میں نے بھی اپنی طرف سے کوئی کسر نہیں چھوڑی تھی اسے اقبال سے منسوب کرنے کی۔ پر افسوس۔
میں تو بھائی م حمزہ ہی سمجھا تھا ۔ بعد میں غور کرنے پر پتہ چلا کہ کوئی اور ہوں گے۔
2015 کے اوائل کی بات ہے ایک جاننے والے نے مجھے واٹس اپ پرکئی مزاحیہ پیغامات ارسال کئے۔ مجھے اچھے لگے۔ تجسس نے چین سے رہنے نہیں دیا۔ گوگل میں ڈھوںڈا اور سیدھے یہاں۔ پھر جب ورق گردانی کی تو کئی اچھے مضامین نظر آئے ۔ خاص طور سے مذہبی مضامین پر جو بحث یہاں ہوتی تھی وہ میری دلچسپی کے مرکز بن گئے۔ لیکن مجھے خاموش قاری بن کر رہنا زیادہ اچھا لگا۔ اس لئے رکنیت اختیار نہیں کی۔
میں نے اوپر ذکر کیا تھا کہ میرا پسندیدہ نعت خواں میرا بھانجا ہے۔ شکیل احمد۔
ہر وہ زمرہ جہاں سے مجھے کچھ سیکھنے کو مل جائے۔ الغرض پوری اردو محفل۔ البتہ شاعری مجھے زیادہ سمجھ نہیں آتی۔
متاَثر ہونا الگ بات ہے اور عزت کرنا الگ۔ عزت میں سب کی کرتا ہوں، بڑوں کی بھی اور چھوٹوں کی بھی۔ اور سب سے سیکھ بھی رہا ہوں۔ لیکن متاَثر ہونے میں وقت لگتا ہے۔ اور میں ابھی نیا ہی ہوں۔
درجہ بندی نہیں کرسکتا۔ ناممکن۔ کیوںکہ مجھے سب کے سب پسند ہیں۔ پسند سب اس لئے ہیں کہ سب کو اسی اللہ نے پیدا کیا جس نے مجھے کیا ہے۔ اللہ کی تخلیق کو ناپسند کیسے کروں۔
کچھ بحث و مباحثے بہت ہی اچھے ہوتے ہیں جیسے شاعری یا ٹیکنالوجی کے متعلق۔ یا کبھی سیاست یا مذہب کی باپت۔ کبھی کچھ خامیاں بھی نظر سے گزرتی ہیں لیکن اتنے بڑے پلیٹ فارم پر اور اتنی ڈائیورسٹی میں ایسا ہونا کوئی اچھنبا نہیں ہے۔ ایک جگہ کسی صاحب نے قران کے یا تفسیر کے متعلق رائے دریافت کی تھی کہ وہ کونسا پڑھے۔ پھر جتنے اور جیسے اس کو جواب ملے ، اللہ خیر کرے۔
میں منتظمین اور تمام محفلین کو دل سے مبارک باد دیتا ہوں جنہوں نے اتنا گراں قدر کارنامہ سرانجام دیا ہے۔ جتنا کام یہاں پہ ہوا ہے یہ کوئی معمولی بات نہیں ہے۔ اور رضاکارانہ طور پر!!! دل سے دعا نکلتی ہے سب کیلئے خاص طور سے ابتداء سے لیکر آج تک جتنے بھی اس محفل کو منتظمین یا مدیران ملے ہیں ان کیلئے۔ اردو داں طبقہ خصوصاً جو اس محفل سے فیض حاصل کرے ان منتظمین و مدیران کا مرہونِ منت رہنا چاہیے۔ خیر اس پر پھر کبھی قلم، میرا مطلب کی بورڈ کا استعمال کروںگا۔ اس وقت اتنا ہی کافی ہے۔
دینار کتنے ملیں گے؟
کاش ایسا ہوتا کہ سب سے مل سکتا!
سب سے پہلے جس کی آپ کو اور مجھے سب سے زیادہ ضرورت ہے ایسا سافٹ وئر بنایا جائے جو اردو میں لکھی جارہی املا کی غلطیوں کی ساتھ ساتھ ہی نشاندہی کرے جیسا کہ مائیکرو سافٹ آفس میں ہوتا ہے۔
بالکل نہیں۔ اللہ ایسا دن نہ لائے۔ اس سے بہتر تو ہے کہ میں خود ہی محفل چھوڑ دوں۔
تو پہلا سوال یہ ہے کہ وہاں پردیس میں کون کون سا کھانا بنانا سیکھا ہے؟
فول تو بہت زیادہ کھاتے ہیں عرب والے۔ مصر کے کچھ لوگوں کے ساتھ میں نے کام کیا ہوا ہے، وہ لوگ تقریبا روزانہ ہی فول بنایا کرتے تھے۔ (مجھے نہیں)