میرے پسندیدہ اشعار

[شمشاد]

کھلتا کسی پہ کیوں مرے دل کا معاملہ
شعروں کے انتخاب نے رسوا کیا مجھے
(مرزا غالب)

 

[ڈاکٹر عظیم سہارنپوری]

غالب کی جو سنائی غزل سب کو یاد تھی
شعروں کے انتخاب نے رسوا کیا مجھے

 

[ڈاکٹر عظیم سہارنپوری]

بھولے ہیں رفتہ رفتہ انہیں مدتوں میں ہم
قسطوں میں خود کشی کا مزا ہم سے پوچھئے


خمار بارہ بنکوی

 

[شمشاد]

غالب کی جو سنائی غزل سب کو یاد تھی
شعروں کے انتخاب نے رسوا کیا مجھے

ڈاکٹر صاحب یہ پہلا مصرعہ آپ نے کہاں سے لے لیا؟

 

[ڈاکٹر عظیم سہارنپوری]

ڈاکٹر صاحب یہ پہلا مصرعہ آپ نے کہاں سے لے لیا؟

جناب عالی اصل شعر تو وہی ہے جو حضرت نے لکھا ہے

یہ غالب کے مصرعے پر مزاحیہ مصرعہ ہے

 

[شمشاد]

جناب عالی اصل شعر تو وہی ہے جو حضرت نے لکھا ہے

یہ غالب کے مصرعے پر مزاحیہ مصرعہ ہے

بہت شکریہ ڈاکٹر صاحب۔ تو وضاحت تو کر دیتے۔

میں سمجھا آپ نے کہیں اور سے چچا کا یہ شعر ڈھونڈ نکالا۔

 

[مومن فرحین]

مانگیں گے اب دعا کہ اُسے بُھول جائیں ہم
لیکن جو وہ بوقتِ دعا یاد آ گیا!

خمار

 

[مومن فرحین]

ہم۔ کیا کریں سوال یہ سوچا نہیں ابھی
وہ کیا جواب دیں گے یہ دھڑکا ابھی سے ہے

جلیل مانک پوری

 

[مومن فرحین]

آنے میں سدا دیر لگاتے ہی رہے تم
جاتے رہے ہم جان سے آتے ہی رہے تم

ناسخ

 

[شمشاد]

مانگیں گے اب دعا کہ اُسے بُھول جائیں ہم
لیکن جو وہ بوقتِ دعا یاد آ گیا!

خمار

ہم بھول سکے ہیں نہ تجھے بھول سکیں گے
تو یاد رہے گا ہمیں ہاں یاد رہے گا
ابن انشا

 

[شمشاد]

ہم۔ کیا کریں سوال یہ سوچا نہیں ابھی
وہ کیا جواب دیں گے یہ دھڑکا ابھی سے ہے

جلیل مانک پوری

کرتا ہوں سوال جس کے در پر
آتی ہے یہی صدا کہ پھر مانگ
مصحفی غلام ہمدانی

 

[شمشاد]

آنے میں سدا دیر لگاتے ہی رہے تم
جاتے رہے ہم جان سے آتے ہی رہے تم

ناسخ

رکا محفل میں اتنی دیر تک میں
اجالوں کا بڑھاپا دیکھ آیا
شارق کیفی

 

[مومن فرحین]

یوں تو کہنے کو بہت لوگ شناسا میرے
کہاں لے جاؤں تجھے اے دلِ تنہا میرے

وہی محدود سا حلقہ ہے شناسائی کا
یہی احباب مرے ہیں، یہی اعدا میرے

فراز

 

[عطاء اللہ جیلانی]

‏ہم چراغِ شب ہی جب ٹھہرے تو پھر کیا سوچنا
رات تھی کس کا مقدر اور سحر دیکھے گا کون..!

‎احمد فراز

 

[عطاء اللہ جیلانی]

‏کچھ اس طرح سے گزاری هے زندگی جیسے
تمام عمر کسی دوسرے کے گھر میں رہا

‎احمد فراز

 

[عطاء اللہ جیلانی]

‏“تم اپنے عقیدوں کے نیزے ہر دل میں اتارے جاتے ہو
ہم لوگ محبت والے ہیں تم خنجر کیوں لہراتے ہو”

احمد فراز

 

[مومن فرحین]

قبروں میں نہیں ہم کو کتابوں میں اتارو
ہم لوگ محبت کی کہانی میں مرے ہیں

 

[عطاء اللہ جیلانی]

اُجڑے ہُوئے لوگوں سے گریزاں نہ ہُوا کر
حالات کی قبروں کے یہ کتبے بھی پڑھا کر

کیا جانیے کیوں تیز ہَوا سوچ میں گم ہے
خوابیدہ پرندوں کو درختوں سے اُڑا کر

اِس شب کے مقدر میں سحر ہی نہیں محسن
دیکھا ہے کئی بار چراغوں کو بجھا کر

 

[شمشاد]

وقت کی قبر میں الفت کا بھرم رکھنے کو
اپنی ہی لاش اتاری ہے تمہیں کیا معلوم
(احمد راہی)

 

[شمشاد]

اجنبی شہر میں پہنچوں تو شناسا دیکھوں
دوسرا کوئی نہیں بس ترا چہرہ دیکھوں
(خالد رحیم)