محترم ریحان قریشی کے ساتھ ایک مصاحبہ

[محمد ریحان قریشی]

اگر آپ کسی لمبے سفر پر اکیلے نکل جائیں اور واپسی آپ کے اختیار میں نہ ہو تو کھانے پینے کے علاوہ ساتھ کیا کیا لے جانا پسند کریں گے؟ (یاد رہے کہ وہاں سگنلز نہیں آتے! )

مشکل سوال ہے۔ شاید چند کتابیں۔

 

[محمد ریحان قریشی]

بچوں، جوانوں اور بوڑھوں کو الگ الگ کیا پیغامات دینا پسند کریں گے؟

پیغامات اور نصیحتیں دینا پسند نہیں کرتا۔

 

[مریم افتخار]

اس کے ساتھ ہی انٹرویو ٹیم کی جانب سے سوالات کا سلسلہ اپنے اختتام کو پہنچا. محفلین کی جانب سے ہمارے معزز مہمان کے لیے سوالات کا خیرمقدم کیا جاتا ہے!

 

[محمد عدنان اکبری نقیبی]

محترم محمد ریحان قریشی بھائی السلام علیکم !
چند سوالات کے جوابات آپ سے چاہوں گا ۔

01: کیا آپ یہ سمجھتے ہیں کہ اردو محفل میں تعمیری اور تخلیقی کام کا فقدان ہے ؟
02 : آپ تعلیم کی حصول کے لیے ہاسٹل میں رہائش رکھتے ہیں تو کیا ہاسٹل کا ماحول طالب علم پر منفی رجحان ڈالتا ہے آپ اس بارے میں کیا رائے رکھتے ہیں ؟
03 : اختلاف رائے رکھنا انسانی فطرت کا حصہ ہے یا نفس کی خو، آپ اس بارے میں کیا کہتے ہیں ؟
04 : آپ کے نزدیک آج تک اردو زبان کی سب سے بہترین خدمات کا سہرا کس شخصیت کے سر ہے ؟
05 : کیا آپ کو غصہ آتا ہے ، غصے کی حالت میں آپ کی کیا کیفیت ہوتی ہے ؟

 

[مریم افتخار]

ہاسٹل کا ماحول طالب علم پر منفی رجحان ڈالتا ہے

 

[عبدالقدیر 786]

محترم محفلین! ان شا اللہ ہمارے پیارے محفلین محترم ریحان قریشی صاحب کے ساتھ کل دوپہر 12 بجے ایک مصاحبے کا اہتمام کیا جائے گا۔جس میں محترم عدنان اکبر نقیبی صاحب، محترمہ مریم افتخار صاحبہ، محترم فہد اشرف صاحب اور خاکسار مصاحبہ کمیٹی کی خدمات سر انجام دیں گے۔

 

[عبدالقدیر 786]

محترم محمد ریحان قریشی بھائی السلام علیکم !
چند سوالات کے جوابات آپ سے چاہوں گا ۔

01: کیا آپ یہ سمجھتے ہیں کہ اردو محفل میں تعمیری اور تخلیقی کام کا فقدان ہے ؟
02 : آپ تعلیم کی حصول کے لیے ہاسٹل میں رہائش رکھتے ہیں تو کیا ہاسٹل کا ماحول طالب علم پر منفی رجحان ڈالتا ہے آپ اس بارے میں کیا رائے رکھتے ہیں ؟
03 : اختلاف رائے رکھنا انسانی فطرت کا حصہ ہے یا نفس کی خو، آپ اس بارے میں کیا کہتے ہیں ؟
04 : آپ کے نزدیک آج تک اردو زبان کی سب سے بہترین خدمات کا سہرا کس شخصیت کے سر ہے ؟
05 : کیا آپ کو غصہ آتا ہے ، غصے کی حالت میں آپ کی کیا کیفیت ہوتی ہے ؟

05 جواب غصے میں کئے ہوئے فیصلے پر پچھتانا پڑتا ہے ۔

 

[عبدالقدیر 786]

وہ کیوں وہاں تو سارے پڑھے لکھے لوگ ہوتے ہیں ۔

 

[محمد ریحان قریشی]

کیا آپ یہ سمجھتے ہیں کہ اردو محفل میں تعمیری اور تخلیقی کام کا فقدان ہے ؟

نہیں۔ محفل پر کافی تعمیری اور تخلیقی کام نظر آتا ہے۔ اردو نظم و نثر کے علاوہ اردو کمپیوٹنگ کی دنیا میں بھی محفل کی کافی خدمات ہیں۔

 

[محمد ریحان قریشی]

آپ تعلیم کی حصول کے لیے ہاسٹل میں رہائش رکھتے ہیں تو کیا ہاسٹل کا ماحول طالب علم پر منفی رجحان ڈالتا ہے آپ اس بارے میں کیا رائے رکھتے ہیں ؟

نہیں۔ لیکن میرا تجزیہ ہر شخص کی نمایندگی نہیں کرتا۔

 

[محمد ریحان قریشی]

اختلاف رائے رکھنا انسانی فطرت کا حصہ ہے یا نفس کی خو، آپ اس بارے میں کیا کہتے ہیں ؟

نفس کی خو کو غیر فطری کیونکر سمجھا جائے؟

 

[محمد ریحان قریشی]

آپ کے نزدیک آج تک اردو زبان کی سب سے بہترین خدمات کا سہرا کس شخصیت کے سر ہے ؟

کسی ایک شخصیت کا انتخاب کرنا ناانصافی ہوگی۔ کئی شخصیات تمام عمر اس کارِخیر کی نذر کر چکی ہیں۔ ہر شخص مختلف صلاحیتوں کا حامل ہوتا ہے ۔ سپرمین کوئی نہیں ہوتا لیکن شہرت کسی کسی کو نصیب ہوتی ہے۔ کیسے کمال لوگ ہوتے ہیں جو دنیا بدل دیتے ہیں اور دنیا کو خبر تک نہیں ہوتی۔
ان سے بھی زیادہ کمال کے وہ ہوتے ہیں جنھیں خود بھی خبر نہیں ہوتی۔

 

[محمد ریحان قریشی]

کیا آپ کو غصہ آتا ہے ، غصے کی حالت میں آپ کی کیا کیفیت ہوتی ہے ؟

دوسروں پر کم اور خود پر زیادہ آتا ہے۔ یہ کیفیت بھی زیادہ دیر تک نہیں رہتی۔

 

[لاریب مرزا]

1. محمد ریحان قریشی آپ اگرچہ ابھی کافی کم عمر ہیں لیکن پھر بھی شاعری کے زمرے میں اساتذہ کی طرح اصلاحات پیش کرتے ہیں۔ کمرہ جماعت میں بحثیت طالبعلم آپ کا رویہ کیسا ہے؟؟
2. آپ دوست جلد بنا لیتے ہیں یا وقت لگتا ہے؟؟
3. اپنے ہم عمر ساتھیوں سے ذہنی طور پر فاصلہ محسوس کرتے ہیں یا نہیں؟؟
4. چھوٹے بہن بھائیوں کے ساتھ کیسے تعلقات ہیں؟؟

 

[محمد تابش صدیقی]

محفل پر آپ کو ایک عرصہ تک اس پریشانی کا سامنا رہا کہ لوگ آپ کی عمر تسلیم نہیں کرتے تھے۔ کیا حقیقی زندگی میں کسی نے یہ بات کی کہ باتوں سے آپ اپنی عمر سے بڑے لگتے ہیں؟

اور محفل پر یہ شک ناگوار گزرا یا اسے کمپلیمنٹ کے طور پر لیا؟

 

[محمد ریحان قریشی]

کمرہ جماعت میں بحثیت طالبعلم آپ کا رویہ کیسا ہے؟؟

خاموش رہتا ہوں۔ لیکچر توجہ سے سننے کی کوشش کرتا ہوں۔ اگر طبیعت سننے پر آمادہ نہ ہو تو صرف خاموش رہتا ہوں۔

 

[محمد ریحان قریشی]

آپ دوست جلد بنا لیتے ہیں یا وقت لگتا ہے؟؟

وقت لگتا ہے۔

 

[محمد ریحان قریشی]

اپنے ہم عمر ساتھیوں سے ذہنی طور پر فاصلہ محسوس کرتے ہیں یا نہیں؟؟

یہ سوال سمجھ نہیں آیا۔

 

[زیک]

اپنے ہم عمر ساتھیوں سے ذہنی طور پر فاصلہ محسوس کرتے ہیں یا نہیں؟؟

یہ سوال سمجھ نہیں آیا۔

ذہنی فاصلہ!

 

[لاریب مرزا]

یہ سوال سمجھ نہیں آیا۔

معاف کیجیے گا۔ ابلاغ کے مسائل ہمیں اکثر ہی رہتے ہیں۔ ہمارا مطلب تھا کہ آپ کی عمر کے لڑکے بالے ذہنی طور پر اتنے میچور نہیں ہوتے جتنے آپ ہیں۔ اس عمر میں لڑکوں میں کھلنڈرا پن، بے فکری، موج مستی عام دیکھنے کو ملتی ہے۔ سوال یہ تھا کہ اپنے ہم عمر لڑکوں میں کبھی ایسا محسوس کیا کہ آپ کا رویہ یا سوچ ان سے الگ تھلگ ہے؟؟