میرے پسندیدہ اشعار

[سیما علی]

سبھی کچھ ہے تیرا دیا ہوا سبھی راحتیں سبھی کلفتیں،
کبھی صحبتیں کبھی فرقتیں کبھی دوریاں کبھی قربتیں،

یہ سخن جو ہم نے رقم کیے یہ ہیں سب ورق تری یاد کے،
کوئی لمحہ صبح وصال کا کوئی شام ہجر کی مدتیں،

جو تمہاری مان لیں ناصحا تو رہے گا دامن دل میں ڪیا،
نہ ڪسی عدو کی عداوتیں نہ ڪسی صنم کی مروتیں،

چلو آؤ تم کو دکھائیں ہم جو بچا ہے مقتل شہر میں،
یہ مزار اہل صفا کے ہیں یہ ہیں اہل صدق کی تربتیں،

مری جان آج کا غم نہ کر کہ نہ جانے کاتب وقت نے،
کسی اپنے کل میں بھی بھول کر کہیں لکھ رکھی ہوں مسرتیں۔

فیض احمد فیض

 

[سیما علی]

تیرے ہی رنگ اترتے چلے جائیں مجھ سے
خود کو لکھوں، تری تصویر بنائے جاؤں

عبیداللہ علیم

 

[سیما علی]

تو نے نفرت سے جو دیکھا تو مجھے یاد آیا
کیسے رشتے تیری خاطر یونہی توڑ آیا ہوں

کتنے دھندلے ہیں یہ چہرے جنہیں اپنایا ہے
کتنی اُجلی تھیں وہ آنکھیں جنہیں چھوڑ آیا ہوں

 

[شمشاد]

زندگی نے مرا پیچھا نہیں چھوڑا اب تک
عمر بھر سر سے نہ اتری یہ بلا کیسی تھی
قیصر الجعفری

 

[سیما علی]

ان کے قاصد کا منتظر ہوں میں
‏اے اجل! تُو کہاں سے آتی ہے

‏رئیس امرہوی

 

[گُلِ یاسمیں]

زندگی کا سفر کاٹنا ہے اگر
آگ پر رقص کرنے کا فن سیکھ لے
تیرا سوز دروں تجھ کو دے گا سکوں
جینا چاہے تو مرنے کا فن سیکھ لے

( مظفر وارثی)

 

[گُلِ یاسمیں]

آسان جھیلنا کہاں تھا کرب آگاہی
میں خود شناس ہو کر پریشان ہوگئی

 

[گُلِ یاسمیں]

خود پیاس کا صحرا ہوں مگر دل کی یہ ضد ہے
ہر دشت پہ ساون کی طرح ٹوٹ کے برسوں

 

[گُلِ یاسمیں]

بس اٹھ کے چل دیے چپ چاپ کچھ کہا نہ سنا
کوئی طریقہ ہے یہ ، اس طرح بچھڑتے ہیں

 

[گُلِ یاسمیں]

دل کا موسم کبھی غیروں پر عیا ں کرتے نہیں
ٹوٹ کر بکھرے مگر ضبط کی آغوش میں رہے
وہ تیرا ظرف تھا تو شعور کے پہلو میں رہا
ظرف یہ اپنا ہے ہم آج بھی خاموش رہے

 

[گُلِ یاسمیں]

گھاؤ گنتے نہ کبھی زخم شماری کرتے
عشق میں اگر ہم بھی وقت گزاری کرتے
وقت آیا ہے جدائی کا تو پھر سوچتے ہیں
تجھ کو اعصاب پر اتنا بھی نہ طاری کرتے

سرگوشی

 

[گُلِ یاسمیں]

نہ دید ہے نہ سخن ، نہ حرف ہے نہ پیام
کوئی بھی حیلہء تسکین نہیں اور آس بہت ہے
امید یار ، نظر کا مزاج ، درد کا رنگ
تم آج کچھ بھی نہ پوچھو کہ دل اداس بہت ہے

سرگوشی

 

[گُلِ یاسمیں]

بے مقصد سب لوگ مُسلسل بولتے رہتے ہیں
شہر میں دیکھو سناٹے کی دہشت کتنی ہے
لفظ تو سب کے ایک جیسے ہیں کیسے بات کھلے
دنیا داری کتنی ہے اور چاہت کتنی ہے

 

[گُلِ یاسمیں]

ہنسی کے رنگ بہت مہربان تھے لیکن
اداسیوں سے ہی نبھی خمیر ایسا تھا

 

[گُلِ یاسمیں]

خزاں کی دھند میں لپٹے ہوئے ہیں
شجر مجبوریاں پہنے ہوئے ہیں
یہ کیسی فصل گل آئی چمن میں
پرندے خوف سے سہمے ہوئے ہیں
( امجد اسلام امجد)

 

[گُلِ یاسمیں]

یہی نہیں کہ زخم جاں کو چارہ جو ملا نہیں
یہ حال تھا کہ دل کو اسم آرزو ملا نہیں

( ادا جعفری)

 

[گُلِ یاسمیں]

کوئی بھی لمحہ کبھی لوٹ کر نہیں آیا
وہ شخص ایسا گیا پھر نظر نہیں آیا

وفا کے دشت میں رستہ نہیں ملا کوئی
سوائے گرد سفر ، ہم سفر نہیں آیا

پلٹ کے آنے لگے شام کے پرندے بھی
ہمارا صبح کا بھولا مگر نہیں آیا

کسی چراغ نے پوچھی نہیں خبر میری
کوئی بھی پھول مِرے نام پر نہیں آیا

چلو کہ کوچہء قاتل سے ہم ہی ہو آئیں
کہ نخلِ دار پہ کب سے ثمر نہیں آیا

خدا کے خوف سے جو دل لرزتے رہتے ہیں
انھیں کبھی بھی زمانے سے ڈر نہیں آیا

کدھر کو جاتے ہیں رستے، یہ راز کیسے کھلے
جہاں میں کوئی بھی بارِدگر نہیں آیا

یہ کیسی بات کہی شام کے ستارے نے
کہ چین دل کو مرے رات بھر نہیں آیا

ہمیں یقین ہے امجد نہیں وہ وعدہ خلاف
یہ عمر کیسے کٹے گی ، اگر نہیں آیا

( امجد اسلام امجد)

 

[گُلِ یاسمیں]

میرے لیے تو حرف دعا ہو گیا وہ شخص
سارے دکھوں کی جیسے دوا ہو گیا وہ شخص

میں آسماں پہ تھا تو زمیں کی کشش تھا وہ
اترا زمین پر تو ہوا ہو گیا وہ شخص

میں اس کا ہاتھ دیکھ رہا تھا کہ دفعتا
سمٹا ، سمٹ کے رنگ حنا ہو گیا وہ شخص

پھرتا ہے لے کے آنکھ کا کشکول در بدر
دل کا بھرم لٹا تو گدا ہو گیا وہ شخص

یوں بھی نہیں کہ پاس ہے میرے وہ ہم نفس
یہ بھی غلط کہ مجھ سے جدا ہو گیا وہ شخص

پڑھتا تھا میں نماز سمجھ کر اسے رشید
پھر یوں ہوا کہ مجھ سے قضا ہو گیا وہ شخص

( رشید قیصرانی)

 

[شمشاد]

یہ کس کا چہرہ دمکتا ہے میری آنکھوں میں
یہ کس کی یاد مجھے کہکشاں سے آتی ہے
عبید اللہ صدیقی

 

[گُلِ یاسمیں]

صحرا کے سفر نے سب کچھ بدل ڈالا
ریت کو ہم سمجھے ساحل کا کنارہ ہے