میرے پسندیدہ اشعار

[مومن فرحین]

یاد رکھے گا مرا کون فسانہ مرے دوست
میں نہ مجنوں ہوں نہ مجنوں کا زمانہ مرے دوست
ہجر انساں کے خد و خال بدل دیتا ہے
کبھی فرصت میں مجھے دیکھنے آنا مرے دوست
شام ڈھلنے سے فقط شام نہیں ڈھلتی ہے
عمر ڈھل جاتی ہے جلدی پلٹ آنا مرے دوست

اشفاق ناصر

 

[مومن فرحین]

اداس شامیں، اجاڑ رستے کبھی بلائیں تو لوٹ آنا
کسی کی آنکھوں میں رتجگوں کے عذاب آئیں تو لوٹ آنا

ابھی نئی وادیوں ، نئے منظروں میں رہ لو مگر میری جاں
یہ سارے اک ایک کرکے جب تم کو چھوڑ جائیں تو لوٹ آنا

نئے زمانوں کا کرب اوڑھے ضعیف لمحے نڈھال یادیں
تمہارے خوابوں کے بند کمروں میں لوٹ آئیں تو لوٹ آنا

مری وہ باتیں تو جن پہ بے اختیار ھنستا تھا کھلکھلا کر
بچھڑنے والے مری وہ باتیں کبھی رلائیں تو لوٹ آنا

فرحت عباس

 

[مومن فرحین]

لوٹ آئے نہ کسی روز وہ آوارہ مزاج
کھول رکھتے ہیں اسی آس میں در شام کے بعد

 

[خالد محمود چوہدری]

نہ وہ ادائیں ، نہ ناز و غرور ، خیر تو ہے ؟
اداس بیٹھے ہیں میرے حضور ، خیر تو ہے ؟

ہماری سانس کو تم نے اسیر کر ڈالا !
نہ کوئی جرم نہ کوئی قصور ، خیر تو ہے ؟

وہ بزم جس کو ہمارے لہو نے نام دیا
سجا رہے ہیں اُسے ہم سے دور ، خیر تو ہے ؟

تمہارے شہر کے سب لوگ محتسب نکلے !
کہ میکدہ ہوا آنکھوں سے دور ، خیر تو ہے ؟

جنوں بھی ، شوق بھی ، دیوانگی بھی حیراں ہے
کہ محوِ رقص ہے اپنا شعور ، خیر تو ہے ؟

تیری گلی ہے نظر میں ، کہ وادیِ سینا
مہک رہے ہیں نگاہوں میں طور ، خیر تو ہے ؟

 

[مومن فرحین]

دل نے چھوڑا ہے نہ چھوڑے تیرے ملنے کا خیال
بارہا دیکھ لیا خود کو ملامت کر کے

 

[مومن فرحین]

روٹھنے والے تیرے دل میں محبت جاگے
ہم نے قرآن کا دل پڑھ کے دعا مانگی ہے

 

[مومن فرحین]

بعد میرے جو کہا ہوگا کسی کو خوش ہیں
پہلے آنکھوں کو کئی بار سکھایا ہو گا

 

[مومن فرحین]

وہ جواں رتوں کی شامیں کہاں کھو گی ہیں محسن
میں تو بجھ کہ رہ گیا ہوں وہ بچھڑ گیا ہے جب سے

 

[سیما علی]

وہ جواں رتوں کی شامیں کہاں کھو گی ہیں محسن !!!!
میں تو بجھ کہ رہ گیا ہوں وہ بچھڑ گیا ہے جب سے

 

[سیما علی]

اِس اسیری میں بھی ہر سانس کے ساتھ آتی ہے
صحنِ زنداں میں انہیں دشت وطن کی خوشبو!!!

 

[مومن فرحین]

بے تحاشا ہے تجھے یاد کیا
اور بھلایا بھی بہت ہے تجھ کو
ساری رونق ہی تیرے دم سے ہے
اور تیرے بکھرے ہوئے غم سے ہے
جس قدر
میں نے تعلق تیرا محسوس کیا
اتنی گہرائی تو روحوں میں ہوا کرتی ہے
جس قدر
میں نے تیری ذات کو خود میں پایا
اتنی یکتائی کہاں ملتی ہے
فاصلے وقعتیں کھو بیٹھے ہیں
دوریاں پھیکی پڑیں
اتنی شدت سے تجھے سوچا ہے
اتنی شدت سے تجھے چاہا ہے
شدتیں عشق کی معراج ہوا کرتی ہیں۔۔

 

[مومن فرحین]

تیرے بغیر کتنی فسردہ ہے بزم شعر
اے دوست اب پڑھوں میں غزل کس کو دیکھ کر

 

[سیما علی]

بوئے گل، نالۂ دل، دودِ چراغِ محفل
جو تری بزم سے نکلا سو پریشاں نکلا

 

[مومن فرحین]

خیال و خواب ہُوا برگ و بار کا موسم
بچھڑ گیا تری صُورت، بہار کا موسم
کئی رُتوں سے مرے نیم وا دریچوں میں
ٹھہر گیا ہے ترے انتظار کا موسم

 

[سیما علی]

کیا کرے میری مسیحائی بھی کرنے والا
زخم ہی یہ مجھے لگتا نہیں بھرنے والا،،،
زندگی سے کسی سمجھوتے کے با وصف اب تک
یاد آتا ہے کوئی مارنے مرنے والا!!!!!!!!!!!!!!

پروین شاکر

 

[مومن فرحین]

یاد آتا ہے تو کیوں اس سے گلا ہوتا ہے
وہ جو اک شخص مجھے بھول چکا ہوتا ہے

 

[Bilqis shaikh]

1. میں یہاں پر نئی ممبر ہوں میں اپنی غزل بھیجنا چاہتی ہوں پلیز مجھے گائیڈ کریں.

 

[مومن فرحین]

1. میں یہاں پر نئی ممبر ہوں میں اپنی غزل بھیجنا چاہتی ہوں پلیز مجھے گائیڈ کریں.

یہاں بلکل نیچے tool bar ہے اس کے نیچے writnig box ہے وہاں آپ جو بھی لکھنا چاہیں لکھ کر جواب ارسال کے option پر click کر دیں ۔

 

[سیما علی]

ہر آدمی کہاں اوج کمال تک پہنچا

ہر آدمی کہاں اوج کمال تک پہنچا!!!!
عروج حد سے بڑھا تو زوال تک پہنچا

خود اپنے آپ میں جھنجھلا کے رہ گیا آخر
مرا جواب جب اس کے سوال تک پہنچا

غبار کذب سے دھندلا رہا ہمیشہ جو!!!!
وہ آئنہ مرے کب خد و خال تک پہنچا

چلو نہ سر کو اٹھا کر غرور سے اپنا!!!!!!!!!!
گرا ہے جو بھی بلندی سے ڈھال تک پہنچا

جسے بھروسا نہیں تھا اڑان پر اپنی!!
وہی پرندہ شکاری کے جال تک پہنچا

طواف کرتے رہے سب ہی راستے میں مگر
ہر ایک شخص ہی گرد ملال تک پہنچا

مری نجات کا ہوگا ظفرؔ وسیلہ وہی!!!!!!
جو لفظ نعت کا میرے خیال تک پہنچا

ظفر اقبال ظفر

 

[Bilqis shaikh]

میں اپنی شاعری بھجنا چاہتی ہوں پلیز مجھے گائیڈ کریں شکریہ