میرے پسندیدہ اشعار

[سیما علی]

امیدِ پرسشِ غم کس سے کیجئے ناصر
جو اپنے دل پہ گزرتی ہے کوئی کیا جانے
(ناصر کاظمی)

 

[سیما علی]

اس کی حسرت ہے جسے دل سے مٹا بھی نہ سکوں
ڈھونڈنے اس کو چلا ہوں جسے پا بھی نہ سکوں
(امیر مینائی)

 

[سیما علی]

آیا ہی تھا ابھی میرے لب پر وفا کا نام
کچھ دوستوں نے ہاتھ میں پتھر اٹھا لئے
(ناصر کاظمی)

 

[سیما علی]

افسوس سے اغیّار نے کیا کیا نہ ملے ہاتھ
وہ بزم سے جب ہاتھ مِرا تھام کے اٹھے
بیخود دہلوی

 

[سیما علی]

ہم کیا کریں اگر نہ تری آرزو کریں ۔۔۔۔!
دنیا میں اور کوئی بھی تیرے سوا ہے کیا

مولانا حسرت موہانی

 

[سیما علی]

عشق میں جان سے گزُر جائیں
اب یہی جی میں ہے، کہ مر جائیں
شب وہی شب ہے، دن وہی دن ہیں
جو تِری یاد میں گزُر جائیں
مولانا حسرت موہانی

 

[سیما علی]

ﮔﺎﮬﮯ ﮔﺎﮬﮯ ﮐﯽ ﻣﻼﻗﺎﺕ ﮬﯽ ﺍﭼﮭﯽ ﮬﮯ ﺍﻣﯿﺮ...!!
ﻗﺪﺭ ﮐﮭﻮ ﺩﯾﺘﺎ ﮬﮯ ﮬﺮ ﺭﻭﺯ ﮐﺎ ﺁﻧﺎ ﺟﺎﻧﺎ...!!

امیر مینائی

 

[سیما علی]

دو وقت مجھ پر کٹھن گزرے ہیں ساری عمر میں
اک ترے آنے سے پہلے، اک ترے جانے کے بعد
)داغ دہلوی(

 

[سیما علی]

بدلی ہوئی نگاہ کو پہچانتا ہوں میں
دینے لگے پھر آپ فریبِ نظر مجھے

لے جاؤ ساتھ ہوش کو، اے اہلِ ہوش جاؤ
ہے خوب اپنی بےخبری کی خبر مجھے
حفیظ جالندھری

 

[سیما علی]

یہ رکے رکے سے آنسو، یہ دبی دبی سی آہیں

یونہی کب تلک خدایا، غمِ زندگی نبھائیں

(مجروح سلطان پوری)

 

[سیما علی]

سونپا ہے کیا جنوں نے گریبان کو مرے
لیتا ہے اب حساب جو یہ تار تار کا
مرزا رفیع سودا

 

[حسرت جاوید]

دو وقت مجھ پر کٹھن گزرے ہیں ساری عمر میں
اک ترے آنے سے پہلے، اک ترے جانے کے بعد
)داغ دہلوی(

واہ۔
یہاں وَقْت کو وَقَت باندھا گیا ہے میرے خیال سے، کیا اسے درست تسلیم کیا جاتا ہے؟

 

[شمشاد]

ہم کو یاروں نے یاد بھی نہ رکھا
جونؔ یاروں کے یار تھے ہم تو
جون ایلیا

 

[سیما علی]

وہ روح میں خوشبو کی طرح ہو گیا تحلیل
جو دور بہت چاند کے ہالوں کی طرح تھا

 

[یاسر شاہ]

ہم اہل ہوس عشق کے قابل ہی کہاں تھے
لیکن تری الفت کا ہمیں پاس بہت ہے

ہم کوئے ملامت میں بھی رہ لیں گے خوشی سے
اک اہل محبّت ہے اگر پاس ،بہت ہے

 

[محمد شان محسن]

اس نے تحفے میں اک گھڑی دی تھی
میں برے وقت میں پہنتا ہوں

تحسین اقبال

 

[گُلِ یاسمیں]

خالی ہے ابھی جام میں کچھ سوچ رہا ہوں
اے گردش ایام میں کچھ سوچ رہا ہوں

ساقی تجھے اک تھوڑی سی تکلیف تو ہوگی
ساغر کو ذرا تھام میں کچھ سوچ رہا ہوں
عبد الحمید عدم

 

[شمشاد]

نہ ہم سفر نہ کسی ہم نشیں سے نکلے گا
ہمارے پاؤں کا کانٹا ہمیں سے نکلے گا
راحت اندوری

 

[شمشاد]

گزشتہ سال کوئی مصلحت رہی ہوگی
گزشتہ سال کے سکھ اب کے سال دے مولا
لیاقت علی عاصم

 

[گُلِ یاسمیں]

پیاس صحراؤں کی پھر تیز ہُوئی
اَبر پھر ٹوٹ کے برسا،لوگو
پروین شاکر