محبت کے موضوع پر اشعار!

[سید عاطف علی]

محبت ماورائے عقل اک ایسی حقیقت ہے
جسے میں خود سمجھ لیتا ہوں سمجھائی نہیں جاتی

 

[طاہر شیخ]

اک شہنشاہ نے بنوا کے حسیں تاج محل
ساری دنیا کو محبت کی نشانی دی ہے

ساحر

 

[سید عاطف علی]

اک شہنشاہ نے بنوا کے حسیں تاج محل
ساری دنیا کو محبت کی نشانی دی ہے

اک شہنشاہ نے دولت کا سہارا لے کر
ہم غریبوں کی محبت کا اڑایا ہے مذاق

 

[جاسمن]

ڈھونڈ لیتے تھے لکیروں میں محبت کی لکیر
ان کہی بات پہ سو جھگڑے کیا کرتے تھے
نجیب احمد

 

[جاسمن]

کتنا دشوار ہے جذبوں کی تجارت کرنا
ایک ہی شخص سے دوبار محبت کرنا
جس کو تم چاہو! کوئی اور نہ چاہے اس کو
اس کو کہتے ہیں محبت میں سیاست کرنا
لیاقت جعفری

 

[Bilqis shaikh]

I am a new member here. I want to send my ghazal. Please guide me

 

[سیما علی]

محبت ماورائے عقل اک ایسی حقیقت ہے
جسے میں خود سمجھ لیتا ہوں سمجھائی نہیں جاتی

بے حد کمال

 

[سیما علی]

محبت ماورائے عقل اک ایسی حقیقت ہے
جسے میں خود سمجھ لیتا ہوں سمجھائی نہیں جاتی

دل میں ہو سوز محبت کا وہ چھوٹا سا شرر
نور سے جس کے ملے راز حقیقت کی خبر!

 

[سیما علی]

مجھ سا ہی ہو مجنوں بھی یہ کب مانے ہے عاقل
ہر سر نہیں اے میرؔ سزاوار محبت!!!!!!!!!!!!!!!

 

[سیما علی]

میں نے عبادتوں کو محبت بنا دیا۔۔۔۔۔۔۔۔
آنکھیں بتوں کے ساتھ رہیں دل خدا کے ساتھ۔
سر شار صدیقی

 

[سید عاطف علی]

جس نے تجھ حسن پر نگاہ کیا
نور خورشید فرش راہ کیا

حق نے اپنے کرم ستی مج کوں
ملک خوبی کا پادشاہ کیا

مشق غفلت سے تیرہ باطن نے
صفحۂ زندگی سیاہ کیا

حوض کوثر کا تشنہ لب کب ہے
اس زنخداں کی جس نے چاہ کیا

کوچۂ زلف میں گیا جب دل
برگ سنبل کوں زاد راہ کیا

برق خرمن ہے جان دشمن کا
درد سیں جس نے ایک آہ کیا

مت جلا اب سراجؔ کوں ظالم
شعلۂ غم کوں عذر خواہ کیا

سراج اورنگ آبادی

 

[سیما علی]

جس نے تجھ حسن پر نگاہ کیا
نور خورشید فرش راہ کیا

حق نے اپنے کرم ستی مج کوں
ملک خوبی کا پادشاہ کیا

مشق غفلت سے تیرہ باطن نے
صفحۂ زندگی سیاہ کیا

حوض کوثر کا تشنہ لب کب ہے
اس زنخداں کی جس نے چاہ کیا

کوچۂ زلف میں گیا جب دل
برگ سنبل کوں زاد راہ کیا

برق خرمن ہے جان دشمن کا
درد سیں جس نے ایک آہ کیا

مت جلا اب سراجؔ کوں ظالم
شعلۂ غم کوں عذر خواہ کیا

سراج اورنگ آبادی

واہ واہ سید صاحب

 

[سیما علی]

یہ معجزہ بھی محبت کبھی دکھائے مجھے!!!
کہ سنگ تجھ پہ گرے اور زخم آئے مجھے
قتیل شفائی

 

[ریحان احمد ریحانؔ]

اب بھی محبتوں کا تو قائم ہے سلسلہ
لیکن وہ سوزِ رفتہ وہ شدت نہیں رہی

 

[فیصل عظیم فیصل]

محبت کے سارے بیانات سچے
محبت کے رشتے نہیں اتنے کچے
تری گفت گو میں نشہ ہی نشہ ہے
محبت سے خالی نہیں ہونگے بچے

 

[مومن فرحین]

محبت انتظار دائمی کا نام ہے اے دل
کوئی آیا تو کیا ہوگا نہیں آیا تو کیا ہوگا

 

[شمشاد]

اے محبت ترے انجام پہ رونا آیا
جانے کیوں آج ترے نام پہ رونا آیا
(شکیل بدایونی)

 

[مومن فرحین]

شہر محبت ہجر کا موسم عہد وفا اور میں
تُو تو اس بستی سے خوش خوش چلا گیا اور میں ؟

 

[شمشاد]

ہم ہیں خاموش کہ مجبور محبت تھے فرازؔ
ورنہ منسوب ہیں سرکار سے باتیں کیا کیا
(احمد فراز)

 

[مومن فرحین]

کون چاہے گا تمھیں میری طرح
اب کِسی سے نہ محبت کرنا

گھر کا دروازہ کھلا رکھا ہے
وقت مِل جائے تو زحمت کرنا