منتخب اشعار برائے بیت بازی!

[شمشاد]

نہ جانا آج تک کیا صحیح خوشی ہے
ہماری زندگی بھی زندگی ہے

تیرے غم سے شیکایت سی رہی ہے
مجھے سچ مچ بڑی شرمندگی ہے
(فراق گورکھپوری)

 

[الف عین]

یہ اور بات نام ہمارا نہیں لیا
ورنہ کسی کے لہجے میں کتنی مٹھاس ہے

 

[شمشاد]

یہ بھی کیا شامِ ملاقات آئی
لب پہ مشکل سے تیری بات آئی
(ناصر کاظمی)

 

[الف عین]

یہ میرا کیا پاگل پن ہے
کیسی الٹی سوچ لگی ہے
میرے بنا کیا کھایا تو نے
جانے کیا ساری پہنی ہے۔

 

[شمشاد]

یہ ضروری نہیں ہر شخص مسیحا ہی ہو
پیار کے زخم امانت ہیں دیکھایا نہ کرو
(محسن نقوی)

 

[الف عین]

واں کرم کو عذرِ بارش تھا عناں گیرِ خرام
گریے سے یاں پنبہٴ بالش کف سیلاب تھا

پھر غالب

 

[شمشاد]

اپنے ہاتھوں سے یوں چہرے کو چھپاتے کیوں ہو
مجھ سے شرماتے ہو تو سامنے آتے کیوں ہو

 

[الف نظامی]

وہ دانائے سبل ختم الرسل مولائے کل جس نے

غبار راہ کو بخشا فروغ وادی سینا​

نگاہ عشق و مستی میں وہی اول وہی آخر

وہی قرآں وہی فرقاں وہی یسیں وہی طہ​

 

[الف عین]

ہم کہاں کے دانا تھے، کس ہٗنر میں یکتا تھے
بے سبب ہوا غالب دشمن آسماں اپنا

 

[الف عین]

اک گرم آہ کی تو ہزاروں کے گھر جلے
رکھتے ہیں عشق میں یہ اثر ہم جگر جلے

 

[الف نظامی]

یہ تیرے کرم کا صدقہ ہے یہ تیری نظر کا جادو ہے
[align=left:a502f1c2ec]ہے دل میں تیرا سودا جب سے کہتے ہیں مجھے سب سودائی[/align:a502f1c2ec]
ہر سانس میں تیرا نام لیا ہر بار پکارا ہے تجھ کو
[align=left:a502f1c2ec]ہے یاد تری نس نس میں بسی تو ملجائی تو ماوائی[/align:a502f1c2ec]
از واصف علی واصف

 

[الف عین]

یک قلم کاغذِ آتش زدہ ہے صفحۂ دشت
نقشِ پا میں ہے تپِ گرمئ رفتار ہنوز

 

[الف نظامی]

زاہدِ تنگ نظر نے مجھے کافر جانا
اور کافر یہ سمجھتا ہے مسلماں ہوں میں

 

[الف عین]

نہ گل نغمہ ہوں نہ پردۂ ساز
میں ہوں اپنی شکست کی آواز

 

[شمشاد]

زبان سخن کو سخن بانکپن کو ترسے گا
سخن کدہ میری طرزِ سخن کو ترسے گا
(ناصر کاظمی)

 

[F@rzana]

میں ہوں مجبور پر اللہ تو مجبور نہیں
تجھ سے میں دور سہی وہ تو مگر دور نہیں
۔
۔
۔

 

[شمشاد]

نازکی اس کے لب کی کیا کہیے
پنکھڑی اک گلاب کی سی ہے

 

[F@rzana]

تم یاد آتے ہو

تصور میں تمہارے سنگ بیتی بارشیں اکثر تمہیں آواز دیتی ہیں
نگاہوں میں تمہاری دھوپ کا اک دیپ جلتا ہے مجھے تم یاد آتے ہو

کسی فٹ پاتھ پر بازار میں باغات میں یا پھر کسی دریا کنارے پر
بہت خوش ہوکے جب کوئی کسی کے ساتھ چلتا ہے مجھے تم یاد آتے ہو۔

 

[شمشاد]

میں یاد آتا ہوں، چلیں یہ تو مان لیا (J/K)

لیکن شعر تو آپ کو حرف ‘ ی ‘ سے دینا تھا، یہ بیت بازی کا دھاگہ ہے۔

 

[F@rzana]

چہرا میرا ہو نگاہیں اس کی تو یادیں باتین سب کچھ گڈ مڈ ہو جاتی ہیں، واہ رے خوش فہمی
لیجئے “یہ“ بھی حاضر ہے

یہ جان کر بھی کہ دونوں کے راستے تھے الگ
عجیب حال تھا جب اس سے ہورہے تھے الگ

یہ حرف و لفظ ہیں دنیا سے گفتگو کے لئے
کسی سے ہم سخنی کے مکالمے تھے الگ