مریم افتخار
محفلین
کسی کو بھی نہیں کیونکہ میں خود کو اس قابل نہیں سمجھتی ابھی.
محترمہ مریم افتخار صاحبہ کے ساتھ ایک مصاحبہ!
- صاحب لڑی محمد خرم یاسین
- تاریخ ابتداء
مریم افتخار
محفلین
جن کی تحریر خوبصورت ہے وہ اسی خوبصورتی میں الجھے رہتے ہیں. جو ایک بڑا مقصد لے کر شروع کرتے ہیں وہ پتا نہیں جلدی میں ہوتے ہیں یا تحریر کی خوبصورتی کی نسبت ان کے لیے اس مقصد کی جانب بڑھنا اہم ہوتا ہے یا شاید ہماری عوام بھی عمومی طور پر ایسی ہوگئی ہے کہ اگر زیادہ ذہنوں تک ابلاغ چاہتے ہیں تو مصنفین کو خود سادہ لکھنا پڑتا ہے . بعض اشعار یا بعض اقتباسات خوبصورت اور بامقصد بھی ہوتے ہیں مگر جتنا کچھ لکھا جا رہا ہے اس کی نسبت اس کی پروپورشن بہت کم ہے. اس کے حل کے طور پر کوئی انقلابی شے آنی چاہئیے.
مریم افتخار
محفلین
اگر اس سوال کا جواب دینا لازم ہے تو سوال مزید واضح کر دیں.
مریم افتخار
محفلین
ایف ایس سی کے دوران ہمارے کالج کے بوائز سیکشن کے ایک استاد ایک اخبار کے ایڈیٹر تھے. وہ گرلز سیکشن میں نہیں آتے تھے. میں نے ایک اور استاد کے ہاتھ انہیں ایک کالم بھجوا کر زندگی میں ایک بار یہ کام بھی کر دیکھنے کا شوق پورا کیا. وہ شائع ہوا یا نہیں مجھے علم نہ ہوسکا تھا. ایک بار اتفاق سے وہ استاد مل گئے، جب انہیں پتا چلا کہ میں وہ ہوں تو میری سوچ، مفاہیم اور طرزِ بیان وغیرہ کی اتنی تعریف کی کہ شاید اتنی تعریف کسی نے کبھی نہیں کی. شاید وہ اس لیول پر کسی کی اس اپروچ کی توقع بالکل بھی نہیں کر رہے تھے. وہ کرتے ہی رہے بار بار کرتے ہی رہے! پھر دوسرے اساتذہ کے سامنے بھی الگ سے بے حد کی، اپنے بقیہ طلبہ کے سامنے الگ سے اور ایک بار ابو سے ملاقات ہوئی تو ان کے سامنے الگ سے اور شاید یہ بھی کہا کہ اسے لکھنے دیجیے گا وغیرہ وغیرہ..... انہوں نے اس کالم والے اخبار کی دو کاپیاں بھی دیں جس میں وہ شائع ہوا تھا، امی اور خالہ کو پڑھائیں مگر پھر وہ شاید خالہ کے گھر ہی ادھر ادھر ہوگئیں. سر نے بہت زیادہ اصرار بھی کیا تھا ان کے اخبار کے لیے مزید لکھنے اور لکھتے رہنے کا مگر میں بی ایس کے لیے شہر بدر ہوچکی تھی. ایک آدھ بار ان کے نہایت اصرار پر کچھ لکھ کر بھیجا تھا مگر مڑ کر نہ پوچھا کہ اس کا کیا ہوا اب تو چھے سال سے اوپر کا عرصہ ہوگیا. چھوٹے بھائی ان سے اردو کی ٹیوشن پڑھتے رہے پچھلے برس مگر میں نے ان سے کہا کہ انہیں مت بتانا کہ میرے بھائی ہو کیونکہ اس سے پہلے بھی جس کسی ہمارے اردو کے مشترکہ استاد کو پتا ہوتا رہا ہے اس سے بھائیوں کی (میرے بھائی ہو کر اردو کمزور ہونے پر) کلاس میں خصوصی بے عزتی ہوتی رہی ہے.
آخری تدوین:
مریم افتخار
محفلین
ہمارے کالج کے طلبا میں سے بلال بھائی وہ واحد ہستی تھے جنہیں باقاعدہ شاعری آتی ہو اور کالج چھوڑنے سے پہلے میرا گول تھا کہ شاعری سیکھنی ہے کیونکہ اونگا بونگا میں بچپن سے لکھ لیتی تھی مگر سنا تھا کہ اسے شاعری نہیں کہتے اور کسے شاعری کہتے ہیں یہ بتانے والا مجھے کوئی نہ تھا. تاہم اب میں اپنے سبھی سٹوڈنٹس کو بتاتی ہوں تاکہ اگر انہیں انٹرسٹ ہو تو انہیں علم ہو کہ کس سمت جانا ہے. ہمارے کالج میں اردو ڈیپارٹمنٹ میں کئی اچھے شعرا استاد تھے اور میرے ذہن میں تھا کہ شاعری سیکھنے کا موقع شاید پھر کبھی نہ مل پائے. مگر وہ بھی بیسک نہیں سکھاتے تھے بلکہ بندہ جب بیسک کرنے جوگا ہو جائے تو مزید تنقید کر سکتے تھے. میں نے اس مقصد کے لیے بلال بھائی سے رابطہ کیا. انہوں نے نہایت تحمل سے مجھے بنیادی باتیں سکھائیں، مشقیں کروائیں اور جب میں نے پہلی تک بندی خود اپنی زمین میں کی تو مجھے محفل کا لنک بھیجا اور اسے محفل پر پوسٹ کرنے کا کہا تاکہ کلام کے وزن میں آنے کے سوا باقی تمام پہلوؤں پر بھی میری تربیت ہو سکے. وہ دن اور آج کا دن.......!
آخری تدوین:
مریم افتخار
محفلین
مجھے La Alma اچھی لگتی ہیں کیونکہ وہ جب بھی کرتی ہیں کسی نا کسی پہلو سے معیاری مراسلہ کرتی ہیں. خود سے بہت بہتر محسوس ہوتی ہیں. اسے جیلسی نہیں کہیں گے.
فرینکلی سپیکنگ لاریب مرزا سے ایک بار ہوئی جب پچھلے دنوں میں نے کسی مراسلے میں 'مَیں' کی جگہ 'ہم' کا صیغہ استعمال کیا تو اسے لاریب مرزا سٹائل قرار دیا گیا.
مریم افتخار
محفلین
جس میں سبھی محفلین کے ٹیلنٹس عروج پر ہوں اور کوئی منفی انداز میں کسی کے اظہار خیال پر جان بوجھ کر طنز نہ کرے ایسا ہر سیکشن یا لڑی میری پسندیدہ ہوتی ہے.
مریم افتخار
محفلین
میں اسے دوبارہ اٹھانے کی عملی طور پر کوشش کروں گی جیسے بھی میرے بس میں ہوا.
مریم افتخار
محفلین
ایسی خالص لڑیاں کہاں پائی جاتی ہیں؟ ٹھہرئیے! کہیں آپ کھیلوں والی لڑیوں کی بات تو نہیں کررہے کیونکہ اپنے عبداللہ محمد بھائی تو زیادہ تر وہیں پائے جاتے ہیں.
عبداللہ محمد
محفلین
دوسرے لفظوں میں کوئی نہیں-
جس میں سبھی محفلین کے ٹیلنٹس عروج پر ہوں اور کوئی منفی انداز میں کسی کے اظہار خیال پر جان بوجھ کر طنز نہ کرے ایسا ہر سیکشن یا لڑی میری پسندیدہ ہوتی ہے.
مریم افتخار
محفلین
تنہائی میں اچھا محسوس ہوتا ہے. ان لوگوں کے جھرمٹ میں رونا آتا ہے جو زبردستی مسلط ہوں اور پھر اپنے کام سےکام بھی نہ رکھیں. ہاں البتہ ایسے رونے کو اس وقت کنٹرول کر کے تنہائی کے لیے اٹھا رکھا جاتا ہے.
ویسے رونے پر بس اتنا غور کیا ہے کہ بڑا اچھا محسوس ہوتا ہے اس لیے کبھی کبھار آنکھوں کو وضو کروا لیناچاہئیے.
مریم افتخار
محفلین
مجھے یقین تھا کہ یہ جواب ضرور آئے گا. ویسے میرے کہنے کا مقصد تھا کہ جب تک کوئی لڑی ایسی رہتی ہے میری پسندیدہ رہتی ہے.دوسرے لفظوں میں کوئی نہیں-
عبداللہ محمد
محفلین
مجھے یقین تھا کہ یہ جواب ضرور آئے گا. ویسے میرے کہنے کا مقصد تھا کہ جب تک کوئی لڑی ایسی رہتی ہے میری پسندیدہ رہتی ہے.
یعنی پہلے دو مراسلوں تک-
مریم افتخار
محفلین
بے سبب اداسی کم ہی ہوتی ہے کیونکہ چاہے جتنی بھی گہری تحقیق کرنی پڑے کر کے میں اس کا سبب نکال لیتی ہوں اور وجہ اس کی یہ ہے کہ میرا خیال ہے کہ تقریبا ہر مسئلے کا حل اور ہر مرض کا علاج ہوتا ہے. ویسے اداسی عام طور پر سب کے درمیان ہی ہوتی ہے. خاص طور پر بہت زیادہ ہلے گلے والی جگہ پر جو میری ٹائپ کا ہلہ گلہ نہ ہو اداسی اور دل مردہ ہونے کی انتہا ہوتی ہے.
مریم افتخار
محفلین
کوئی اللہ کا بندہ اس کو پرمزاح کی ریٹنگ ہی دے دے!ایسی خالص لڑیاں کہاں پائی جاتی ہیں؟ ٹھہرئیے! کہیں آپ کھیلوں والی لڑیوں کی بات تو نہیں کررہے کیونکہ اپنے عبداللہ محمد بھائی تو زیادہ تر وہیں پائے جاتے ہیں.
یاز
محفلین
لڑی کا نام لڑی رکھا ہی اسی لئے گیا ہے جناب۔
مریم افتخار
محفلین
Ignorance is blessing.
ہوسکتا ہے زندگی کی مشکلات کم ہوتیں. ابو کو کہتے سنا ہے کہ تم ایسی کتابیں پڑھ پڑھ کر ہوئی ہو!
مریم افتخار
محفلین
میرا خیال ہے کہ جنہیں لکھنا چاہئیے وہ پڑھ رہے ہیں، جنہیں گانا چاہئیے وہ سن رہے ہیں. میں سمجھتی ہوں کہ ذہنی مشقت انسان کو بہت حد تک جسمانی مشقت سے دور رکھنے کی سازش کرتی ہے. علم کابڑھ جانا اکثر اوقات تشکیک کے بیج بوتا ہے اور کم علم زیادہ یقین سے کر گزرتے ہیں.
عمل نہیں تو کچھ بھی نہیں یہ خاکی اپنی فطرت میں نہ نوری ہے نہ ناری ہے!
آخری تدوین:
مریم افتخار
محفلین
ایسی بہت سی تحاریر ہیں تاہم اس وقت میرے ذہن میں 'یاخدا از قدرت اللہ' ہی آ رہا ہے.
آخری تدوین: