِ محبت کی مثالوں میں رہے
احمد فراز

 

[زیرک]

محبتوں کا سفر بھی عجیب تھا عامر
کہ لوگ چلتے رہے، راستے نڈھال ہوئے​

 

[زیرک]

مہرباں بھی ہیں محبت بھی ہے ان کو ہم سے
لوگ کہتے ہیں، مگر ہم کو پتا کچھ بھی نہیں
ابن انشا​

 

[زیرک]

ابتدا وہ تھی کہ جینا تھا محبت میں محال
انتہا یہ ہے کہ اب مرنا بھی مشکل ہو گیا
جگر مراد آبادی​

 

[عبدالرحمن آزاد]

محبت مجھے ان جوانوں سے ہیں
ستاروں پہ جو ڈالتے ہیں کمند
اقبالؒ

 

[رباب واسطی]

یہ رکھ رکھاؤ محبت سِکھا گئی اُس کو
وہ روٹھ کر بھی مجھے مُسکرا کے ملتا ہے

 

[زیرک]

رضائے یار پہ خواہش کو وارنے والے
عجب سخی ہیں محبت میں ہارنے والے​

 

[زیرک]

یہ محبت تجھے ولی کر دے
تُو اگر سیکھ لے وفا کرنا​

 

[زیرک]

ہمارے بعد کوئی سرپرست مل نہ سکا
یتیم خانے میں رکھا گیا محبت کو
حسیب الحسن​

 

[زیرک]

بہت مشکل زمانوں میں بھی ہم اہلِ محبت
وفا پر عشق کی بنیاد رکھنا چاہتے ہیں
افتخار عارف​