محبت کے موضوع پر اشعار!

[زیرک]

دل کی آواز پہ بیعت بھی تو ہو سکتی ہے
تم اگر چاہو محبت بھی تو ہو سکتی ہے
یونس تحسین​

 

[زیرک]

لاکھ بازارِ محبت کے لگائے پھیرے
بیوقوفی کے سوا اور کوئی سودا نہ ملا
شوق بہرائچی​

 

[زیرک]

سرزد ہوا تھا جرم، محبت کی شکل میں
ہم کو غموں نے اپنی حراست میں لے لیا
عابد کمالوی​

 

[زیرک]

ہم پیار میں پہچان الگ رکھتے ہیں اپنی
یکطرفہ محبت کے تو قائل ہی نہیں ہم
عابدکمالوی​

 

[زیرک]

کی ترک محبت تو لیا دردِ جگر مول
پرہیز سے دل اور بھی بیمار پڑا ہے
مادھو رام جوہر​

 

[زیرک]

آپ کو ہم سے محبت بھی تو ہو سکتی ہے
اور محبت میں خسارہ بھی تو سکتا ہے
ناظر وحید​

 

[عبدالرحمن آزاد]

ہم سے کیا ہوسکا محبت میں
خیر تم نے تو بے وفائی کی
عراق گورکھپوری

 

[عبدالرحمن آزاد]

ہم جرم محبت کی سزا پائیں گے تنہا
جو تجھ سے ہوئی ہو وہ خطا ساتھ لیے جا
ساحر لدھانوی

 

[زیرک]

ایک مدت سے تجھے وِرد میں رکھا جس نے
وہ محبت میں قلندر بھی تو ہو سکتا ہے​

 

[زیرک]

چل رہے ہیں زمانے میں رشوتوں کے سلسلے
تم بھی کچھ لے دے کے مجھ سے محبت کر لو​

 

[زیرک]

چائے ایک کپ میں ہو اور مل کے بانٹیں ہم
سردیوں کے موسم میں ذائقے محبت کے​

 

[مظلوم گل]

محترم پیروڈی کسے کہتے ھیں۔ وضاحت فرما دیں۔

 

[محمد عدنان اکبری نقیبی]

محترم پیروڈی کسے کہتے ھیں۔ وضاحت فرما دیں۔

اس لنک پر جا کر دیکھیں ۔

 

[جاسمن]

محبت سے تمہیں سرکار کہتے ہیں وگرنہ ہم
نگاہیں ڈال دیں جس پر وہی سرکار ہو جائے
کیف بھوپالی

 

[جاسمن]

مرے پاؤں میں پائل کی وہی جھنکار زندہ ہے
محبت کی کہانی میں مرا کردار زندہ ہے

ارم زہرا

 

[جاسمن]

سے کہنا محبت دل کے تالے توڑ دیتی ہے
اسے کہنا محبت دو دلوں کو جوڑ دیتی ہے

اسے کہنا محبت نام ہے روحوں کے ملنے کا
اسے کہنا محبت نام ہے زخموں کے سلنے کا

اسے کہنا محبت تو دلوں میں روشنی بھر دے
اسے کہنا محبت پتھروں کو موم سا کر دے

اسے کہنا محبت دور ہے رسموں رواجوں سے
اسے کہنا محبت ماورا تختوں سے تاجوں سے

اسے کہنا محبت پھول کلیاں اور خوشبو ہے
اسے کہنا محبت چاند تارے اور جگنو ہے

اسے کہنا محبت کا نہیں نعم البدل کوئی
اسے کہنا محبت کا نہیں ہے ہم شکل کوئی

اسے کہنا محبت پر یقیں کر لو مرے ہمدم
اسے کہنا محبت دل میں تم بھر لو مرے ہمدم

ارم زہرا

 

[محمد وسیم نقیبی]

منیر اسی کو محبت کہا ہے لوگوں نے

کہ خون بن کے رگوں میں اتر گیا کوئی

 

[امیر حمزہ]

کوئی چودھویں رات کا چاند بن کر تمھارے تصور میں آیا تو ہوگا
کسی سے تو کی ہوگی تم نے محبت کسی کو گلے سے لگایا ہوگا

لبوں سے محبت کا جادو جگاکر بھری بزم میں سب سے نظریں چُرا کر
نگاہوں کی راہوں سے دل میں اُتر کر کسی نے تمھیں بھی چُرایا تو ہوگا

تمھارے خیالوں کی انگنائیوں میں میری یاد کے پھول مہکے تو ہوں گے
کبھی اپنی آنکھوں کے کاجل سے تم نے میرا نام لکھ کر مٹایا تو ہوگإ
نگاہوں میں شمع تمنا جلا کر تکی ہوں گی تم نے بھی راہیں کسی کی
کسی نے تو تم سے کیا ہوگا وعدہ کسی نے تمھیں بھی رُلایا تو ہوگا ۔

Nice sharing

 

[رفعت رضا_]

محبت کا جذبہ صلہ مانگتا ہی نہیں ہے
جو مانگے وہ محبت کو جانتا ہی نہیں ہے

 

[طاہر شیخ]

اک شہنشاہ نے دولت کا سہارا لے کر
ہم غریبوں کی محبت کا اڑایا ہے مذاق

ساحر