میرے پسندیدہ اشعار

[گُلِ یاسمیں]

گلے لگ کر ہم اس کے، خوب روئے
خوشی اک دن ملی تھی راہ چلتے

 

[گُلِ یاسمیں]

ایک دیوانہ یہ کہتے ہوئے ہنستا جاتا
کاش منزل سے بھی آگے کوئی رستا جاتا
اے میرے ابر گریزاں مری آنکھوں کی طرح
گر برسنا ہی تجھے تھا تو برستا جاتا

احمد فراز

 

[شمشاد]

برسات کا بادل تو دیوانہ ہے کیا جانے
کس راہ سے بچنا ہے کس چھت کو بھگونا ہے
(ندا فاضلی)

 

[مومن فرحین]

جانے والے کبھی نہیں آتے
جانے والوں کی یاد آتی ہے

 

[گُلِ یاسمیں]

روشن ہیں دل کے داغ نہ آنکھوں کے شب چراغ
کیوں شام ہی سے بجھ گئے محفل کے سب چراغ

وہ دن نہیں کرن سے کرن میں لگے جو آگ
وہ شب کہاں چراغ سے جلتے تھے جب چراغ
شکیب جلالی

 

[گُلِ یاسمیں]

ہوا ہے اب تو یہ نقشہ تیرے بیمارِ ہجراں کا
کہ جس نے کھولکر منہ اسکا دیکھا بس وہیں ڈھانکا

 

[گُلِ یاسمیں]

تیری قربت کے لمحے پھول جیسے
مگر پھولوں کی عمریں مختصر ہیں

 

[گُلِ یاسمیں]

ایک وضع پر ہی نہیں ہے زمانے کا طورِ آہ
معلوم ہو گیا ہمیں لیل و نہار سے

 

[گُلِ یاسمیں]

دنیا نے تجربات و حوادث کی شکل میں
جو کچھ مجھے دیا ہے وہ لوٹا رہا ہوں میں

 

[گُلِ یاسمیں]

چبا لیں کیوں نہ خود ہی اپنا ڈھانچا
تمھیں راتب مہیا کیوں کریں ہم
جون ایلیا

 

[گُلِ یاسمیں]

نہ جانے کون سا آسیب دل میں بستا ہے
کہ جو بھی ٹھہرا وہ آخر مکان چھوڑ گیا
پروین شاکر

 

[شمشاد]

چوم کر آیا ہے یہ دست حنائی آپ کا
کیوں نہ رکھوں میں کلیجے سے لگا کر تیر کو
شیر سنگھ ناز دہلوی

 

[سیما علی]

غم میں کچھ غم کا مشغلا کیجے
درد کی درد سے دوا کیجے
منظر لکھنوی

 

[سیما علی]

دل میں اک درد اٹھا آنکھوں میں آنسو بھر آئے
بیٹھے بیٹھے ہمیں کیا جانئے کیا یاد آیا!!!!!!!!!!!!!!!!

 

[سیما علی]

یہ دل کا درد تو عمروں کا روگ ہے پیارے
سو جائے بھی تو پہر دو پہر کو جاتا ہے

 

[سیما علی]

راس آنے لگی دنیا تو کہا دل نے کہ جا
اب تجھے درد کی دولت نہیں ملنے والی

 

[سیما علی]

حال تم سن لو مرا دیکھ لو صورت میری
درد وہ چیز نہیں ہے کہ دکھائے کوئی

 

[سیما علی]

کچھ درد کی شدت ہے کچھ پاس محبت ہے
ہم آہ تو کرتے ہیں فریاد نہیں کرتے

 

[شمشاد]

مرا گمان ہے شاید یہ واقعہ ہو جائے
کہ شام مجھ میں ڈھلے اور سب فنا ہو جائے
عاصم بخشی

 

[مومن فرحین]

کب لوٹا ہے بہتا پانی بچھڑا ساجن روٹھا دوست
ہم نے اس کو اپنا جانا جب تک ہاتھ میں داماں تھا

ابن انشاء