میرے پسندیدہ اشعار

[شمشاد]

بہت تھا خوف جس کا پھر وہی قصا نکل آیا
مرے دکھ سے کسی آواز کا رشتا نکل آیا
(بشر نواز)

 

[ڈاکٹر عظیم سہارنپوری]

الف لیلہ ہے یا میری محبت کی کہانی ہے
میں اک قصے کو گر بھولوں تو سو قصے نکل آئیں
عظیم

 

[ڈاکٹر عظیم سہارنپوری]

کہ جس پتھر کو دل کہتے ہیں اس کو نرم کر لیں گر
تو بھائی کیا ہے دشمن سےکئی رشتے نکل آئیں

عظیم سہارن پوری

 

[شمشاد]

کون انگڑائی لے رہا ہے عدمؔ
دو جہاں لڑکھڑائے جاتے ہیں
(عبد الحمید عدم)

 

[شمشاد]

شب کو مے خوب سی پی صبح کو توبہ کر لی
رند کے رند رہے ہاتھ سے جنت نہ گئی
(جلیل مانک پوری)

 

[شمشاد]

تھمتے تھمتے تھمیں گے آنسو
رونا ہے کچھ ہنسی نہیں ہے
(بدھ سنگھ قلندر)

 

[شمشاد]

بچہ بولا دیکھ کر مسجد عالی شان
اللہ تیرے ایک کو اتنا بڑا مکان
(ندا فاضلی)

 

[مومن فرحین]

وہ مجھے دیکھتا رہے اور میں
دیکھنا دیکھتا رہوں اس کا

 

[مومن فرحین]

بچہ بولا دیکھ کر مسجد عالی شان
اللہ تیرے ایک کو اتنا بڑا مکان
(ندا فاضلی)

واہ بہت خوب

 

[ڈاکٹر عظیم سہارنپوری]

نظر بچا کے گزرتے ہو تو گزر جاؤ
میں آئینہ ہو ں مری اپنی ذمے داری ہے

طاہر فراز

 

[شمشاد]

بدن میں جیسے لہو تازیانہ ہو گیا ہے
اسے گلے سے لگائے زمانہ ہو گیا ہے
(عرفان صدیقی)

 

[شمشاد]

آنکھوں سے محبت کے اشارے نکل آئے
برسات کے موسم میں ستارے نکل آئے
(منصور عثمانی)

 

[شمشاد]

ایک ہی شے تھی بہ انداز دگر مانگی تھی
میں نے بینائی نہیں تجھ سے نظر مانگی تھی
(اظہار اثر)

 

[شمشاد]

اب دل کی طرف درد کی یلغار بہت ہے
دنیا مرے زخموں کی طلب گار بہت ہے
(فرحت احساس)

 

[شمشاد]

کچھ دوستوں کے دل پہ تو چھریاں سی چل گئیں
کی اس نے مجھ سے بات جو پردہ کیے بغیر
(آشوک ساحل)

 

[ڈاکٹر عظیم سہارنپوری]

کچھ دوستوں کے دل پہ تو چھریاں سی چل گئیں
کی اس نے مجھ سے بات جو پردہ کیے بغیر
(آشوک ساحل)

بہت خوب لاجواب

 

[ڈاکٹر عظیم سہارنپوری]

ہو جائے نہ خراب کہیں پینٹ کی کریز
پڑھتے ہیں ہم نماز بھی سجدہ کیےبغیر

عظیم سہارنپوری

 

[ڈاکٹر عظیم سہارنپوری]

زندگی سے یہی گلا ہے مجھے
تو بہت دیر سے ملا ہے مجھے

فراز

 

[بابا-جی]

کہنے کو زندگی تھی بہت مختصر مگر
کچھ یوں بسر ہوئی کہ خدا یاد آ گیا

(خُمار بارہ بنکوی)

 

[شمشاد]

ایک بھی شخص بہت تھا کہ خبر رکھتا تھا
ایک تارا بھی بہت تھا کہ صدا دیتا تھا

رخ ہوا کا کوئی جب پوچھتا اس سے بانیؔ
مٹھی بھر خاک خلا میں وہ اڑا دیتا تھا
(راجیندر منچندا بانی)