میرے پسندیدہ اشعار

[Bilqis shaikh]

میں نے اپنی شاعری بھیجی ہے لیکن مجھے کوئی جواب نہیں ملا.

 

[Bilqis shaikh]

میں نے اپنی غزل بھیجی ہے آپ کو پہنچی یا نہیں پلیز مجھے جواب دیجئے گا آپ کی شکرگزار رہونگی.

 

[Bilqis shaikh]

Asalam

 

[Bilqis shaikh]

نہ دولت نہ راحت نہ گھر چاہیے ،
زندگی کی راہ میں ایک ہم سفر چاہیے.

نہ رنگین سحر ہو نہ سہانی شام ہو،
میری راتوں کو بس ایک قمر چاہیے.

شمع یونہی جلتی رہے گی رات بھر ،
پتنگے میں بھی مگر سوزِ جگر چاہیے.

خود ہی آجائینگے ڈھونڈتے ڈھونڈتے ،
دعاؤں میں بھی مگر تھوڑا أثر چاہیے.

دوا تو ہے اپنی جگہ چارہ گر ،
دعا میں بھی مگر تھوڑا أثر چاہیے.

دل سے نکلی دعائیں ہوتی ہے قبول،
ہم میں بھی مگر تھوڑا صبر چاہیے.

دعا تو ہے اپنی جگہ چارہ گر،
دوا میں بھی مگر تھوڑا أثر چاہیے.

ہے دل میں میرے حُسن کی انجمن،
مگر دیکھنے کو تیری ایک نظرچاہیے.

یہ غربت، امیری یہ شہرت ہے فانی،
نرگس بتا کچھ دیگر کیا چاہیے.

 

[Bilqis shaikh]

میرا تخلص" نرگس" ہے

میں نے جو غزل بھیجی ہے آپ اپنے اپنے coments
ضرور دیجئے گا

 

[شمشاد]

نالۂ بلبل شیدا تو سنا ہنس ہنس کر
اب جگر تھام کے بیٹھو مری باری آئی
(لالہ مادھو رام جوہر)

 

[arshadmm]

تیرا تن روح سے ناآشنا ہے
عجب کیا! آہ تیری نا رسا ہے
تن بے روح سے بیزار ہے حق
خدائے زندہ، زندوں کا خدا ہے

 

[شمشاد]

عزیز اتنا ہی رکھو کہ جی سنبھل جائے
اب اس قدر بھی نہ چاہو کہ دم نکل جائے
(عبید اللہ علیم)

 

[مومن فرحین]

صحن چمن کو اپنی بہاروں پہ ناز تھا
وہ آگئے تو ساری بہاروں پہ چھا گئے

 

[شمشاد]

اب تو مل جاؤ ہمیں تم کہ تمہاری خاطر
اتنی دور آ گئے دنیا سے کنارا کرتے
(عبید اللہ علیم)

 

[مومن فرحین]

اب حال دل نہ پوچھ کہ تاب جگر نہیں
اب مہرباں نہ ہو کہ ضرورت نہیں رہی

 

[شمشاد]

ہوا کے دوش پہ رکھے ہوئے چراغ ہیں ہم
جو بجھ گئے تو ہوا سے شکایتیں کیسی
(عبید اللہ علیم)

 

[مومن فرحین]

ہمیں خبر ہے ہوا کا مزاج رکھتے ہو
مگر یہ کیا کہ ذرا دیر کو رکے بھی نہیں

 

[شمشاد]

ایک چہرے میں تو ممکن نہیں اتنے چہرے
کس سے کرتے جو کوئی عشق دوبارا کرتے
(عبید اللہ علیم)

 

[مومن فرحین]

ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ستارہ کرتے

 

[شمشاد]

میں اس کو بھول گیا ہوں وہ مجھ کو بھول گیا
تو پھر یہ دل پہ کیوں دستک سی ناگہانی ہوئی
(عبید اللہ علیم)

 

[مومن فرحین]

وہ دل ہی کیا تیرے ملنے کی جو دعا نہ کرے
میں تجھ کو بھول کے زندہ رہوں خدا نہ کرے

قتیل شفائی

 

[مومن فرحین]

کیا ارادہ بارہا تجھے بھلانے کا
ملا نہ عذر ہی کوئی مگر ٹھکانے کا
یہ کیسی اجنبی دستک تھی کیسی آہٹ تھی
تیرے سوا کیسے حق تھا مجھے جگانے کا

شہر یار

 

[شمشاد]

یہ کیسی بچھڑنے کی سزا ہے
آئینے میں چہرہ رکھ گیا ہے

خورشید مثال شخص کل شام
مٹی کے سپرد کر دیا ہے
(عبید اللہ علیم)

 

[مومن فرحین]

میں چاہتی ہوں میرا عکس مجھ کو لوٹا دے
وہ آئینہ جسے اک بار میں نے دیکھا ہے