منتخب اشعار برائے بیت بازی!

[فریب]

نہیں مجھ میں کوئی بھی دلکشی، نہ غزال ہوں نہ غزل ہوں میں
جو کھلا ہے درد کی جھیل میں، وہ قتیل نیل کنول ہوں میں۔۔۔

 

[ماوراء]

نہ جانے کون دعاؤں میں یاد رکھتا ہے
میں ڈوبتا ہوں سمندر اچھال دیتا ہے

 

[فریب]

یہی نا کہ دنیا ملامت کرے گی، ہمی پہ بہکنے کا الزام رکھ دو
جو تم میں نہیں حوصلہ مے کشی کا، خدا کی لیے ہاتھ سے جام رکھ دو

 

[الف نظامی]

وحشت میں بھی جمالِ شگفتہ کا تھا خیال
صحرا میں رہ کے بھی میری جھولی میں پھول تھا

 

[الف عین]

اسی رہ سے گزرے تھے اور لوگ بھی میرے بعد
مرے نقش پا کو مٹا کے یار چلے گئے۔
ی ۔۔۔۔

 

[ماوراء]

يہ عالم شوق کا ديکھا نہ جائے
وہ بت ہے يا خدا، ديکھا نہ جائے
يہ کن نظروں سے تو نے آج ديکھا
کہ تيرا ديکھنا، ديکھا نہ جائے

 

[الف عین]

یوں گم تھا دل شناخت نہیں کر سکے اسے
جب آئی سامنے تری صورت کبھی کبھی

 

[ماوراء]

یہ پھول مجھے کوئی وراثت میں نہیں ملے ہیں
تم نے مرا کانٹوں بھرا بستر نہیں دیکھا

 

[الف نظامی]

اتنا تو احساس ہو اب پیشوائے قوم کو
دامن دل اب ہے احساسِ زیاں سے بھی تہی

 

[ماوراء]

یہ جو زندگی کی کتاب ہے یہ کتاب بھی کیا کتاب ہے
کہیں اک حسیں سا خواب ہے کہیں جان لیوا عذاب ہے

 

[الف نظامی]

یہ غازی یہ تیرے پراسرار بندے
جنہیں تو نے بخشا ہے ذوقِ خدائی
دو نیم ان کی ٹھوکر سے صحرا و دریا
سمٹ کر پہاڑ ان کی ہیبت سے رائی
دو عالم سے کرتی ہے بیگانہ دل کو
عجب چیز ہے لذتِ آشنائی
شہادت ہے مطلوب و مقصود مومن
نہ مالِ غنیمت نہ کشور کشائی

 

[افتخار راجہ]

ی

یہ مشت خاک، یہ صر صر، یہ وسعتِ افلاک
کرم ہے یا کہ سِتم تری لذتِ ایجاد!

اور د

 

[الف نظامی]

در دلِ مسلم مقامِ مصطفے است
آبروئے ما ز نام مصطفے است

 

[ماوراء]

تم لاکھ چھپاؤ چہرے سے احساس ہماری چاہت کا
دل جب بھی تمہارا دھڑکا ہے آواز یہاں تک آئی ہے

 

[الف نظامی]

یہ تو طیبہ کی محبت کا اثر ہے ورنہ
کون روتا ہے لپٹ کر در ودیوار کے ساتھ

 

[الف عین]

ہم کہاں کے دانا تھے کس ہنر میں یکتا تھے
بے سبب ہوا غالب دشمن آسماں اپنا۔

 

[الف نظامی]

ابتدا ہی میں مرگئے سارے
عشق کی کون انتہا لایا

 

[سیفی]

آفاق کی منزل سے کون گیا سلامت
سامان لٹا راہ میں یاں ہر سفری کا

 

[الف نظامی]

اے شمع تجھ پہ رات یہ بھاری ہے جس طرح
میں نے تمام عمر گزاری ہے اس طرح

 

[الف عین]

ابھی تو وہی شعر یاد آ رہا ہے جو ٹرکوں وغیرہ پر لکھا ہوتا ہے:
حقیقت چھپ نہیں سکتی بناوٹ کے اصولوں سے
کہ خوشبو آ نہیں سکتی کبھی کاغذ کے پھولوں سے
ی سے۔