منتخب اشعار برائے بیت بازی!

[ثناءاللہ]

اعجاز اختر صاحب:

ترے ہی نام کا حصہ بنا رہے تا حشر
سوائے اس کے بھلا میرا نام کیا کرتا

اب دامن حیات میں کچھ بھی نہیں‌رہا
فردا کی سردا آگ میں حالات جل گئے

اور شمشاد بھائی :

یارب وہ نہ سمجھے ہیں، نہ سمجھیں گے مری بات
دے اور دل ان کو، جو نہ دے مجھے کو زباں اور

اب میں یہ آپ دونوں حضرات پر فیصلہ چھوڑتا ہوں کہ آپ ر سے شروع کرنا چاہتے ہیں یا کہ ی سے

 

[شمشاد]

میں ‘ر‘ سے شعر دے دیتا ہوں :

رقص کرنے کا ملا حکم جو دریاؤں میں
ہم نے خوش ہو کے بھنور باندھ لیئے پاؤں میں

ان کو بھی ہے کسی بھیگے ہوئے منظر کی تلاش
بوند تک بو نہ سکے جو کبھی صحراؤں میں
(قتیل شفائی)

 

[الف عین]

نگر نگر کی گلی گلی میں سنّاٹا تھا چپ
دھرتی پر اک پیڑ اکیلا، گگن پہ تارا چُپ۔
اب پ سے for a change

 

[شمشاد]

پا بہ گل سب ہیں رہائی کی کرئے تدبیر کون
دسب بستہ شہر میں کھولے میری زنجیر کون

میرا سر حاضر ہے لیکن میرا منصف دیکھ لے
کر رہا ہے میری فردِ جرم کو تحریر کون
(پروین شاکر)

(اعجاز بھائی پ سے change اچھی لگی اور اتفاق سے شاعرہ بھی پ سے ہی ہے)

 

[الف عین]

نہ جانے اوروں کو میں کس طرح کا لگتا ہوں
یہ آرزو ہے کہ باہر سے دیکھ لوں خود کو
یہ شعر بھی اکثر اشعار کی طرح مابدولت کا ہے۔

 

[شمشاد]

وہی تاج ہے وہی تخت ہے، وہی زہر ہے وہی جام ہے
یہ وہی خدا کی زمین ہے، یہ وہی بتوں کا نظام ہے

بڑے شوق سے میرا گھر جلا، کوئی آنچ نہ تجھ پہ آئے گی
یہ زباں کسی نے خرید لی، یہ قلم کسی کا غلام ہے
(بشیر بدر)

 

[ثناءاللہ]

یہ دور اپنے براہیم کی تلاش میں ہے
صنم کدہ ہے جہاں، لا الہ الا اللہ

 

[شمشاد]

ہم ہیں متاعِ کوچہ و بازار کی طرح
اٹھی ہے ہر نگاہ خریدار کی طرح

اس کوئے تشنگی میں بہت ہے کہ اک جام
ہاتھ آ گیا ہے دولتِ بیدار کی طرح
(مجروع سلطانپوری)

 

[فرذوق احمد]

حقوق کی تلاش دربدر پھیرے
نہ جانے کتنی عورتوں نے اپنے گھر جلائے

فرزوق

 

[الف عین]

فرزوق مزا نہیں آیا ح سے شعر کا۔ اب مجھے یاد آ گیا ہے تو میں دوبارہ دے دوں گالب کا:
حلقے ہیں چشم ہائے کشادہ بسوئے دل
ہر تارِ زلف کو نگہِ سُرمہ سا کہوں

 

[فرذوق احمد]

اعجاز بھائی مجھے کوئی یاد نہیں آرہا تھا ۔۔۔۔۔۔۔۔ اس لیے میں نے اپنے پاس سے بنا کر لکھ دیا

نیندوں کے دیس جاتے کوئی خواب دیکتھے
لیکین دیا جلانے سے فرصت نہیں ملی
تجھکو تو خیر شہر کے لوگوں کا خوف تھا
اور مجھے اپنے گھر سے اجازت نہیں ملی

نوشی گیلانی

 

[شمشاد]

یہ جو ہم ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں

وہ آئے گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں
(مرزا غالب)

 

[شمشاد]

حقوق کی تلاش دربدر پھیرے
نہ جانے کتنی عورتوں نے اپنے گھر جلائے

فرزوق

فرزوق اگر آئندہ تم نے ایسے الٹے سیدھے شعر لکھے تو میں تمہاری پوسٹ delete کر دوں گا۔

 

[فرذوق احمد]

سوری شمشاد بھائی اب نہیں لکھوں گا ،

یہی بہار ہے میری کہ میں گزرتا ہوں
ہر ایک شجر کو ہرا بناتا ہوا
صابر ظفر

 

[الف عین]

آبرو کیا خاک اُس گُل کی کہ گلشن میں نہیں
ہے گریبان ننگِ پیراہن جو دامن میں نہیں

 

[فرذوق احمد]

نہ کوئی خواب نہ سہیلی تھی
اس محبت میں ،میں اکیلی تھی
نوشی گیلانی

 

[شمشاد]

نامہ گیا کوئی نہ کوئی نامہ بر گیا
تیری خبر نہ آئی زمانہ گزر گیا

ہنستا ہوں یوں کہ ہجر کی راتیں گزر گئیں
روتا ہوں یوں کہ لطفِ دعائے سحر گیا
(سیماب اکبر آبادی)

 

[فرذوق احمد]

اس درجہ عشق مئوجبِ رسوائی بن گیا
میں آپ اپنے گھر کا تماشائی بن گیا

 

[تیشہ]

اب بھی روشن ہے زندگی اس سے
اب بھی صورت ہے دلنیشن اس کی ، ۔۔

 

[الف عین]

کل تلک تیرا بھی دل مہرووفا کا باب تھا
یاد کر وہ دن کہ ہر یک حلقہ تیرے دام کا