معذرت تجھ سے بے انتہا معذرت۔ فاتح الدین بشیر

[عینی شاہ]

اتنی مشکل معذرت ۔۔۔۔۔۔۔۔۔۔۔۔۔۔۔۔ایک بھی لفظ سمجھ نہی آئی تو اپ کی معزرت ناٹ ایکسیپٹیڈ فاتح بھائی

 

[مزمل شیخ بسمل]

اس پذیرائی پر ممنون ہوں مزمل۔ جیتے رہو

آپ ممنون ہیں؟
لیکن غزل تو فاتح بھائی کی ہے نا؟

 

[فاتح]

فاتح بہت خوب
میں معذرت چاہتاہوں میرے پاس داد کے لئے الفاظ نہیں ہیں

آپ کے یہ الفاظ ہی ہمارے لیے اثاثہ ہیں

 

[فاتح]

اتنی مشکل معذرت ۔۔۔ ۔۔۔ ۔۔۔ ۔۔۔ ۔۔۔ ۔ایک بھی لفظ سمجھ نہی آئی تو اپ کی معزرت ناٹ ایکسیپٹیڈ فاتح بھائی

آیندہ آسان معذرت کر لیں گے

 

[فاتح]

آپ ممنون ہیں؟
لیکن غزل تو فاتح بھائی کی ہے نا؟

جب سے ممنون صدرِ پاکستان بنے ہیں تب سے انہی کا ذکر ہے ہر جگہ

 

[مزمل شیخ بسمل]

جب سے ممنون صدرِ پاکستان بنے ہیں تب سے انہی کا ذکر ہے ہر جگہ

جناب آپ تو پہلے سے ممنون ہیں۔ جبکہ ممنون کو صدر ہوئے جمعہ جمعہ چھ دن ہوئے ہیں۔

 

[فاتح]

جناب آپ تو پہلے سے ممنون ہیں۔ جبکہ ممنون کو صدر ہوئے جمعہ جمعہ چھ دن ہوئے ہیں۔

بس تب سےہماری ممنونیت میں اضافہ ہو گیا ہے

 

[صائمہ شاہ]

صائمہ کہیں آپ ہمیں تو نہیں یاد فرما رہی تھیں
لیجیئے جناب حاضر خدمت ہیں ۔۔کیا کرنا ہے بتایئے

وہی جو ہم ہمیشہ کرتے ہیں

 

[عینی شاہ]

آیندہ آسان معذرت کر لیں گے

اب دیکھیں نا سوری بھی کرے بندہ تو ذرا ایزی وے میں ہی کر لے ۔۔ہے نا بھئی

 

[عینی شاہ]

وہی جو ہم ہمیشہ کرتے ہیں

یہ آپ اور آپا کیا کرتی ہیں مجھے بھی بتائیں ۔۔میں نے بھی کرنا ہے

 

[جیہ]

اہلِ محفل سے معذرت کے ساتھ ایک تازہ غزل

ساعتِ وصل اور اتِّقا! معذرت
نعمتِ دید پر اکتفا، معذرت

تجھ سے رشتہ فقط روح کا تھا مگر
کھینچ لائی کہاں اشتہا، معذرت

ایک لغزش کا سرنامہ ہے زندگی
آدمیّت کی تھی ابتدا معذرت

ربطِ دائم ہو تعبیر اس خواب کی
دیکھنا گاہ گاہ التجا معذرت

دعوے پندار کے سب دھرے رہ گئے
اُس کے آگے فقط اِدِّعا معذرت

جب کمالِ محبت پہ فائز ہوا
میں ہوا منکرِ ارتقا، معذرت

میرا آنسو تری معذرت کا سبب
معذرت تجھ سے بے انتہا معذرت

تھا حقیقت کشا پھر بھی دبتا گیا
تیرے شکووں تلے اک گلا معذرت

میرے غم خوار نے تجھ سے بارے مرے
باندھے کیا کیا نہیں افترا معذرت

میرا دیوان مجموعہ آلام کا
ہر ورق شکوۂ ابتلا، معذرت

ہم طرفدار غالب کے ہیں، کب ہوئی
شعر میں میر کی اقتدا، معذرت

جانے مرنے میں تاخیر کیوں ہو گئی
جو بھی تھی علّتِ التوا، معذرت

وقتِ مرگ آ گیا، نعرۂ الفراق!
جسم سے روح کا انخلا، معذرت
فاتح الدین بشیرؔ​

اتنے دنوں کے بعد آج پہلی مرتبہ اس شاہ کار غزل کو سنجیدگی سے پڑھا۔ لاجواب
فاتح بھائی آپ نے کمال کیا ہے، اس کے سوا میں کیا کہوں۔ آج کل اسی محفل پر جون ایلیا کے "بے مثال" شعر پڑھ رہی ہوں، جس پر بہت سے دوست واہ واہ کر رہے ہیں۔ کوئی ان کو سمجھائے کہ شاعری کیا ہوتی ہے، زبان و بیان کس چڑیا کا نام ہے۔

اس غزل کا ہر شعر بیت الغزل ہے مگر یہ شعر

ایک لغزش کا سرنامہ ہے زندگی
آدمیّت کی تھی ابتدا معذرت​

تو سبحان اللہ

 

[فاتح]

اتنے دنوں کے بعد آج پہلی مرتبہ اس شاہ کار غزل کو سنجیدگی سے پڑھا۔ لاجواب
فاتح بھائی آپ نے کمال کیا ہے، اس کے سوا میں کیا کہوں۔ آج کل اسی محفل پر جون ایلیا کے "بے مثال" شعر پڑھ رہی ہوں، جس پر بہت سے دوست واہ واہ کر رہے ہیں۔ کوئی ان کو سمجھائے کہ شاعری کیا ہوتی ہے، زبان و بیان کس چڑیا کا نام ہے۔

اس غزل کا ہر شعر بیت الغزل ہے مگر یہ شعر

ایک لغزش کا سرنامہ ہے زندگی
آدمیّت کی تھی ابتدا معذرت​

تو سبحان اللہ

بہت شکریہ جیہ جیتی رہیں۔ ویسے تو شاید ہمیں بھی پہلی مرتبہ ہی آپ کی جانب سے ہماری غزل پر سنجیدہ تبصرہ پڑھنے کو ملا ہے۔ اچھا لگا ۔

 

[محمود احمد غزنوی]

غزل کہتے رہیں، واہ سنتے رہیں
آپکی نذر بس یہ دعا، معذرت

 

[آبی ٹوکول]

تجھ سے رشتہ فقط روح کا تھا مگر
کھینچ لائی کہاں اشتہا، معذرت

ایک لغزش کا سرنامہ ہے زندگی
آدمیّت کی تھی ابتدا معذرت
میرا آنسو تری معذرت کا سبب
معذرت تجھ سے بے انتہا معذرت
واہ واہ واہ سبحان اللہ کیا معذرت ہے مزہ آگیا

 

[عمراعظم]

مجھے یہ تو معلوم نہیں کہ ردیف اور قافیہ کس مخلوق کو کہتے ہیں،البتہ آپ کی تخلیق کردہ غزل دل کو چھو گئی،پیوست ہو گئی۔میرے لیئے تو اچھے اشعار کا پیمانہ صرف یہی ہے۔ اللہ آپ کو اچھی صحت کے ساتھ ہمیشہ خوش رکھے اور ایسی ہی تخلیقات آپ کے قلم سے رواں ہوتی رہیں۔آمین

 

[غ۔ن۔غ]

تھا حقیقت کشا پھر بھی دبتا گیا
تیرے شکووں تلے اک گلا معذرت

بہت ساری داد فاتح بھائی

 

[فاتح]

غزل کہتے رہیں، واہ سنتے رہیں
آپکی نذر بس یہ دعا، معذرت

بہت شکریہ جناب عالی
دعا پر معذرت؟

 

[فاتح]

تجھ سے رشتہ فقط روح کا تھا مگر
کھینچ لائی کہاں اشتہا، معذرت

ایک لغزش کا سرنامہ ہے زندگی
آدمیّت کی تھی ابتدا معذرت
میرا آنسو تری معذرت کا سبب
معذرت تجھ سے بے انتہا معذرت
واہ واہ واہ سبحان اللہ کیا معذرت ہے مزہ آگیا

سراہنے پر ممنون ہوں جناب

 

[فاتح]

مجھے یہ تو معلوم نہیں کہ ردیف اور قافیہ کس مخلوق کو کہتے ہیں،البتہ آپ کی تخلیق کردہ غزل دل کو چھو گئی،پیوست ہو گئی۔میرے لیئے تو اچھے اشعار کا پیمانہ صرف یہی ہے۔ اللہ آپ کو اچھی صحت کے ساتھ ہمیشہ خوش رکھے اور ایسی ہی تخلیقات آپ کے قلم سے رواں ہوتی رہیں۔آمین

خوبصورت دعا اور پذیرائی پر شکریہ

 

[فاتح]

تھا حقیقت کشا پھر بھی دبتا گیا
تیرے شکووں تلے اک گلا معذرت

بہت ساری داد فاتح بھائی

بہت شکریہ بھابھی۔ یہ غزل تو بھاگوان ثابت ہوئی کہ اس بہانے آپ تشریف لائیں۔